Apokalіpsіs 2:23 - Enі Baalantı

²³ Onun uşaklarını çarpacam ölümnän. Ozaman hepsi kliselär tanıyacek, ani Bänim, Kim aaraştırêr insanın neetlerini hem üreeni. Hepsinizä kendi işlerinizä görä ödeyecäm.

Ени Бааланты

²³ Онун ушакларыны чарпаӂам ӧлӱмнӓн. Озаман хепси клиселӓр таныйаӂэк, ани Бӓним, Ким аараштырэр инсанын неетлерини хем ӱреени. Хепсинизӓ кенди ишлеринизӓ гӧрӓ ӧдейеӂӓм.

Apokalіpsіs 2:23 ပူးပေါင်းရင်းမြစ်များ

Matfey 16:27

Zerä Adam Oolu gelecek Gökteki Bobasının metinniindä Kendi angillerinnän barabar da herkezinä işlerinä görä ödeyecek.

Luka 16:15

İisus dedi onnara: «Siz çalışêrsınız kendinizi insanın önündä dooru çıkarasınız, ama Allah tanıyêr üreenizi. Zerä ne insan meteder, ondan Allah azetmeer.

İoan 21:17

Üçüncü sıra sordu ona: «Simon, İoanın oolu! Seversin mi sän Beni?» Petri güçlendi, ani üçüncü sıra hep bunu sordu: «Seversin mi Beni?» da cuvap etti: «Saabi! Sän hepsini bilersin. Sän bilersin, ani bän severim Seni». İisus dedi ona: «Otlat Benim koyunnarımı.

İoan 4:16

«Git, çaar kocanı da gel burayı», – dedi İisus.

Yaptıklar 1:24

Sora dua ettilär butürlü: «Sän, Saabi, ani tanıyêrsın herkezin üreeni, göster bizä, angısını bu iki kişidän Sän ayırêrsın,

Romalılara 14:12

Ölä ki, hepsimiz cuvap verecek kendi için Allahın önündä.

Romalılara 8:27

O, Kim aaraştırêr insan üreeni, biler, ne düşünür Duh, zerä Duh aracılık eder Allahın ayoz halkı için Kendi istediinä görä.

2 Korіnflіlerä 5:10

Zerä hepsimiz lääzım çıkalım daavaya Hristozun önünä, ki herbirimiz kabletsin ödek ii eki kötü işlär için, angılarını yaptık, güüdedä yaşarkan.

Galatіyalılara 6:5

Zerä herkez taşıyacek kendi ükünü.

Çıfıtlara 4:13

Yaradılmışlardan hiç kimsey Allahtan saklanamaz. Onun gözlerinin önündä hepsi ayın-açık. Ona biz cuvap verecez.

1 Petrіnіn 1:17

Eer siz deyärseydiniz Boba Ona, Kim kimseyä pay tutmêêr, ama herkezinä yaptıına görä daava yapêr, onuştan bakın, Allahı hatırlayarak, bu ömürü geçirmää, ani yaşêêrsınız bu dünnedä.

Apokalіpsіs 2:11

Kimin var kulaa, işitsin, ne Ayoz Duh söleer kliselerä: kim enseyecek, ona ikinci ölümdän zarar olmayacek“.

Apokalіpsіs 2:7

Kimin var kulaa, işitsin, ne Ayoz Duh söleer kliselerä: kim enseyecek, ona izin verecäm, isin yaşamak fidanından, ani Allahın rayında“.

Apokalіpsіs 20:12

Gördüm ölüleri – küçükleri hem büükleri, ani ayakça çorbacılık skemnesinin önündä durardılar. Kiyatlar açıldılar, sora bir başka kiyat açıldı, yaşamak kiyadı, da ölülerä, onnarın yaptıklarına görä, daava yapıldı, bakarak ona, ne yazıldı kiyatlarda.

Apokalіpsіs 20:13

Ozaman deniz geeri verdi ölüleri, ani vardı onda. Ölüm hem ölülär eri dä verdi ölüleri, ani vardı onnarda. Da herkezinä daava yapıldı onnarın yaptıklarına görä.

Apokalіpsіs 22:12

İisus deer: «Bän tezdä gelerim, ödääm benimnän, ki herkezä yaptıklarına görä vereyim.

Apokalіpsіs 6:8

Açan baktım, tä, bir şarga beygir. Onun üstündä atlı olanın adı ölüm, da onun ardınca ölülär eri gelärdi. Verildi onnara izin erin dördüncü payı üstünä, öldürsünnär kılıçlan, aaçlıklan, çumaylan hem canavarlarlan.