2 Tіmofeyä 3:2 - Enі Baalantı

² Zerä insan olacek kendini sevän, parayı sevän, üünän, hodul, kötüleyici, anayı-bobayı seslämeyän, şükürsüz,

Ени Бааланты

² Зерӓ инсан олаӂэк кендини севӓн, парайы севӓн, ӱӱнӓн, ходул, кӧтӱлейиӂи, анайы-бобайы сеслӓмейӓн, шӱкӱрсӱз,

2 Tіmofeyä 3:2 ပူးပေါင်းရင်းမြစ်များ

Matfey 15:6

o var nicä ikramnamasın bobasını /hem anasını/“. Butürlü paasızlandırdınız Allahın sözünü kendi adetinizlän.

Luka 12:15

Sora dedi: «Bakın, korunun hertürlü para tamahlıından, zerä yaşamak tutunmêêr varlıın bolluundan».

Luka 16:14

Fariseylär, angıları sevärdilär parayı, sesleyeräk bu lafları, başladılar gülmää almaa İisusu.

Luka 6:35

Ama siz duşmannarınızı sevin, iilik onnara yapın. Verin ödünç, düşünmeyeräk geeri bişey almaa. Ozaman büük ödek olacek sizä. Siz olacenız Pek üüsek Allahın oolları, zerä O iilik yapêr onnara da, kim şükür etmeer hem fenalık yapêr.

Yaptıklar 5:36

Zerä diil çoktan peyda oldu Fevda, angısı koyardı kendini bişey. Onun ardına gitti bir dörtüz kişi, ama açan onu öldürdülär, hepsi, kim onu seslärdi, daalıştılar da yok oldular.

Romalılara 11:18

Öleysä, üünmä kesilmiş dalların önündä. Eer üünärseydin, unutma, ani tutmêêrsın sän kökü, ama kök tutêr seni.

2 Korіnflіlerä 5:15

Hristos hepsi için öldü, ki yaşayannar artık yaşamasınnar kendileri için, ama Onun için, Kim onnar için öldü hem dirildi.

Fіlіplіlerä 2:21

Zerä hepsi aarêêr kendinä fayda, diil İisus Hristoza.

Koloslulara 3:5

Onuştan öldürün, ne var sizdä erdän: orospuluu, diilpaklıı, düşkünnüü, kötü havezlii hem tamahlıı, ani hep ölä, nicä dä baş iiltmäk idollara.

2 Salonіklіlerä 2:4

O karşı duracek hem kendini üüseklendirecek hepsindän taa çok, neyä dener Allah eki neyä baş iildiler, ölä ki Allahın Ayoz binasında oturacek, sansın o Allah, da kendini Allahın erinä koyacek.

1 Tіmofeyä 1:20

Onnarın arasında bulunêr İmeney hem Aleksandru, angılarını braktım şeytanın elinä, ki üürensinnär, ani düşmeer Allahı kötülemää.

1 Tіmofeyä 1:9

Zerä bileriz, ani Zakon diil kurulu dooru olannar için, ama zakonsuzlar için hem baş iiltmeyennär için, allahsızlar için hem günahkerlär için, onnar için, ani diil ayoz hem paaya koymêêrlar onu, ne ayoz, ana-bobalarını düüyennär hem adam öldürennär için,

1 Tіmofeyä 3:3

Olmasın sarfoşçu, düüşçü, /tamah,/ ama yalpak olsun, kavga etmesin, para sevmesin.

1 Tіmofeyä 6:10

Çünkü herbir kötülüün kökü – para sevgisidir. Kim buna verildi, onnar inandan saptılar da kendilerinä çok zeet yaptılar.

1 Tіmofeyä 6:4

O bir şişkindir da bişey bilmeer, ama düşkündür yarışmaa hem laf kavgalarına, neredän başlêêr haseetlik, çekiş, fena laflar hem kötü şüpelär,

2 Tіmofeyä 3:4

hayın, fikirsiz, şişkin, taa çok sefa sevennär, nekadar Allahı.

İakovun 2:8

Eer Padişahın Zakonunu tamannarsaydınız Ayoz Yazıya görä: «Seväsin yakın olanını, nicä kendini», ii yapêrsınız.

İakovun 4:16

Ama şindi üünersiniz hem şişkinniklän lafedersiniz. Butürlü üünmeklär herzaman kötü.

İakovun 4:6

Ama O bizä taa büük bir hayır baaşlêêr, onuştan deer: «Allah şişkinnerä karşı durêr, ama yalpaklara hayır baaşlêêr».

1 Petrіnіn 5:5

Hep ölä siz dä, gençlär, ön verin presviterlerä. Hepsiniz, biri-birinizä ön vereräk, kuşanın yavaşlıklan. Zerä «Allah şişkinnerä karşı durêr, ama yavaşlara iivergi verer».

2 Petrіnіn 2:10

en çok onnarı, angıları tencä mındar istemelerä veriler hem Onun zaabitliini paaya koymêêr. Bu arsız hem inat adamnar metinni olannarı kötülemää sakınmêêrlar.

2 Petrіnіn 2:12

Ama onnar akılsız hayvannar gibi, tencä alışmaklarına görä yaşêêrlar. Duumuşlar, ki, tutulup, kesilmiş olsunnar. Kötüleerlär, ne kendileri annamêêr, onnar da, hayvannar gibi, yok olaceklar.

2 Petrіnіn 2:18

Onnar, boşuna üüneräk, lafederlär da aldadêrlar tencä hamellärlän hem ayıp işlärlän onnarı, kimnär diil çoktan kurtuldu yannış yolda gidennerdän.

2 Petrіnіn 2:3

Tamahlık beterinä yalan laflarlan sizi soyaceklar. Daava onnar için çoktan hazır hem uyuklamêêr O, Kim onnarı yok edecek.

İudanın 1:16

Bu mırıltıcılar herzaman aalaşêrlar da yaşêêrlar kendi beendiklerinä görä. Aazları şişkin laflar söleer. Kendi kazançları için başkalarına yaltıklanêrlar.

Apokalіpsіs 13:1

Ozaman gördüm, denizdän çıkarkan, bir canavar on buynuzlan hem edi kafaylan. Buynuzlarında vardı on korona hem kafalarında Allahı kötüleyän adlar.

Apokalіpsіs 16:11

Onnar gökteki Allahı kötüledilär acıları hem yaraları beterinä, ama kendi yaptıklarından dönmedilär.

Apokalіpsіs 16:21

Göktän insan üstünä tolu yaadı. Herbir tolunun aarlıı bir talant kadardı. Tolu belası ölä korkunçtu, ki insan kötülärdi Allahı bu belanın beterinä.

Apokalіpsіs 16:9

İnsannar kauruldular titsi sıcaktan. Onnar kötülärdilär Allahın adını, Kimin bu belalar üstünä vardı zaabitlii, ama günahlarından Allaha dönmedilär hem Onu metinnämedilär.