2 Korіnflіlerä 1:22 - Enі Baalantı

²² Angısı bizi mühürledi hem pey verdi Ayoz Duhu bizim üreklerimizä.

Ени Бааланты

²² Ангысы бизи мӱхӱрледи хем пей верди Айоз Духу бизим ӱреклеримизӓ.

2 Korіnflіlerä 1:22 ပူးပေါင်းရင်းမြစ်များ

İoan 3:33

Kim kableder Onun şaatlıını, bununnan kaavileer Allahın aslılıını.

İoan 6:27

Çalışın diil geçär imäk için, ama geçmäz imäk için, ani diveç yaşamaya götürer. Bunu sizä Adam Oolu verecek. Zerä Adam Oolunu Allah Boba nışannadı Kendi mühürünnän».

Romalılara 4:11

Kesiklik nışanını kabletti nicä dooruluk mühürü. Dooruluu inannan edendi, taa kesikli olmadıynan. Ölä ki, o oldu hepsi kesiksiz inancıların bobası, ki onnar da dooru sayılsınnar deyni.

Romalılara 8:23

Ama diil sade o yaradılannar, ama biz dä, kimdä var Allahın ilk baaşışı – Ayoz Duh, biz dä oflêêrız hem bekleeriz, bizi ool yapsın hem kurtarsın bizim güüdelerimizi.

Romalılara 8:9

Ama siz tendän zaplı diilsiniz, ama Duhtan, eer Allahın Duhu sizdä yaşarsaydı. Kimdä yok Hristozun Duhu, o diil Onun.

2 Korіnflіlerä 5:5

Onuştan Allah bizi hazırladı da Ayoz Duhu pey bizä verdi.

Efeslіlerä 4:30

Gücendirmeyin Allahın Ayoz Duhunu, Angısınnan mühürlendiniz kurtulmak günü için.

1 Salonіklіlerä 4:8

Onuştan, kim paaya koymêêr bu sırayı, paasızlandırêr diil insanı, ama Allahı, Angısı verdi bizä Ayoz Duhu.

2 Tіmofeyä 2:19

Ama Allahın temeli kaavi durêr da bölä mühürlü: «Saabi tanıyêr Kendikilerini» hem «Uzaklaşsınnar kötülüktän hepsi, kim çaarêr Saabinin adını».

Apokalіpsіs 2:17

Kimin var kulaa, işitsin, ne Ayoz Duh söleer kliselerä: kim enseyecek, ona izin verecäm, isin saklı mannadan hem verecäm bir biyaz taş, da bu taşta yazılı bir eni ad, ne kimsey bilmeer kabledendän kaarä“.

Apokalіpsіs 7:3

«Kederlämeyin ne eri, ne denizi, ne dä fidannarı, biz Allahımızın çıraklarının annılarına mühür koymayınca!»

Apokalіpsіs 9:4

Onnara sımarlandı kederlämesinnär erdeki otları hem hiç bir eşillii eki fidanı, ama salt insannarı, angıların annılarında yok Allahın mühürü.