Yaptıklar 18:2 - Ени Бааланты

² Орада булду бир иудей, ады Акила, ани дууду Понт долайында. О аз ӧнӂӓ Италийадан гелмишти карысыннан, Прискиллайлан, зерӓ император Клавдий сымарладыйды хепси иудейлӓр Рома касабасындан гитсиннӓр. Павли оннара гитти.

Enі Baalantı

² Orada buldu bir iudey, adı Akila, ani duudu Pont dolayında. O az öncä İtaliyadan gelmişti karısınnan, Priskillaylan, zerä imperator Klavdiy sımarladıydı hepsi iudeylär Roma kasabasından gitsinnär. Pavli onnara gitti.

Yaptıklar 18:2 ပူးပေါင်းရင်းမြစ်များ

Yaptıklar 11:28

Оннардан бириси, ады Агав, калкып хаберледи Айоз Духлан, ани олаӂэк бӱӱк аачлык бӱтӱн дӱннедӓ, ниӂӓ да сора олду император Клавдийин вакыдында.

Yaptıklar 18:18

Павли калды хайли вакыт кардашларлан, сора сӧледи оннара «калын саалыӂаклан» да йола чыкты гемийлӓн Сирийа ерлеринӓ доору. Онуннан билӓ гитти Прискилла хем Акила да. Ӧнӂӓ Павли кырктырды башыны Кенхрейада бир аданмак ичин, ани адамышты Аллаха.

Yaptıklar 18:26

Чекетти гиргин лафетмӓӓ синагогада. Сеслейип ону, Прискилла хем Акила алдылар ону кендилериннӓн да аннаттылар она таа йакындан Аллахын йолуну.

Yaptıklar 2:9

Биз – парфийалылар, мидийалылар, еламнылар, инсаннар, ани йашээрлар Месопотамийада, Иудейада, Каппадокийада, Понтта хем Асийада,

Yaptıklar 27:1

Ачан карар алынды, ки Италийайа ӱзелим гемийлӓн, Павлийи хем таа биркач капанӂыйы вердилӓр бир ӱзбашынын елинӓ, Августун полкундан, ады Иулий.

Yaptıklar 27:6

Орада ӱзбашы булду Александрийа касабасындан бир геми, ани ӱзӓрди Италийайа, да пиндирди бизи она.

1 Korіnflіlerä 16:19

Селӓмнеерлӓр сизи Асийа долайында клиселӓр. Сизӓ чок селӓм йоллээрлар Акилла хем Прискилла клисейлӓн билӓ, ани оннарын евиндӓ.

2 Tіmofeyä 4:19

Селӓм вер Прискиллайа хем Акилайа хем Онисифорун евдекилеринӓ.

Çıfıtlara 13:24

Селӓмнейин сизин ӧндерӂилери хем Аллахын бӱтӱн айоз халкыны. Италийадан оланнар селӓм йоллээрлар сизӓ.

1 Petrіnіn 1:1

Бӓн, Петри, Иисус Христозун апостолу, сечилмишлерӓ селӓм йоллээрым, ангылары йабанӂы гиби йашээрлар дааныкта: Понт, Галатийа, Каппадокийа, Асийа хем Вифинийа ерлериндӓ.