2 Korіnflіlerä 5:9 - Enі Baalantı

⁹ Bu beterä çalışêrız Ona kendimizi beendirelim, istär bu güüdedä yaşayarak, istär güüdedän uzak olarak.

Ени Бааланты

⁹ Бу бетерӓ чалышэрыз Она кендимизи беендирелим, истӓр бу гӱӱдедӓ йашайарак, истӓр гӱӱдедӓн узак оларак.

2 Korіnflіlerä 5:9 ပူးပေါင်းရင်းမြစ်များ

İoan 6:27

Çalışın diil geçär imäk için, ama geçmäz imäk için, ani diveç yaşamaya götürer. Bunu sizä Adam Oolu verecek. Zerä Adam Oolunu Allah Boba nışannadı Kendi mühürünnän».

Yaptıklar 10:35

ama herbir millettän insannar, ani Ondan korkêrlar hem yapêrlar dooruya görä, beenilmiş Ondan.

Romalılara 14:18

Kim butürlü izmet eder Hristoza, beenilmiş Allahtan hem saygı kazanêr insandan.

Romalılara 14:8

Yaşarsak, Saabi için yaşêêrız. Ölürsäk, Saabi için öleriz. Onuştan, yaşarız mı, öläriz mi, biz varız Saabinin.

Romalılara 15:20

Çalıştım nasaat etmää İi Haberi orada, neredä Hristozun adı bilinmärdi, ki yıvmayım bir temel üstünä, ani başkasından koyulu.

1 Korіnflіlerä 15:58

Onuştan, sevgili kardaşlarım, olun kaavi, sendellämeyin, herzaman çalışın Saabinin işindä, zerä bilersiniz, ani sizin çalışmanız Saabidä naafilä olmayacek.

2 Korіnflіlerä 5:6

Onun için herzaman kıyışmamız var, da bileriz, ani bu güüdedä olarak, Saabidän uzak durêrız.

2 Korіnflіlerä 5:8

Kıyışêrız hem taa çok isteeriz, güüdedän uzak olup, Saabiylän barabar olalım.

Efeslіlerä 1:6

ki metedilsin Onun şannı iivergisi, ani baaşladı bizä Kendi sevgili Oolunda.

Koloslulara 1:10

Dua ederiz, ani yaşamanız Saabiyä yakışsın da herbir iş üzerä beendiräsiniz kendinizi Ona, hertürlü iiliklärlän meyva getiräsiniz hem ilerleyäsiniz Onu tanımakta,

Koloslulara 1:29

Tä bunun için bän savaşıp işleerim, çalışarak Onun kuvedinnän, ani bendä.

1 Salonіklіlerä 4:1

Bitkidä, kardaşlar, isteeriz hem yalvarêrız sizä İisus Hristozun adınnan, nicä kablettiniz bizdän, taşıyın hem beendirin kendinizi Allaha, nicä düşer, nicä dä yapêrsınız, bunda taa ilerleyiniz.

1 Salonіklіlerä 4:11

Çalışın uslulukta yaşamaa, kendi işinizä bakmaa hem kendi ellerinizlän işlemää, nicä biz sizä sımarladık,

1 Tіmofeyä 4:10

Onuştan biz savaşıp-çalışêrız, zerä diri Allaha umutlanêrız, Angısı Kurtarıcıdır hepsi insannara, ama en çok inancılara.

Çıfıtlara 12:28

Onuştan, çünkü biz kablettik bir padişahlık, ani sarsalanmaz, olalım şükür da butakım izmet edelim Allaha ölä, nicä O beener, bir allahçı korkuylan hem saygıylan.

Çıfıtlara 4:11

Onuştan çalışalım bu raatlaa girmää, da kimsey olmasın seslämeyici onnar gibi.

2 Petrіnіn 3:14

Onuştan, sevgili kardaşlar, çünkü bunnarı bekleersiniz, çalışın Onun önündä lekesiz, kusursuz hem uslulukta olasınız.