2 Korіnflіlerä 13:11 - Enі Baalantı

¹¹ Bitkidä, kardaşlar, hoşça kalın. Olgun olun, nasaatımı sesleyin, bir neettä olun, uslulukta yaşayın. Ozaman Allah, sevgi hem usluluk sızıntısı, sizinnän olacek.

Ени Бааланты

¹¹ Биткидӓ, кардашлар, хошча калын. Олгун олун, насаатымы сеслейин, бир нееттӓ олун, услулукта йашайын. Озаман Аллах, севги хем услулук сызынтысы, сизиннӓн олаӂэк.

2 Korіnflіlerä 13:11 ပူးပေါင်းရင်းမြစ်များ

Matfey 1:23

«Tä kız gebä kalacek da bir ool duuduracek. Onun adını koyaceklar „Emmanuil“, annaması „Allah bizimnän“».

Matfey 5:48

Onuştan, olun taman, nicä sizin Gökteki Bobanız taman.

Mark 10:49

İisus durgundu da dedi: «Çaarın onu». Çaardılar köör adamı da dedilär: «Kalk da girgin ol, O seni çaarêr».

Mark 9:50

Tuz iidir, ama eer tuz dadını kaybedärseydi, nasıl onu enidän tuzlu yapasınız? Sizdä tuz olsun, hem barışmakta yaşayın».

Luka 9:61

Taa başkası dedi: «Saabi, gidecäm Senin ardına, ama ilkin brak, gideyim evdekilerimä „kal saalıcaklan“ söleyim».

İoan 17:23

Bän onnarda, Sän dä Bendä, ki onnar taman birliktä olsunnar, da dünnä tanısın, ani Sän Beni yolladın hem sevdin onnarı, nicä dä Beni sevdin.

Yaptıklar 15:29

korunasınız imeklerdän, ani baaşlanmış idollara, kandan, buulmuş hayvan etindän, hem orospuluktan, /da yapmayasınız başkasına, ne istämeersiniz kendinizä/. Bunnardan korunarsaydınız, ii yapacenız».

Yaptıklar 18:21

«Kalın saalıcaklan» söledi hem dedi: «/Bän mutlak lääzım İerusalimdä geçireyim gelän yortuyu, sora,/ eer olursaydı Allahın istedii, sizä geeri dönecäm», da gemiylän gitti Efes kasabasından. /Akila hem Priskilla kaldılar Efestä./

Yaptıklar 23:30

Açan bana haber geldi, ani iudeylär neetlenerlär onu öldürmää, hemen yolladım onu sana. Onun kabaatçılarına sımarladım, ki sölesinnär sana, neleri var ona karşı. /Saa ol!/»

Romalılara 12:16

Olun bir düşünmektä biri-birinizlän. Dikleşmeyin, ama kafadarlaşın onnarlan, kim aşaalanêr.

Romalılara 12:18

Eer varsa nasıl sizin tarafınızdan, olun barışmakta hepsi insannan.

Romalılara 14:19

Ölä ki, bakalım yapmaa, ne getirer usluluk hem duhça kaavilendirir biri-birimizi.

Romalılara 15:13

Allah, Kim umut bizä versin, sizi doldursun hertürlü sevinmäklän hem usluluklan inanınızda, ki Ayoz Duhun kuvedinnän sizi umutlan zenginnetsin.

Romalılara 15:33

Allah, usluluk verän, olsun sizinnän hepsinizlän! Amin.

Romalılara 16:20

Allah, usluluk verän, tezdä ezecek şeytanı sizin ayaklarınız altında. İivergi Saabimizdän İisus Hristozdan olsun sizinnän. /Amin./

1 Korіnflіlerä 1:10

Yalvarêrım, kardaşlar, bizim Saabi İisus Hristozun adınnan, hepsiniz annaşın, da olmasın ayırıklık aranızda. Olun birliktä, bir neettä hem bir düşünmektä.

2 Korіnflіlerä 1:4

Angısı iilendirer bizi herbir zeetlerdä, ki biz dä iilendiräbilelim onnarı, kim bulunêr hertürlü zeetlerdä hep ölä, nicä Allah bizi kendimizi iilendirer.

2 Korіnflіlerä 13:9

Sevineriz, açan biz yufka, ama siz kaaviysiniz. Bunun için biz dua ederiz, ki siz taman olasınız.

Efeslіlerä 4:12

ki hazırlasınnar Allahın ayoz halkını izmetçilik yapmaa, Hristozun güüdesini yıvmaa,

Efeslіlerä 4:3

Çalışın korumaa Duhun birliini usluluklan, ani baalêêr sizi biri-birinizlän.

Efeslіlerä 6:23

Usluluk hem sevgilik olsun inannan kardaşlara Allah Bobadan hem Saabi İisus Hristozdan!

Fіlіplіlerä 1:27

Sade yakışıklı yaşayınız Hristozun İi Haberinä görä, ki eer gelirsäm da görürsäm sizi, eki gelmärsäm, işideyim sizin için, ani duhça birliktä durêrsınız, nicä bir can savaşarak, ki İi Haber inanılsın,

Fіlіplіlerä 3:16

Ama neylän bir annamaya geldik, onu ölä dä tutalım.

Fіlіplіlerä 4:2

Yalvarêrım Evodiyaya, yalvarêrım Sintihiyä, Saabidä olun bir annamakta.

Fіlіplіlerä 4:4

Sevinin Saabidä herzaman, taa bir sıra deerim, sevinin.

Fіlіplіlerä 4:9

Ne üürendiniz, kablettiniz, işittiniz hem gördünüz bendä, onnarı tamannayın, da selemet verän Allah sizinnän olacek.

1 Salonіklіlerä 3:10

Gecä-gündüz bütün ürektän dua ederiz, ki görelim sizin üzünüzü da dolduralım, ne etişmeer sizin inanda.

1 Salonіklіlerä 4:1

Bitkidä, kardaşlar, isteeriz hem yalvarêrız sizä İisus Hristozun adınnan, nicä kablettiniz bizdän, taşıyın hem beendirin kendinizi Allaha, nicä düşer, nicä dä yapêrsınız, bunda taa ilerleyiniz.

1 Salonіklіlerä 4:18

Ölä ki, bu laflarlan üreklendirin biri-birinizi.

1 Salonіklіlerä 5:13

Onnara en büük saygı hem sevgi gösterin onnarın işi için. Biri-birinizlän barışmakta yaşayın.

1 Salonіklіlerä 5:16

Herzaman sevinin.

1 Salonіklіlerä 5:23

Usluluk verän Allah bütünnä sizi ayozlasın. Sizin duhunuz, canınız hem güüdeniz bütünnä kedersiz korunsun bizim Saabi İisus Hristozun gelmesindä.

2 Salonіklіlerä 2:16

Kendisi bizim Saabi İisus Hristos hem bizim Allah Bobamız, ani sevdi bizi da iivergisinnän diveç girginnik hem kaavi umut verdi,

2 Salonіklіlerä 3:1

Bitkidä, kardaşlar, dua edin bizim için, ki Allahın sözü çabuk daalsın hem metinnensin, nicä dä sizdä,

2 Salonіklіlerä 3:16

Kendi usluluk verän Saabi baaşlasın sizä usluluk herzaman hem herbir iş üzerä! Saabi sizinnän hepsinizlän olsun.

2 Tіmofeyä 2:22

Gençlik havezlerindän kaç, da izlä dooruluu, inanı, sevgiyi, usluluu hepsinnän, kim Saabiyi çaarêr pak ürektän.

Çıfıtlara 12:14

Hepsi insannan uslulukta hem ayozlukta yaşamaa çalışın, zerä ayozluksuz kimsey Saabiyi görämeyecek.

Çıfıtlara 13:20

Usluluk verän Allah, Angısı diveç baalantının kanınnan ölüdän diriltti koyunnarın büük güdücüsünü, bizim Saabi İisus Hristozu,

İakovun 1:4

Bakın, dayanmak işini taman yapsın, ki siz tamannanmış hem kusursuz olasınız, hem hiç bir kederiniz olmasın.

1 Petrіnіn 3:11

Fenalıktan uzaklansın, iilik yapsın, barışmaklıı aarasın da onun ardından gitsin.

1 Petrіnіn 3:8

Olun hepsiniz bir neettä, pay alın başkalarının zorluklarında, kardaşları sevin, yalpak hem münüz ürekli olun.

1 Petrіnіn 5:10

Allah hertürlü iivergi verer. O çaardı sizi Kendi diveç metinniinä, ani İisus Hristozda. Siz biraz zeetlendiktän sora, Kendisi sizi tamannaa getirecek, erleştirecek, kaavilendirecek hem sallanmaz yapacek.

Apokalіpsіs 22:21

Saabi İisusun iivergisi olsun herkezlän! /Amin./