Yaptıklar 13:6 - Ени Бааланты

⁶ Бӱтӱн адайы айкырладылар Паф касабасына кадар. Орада уурадылар бир иудей бӱӱӂӱсӱ, бир йаланӂы пророк ӱстӱнӓ. Онун ады Вариисус.

Enі Baalantı

⁶ Bütün adayı aykırladılar Paf kasabasına kadar. Orada uuradılar bir iudey büücüsü, bir yalancı prorok üstünä. Onun adı Variisus.

Yaptıklar 13:6 ပူးပေါင်းရင်းမြစ်များ

Matfey 16:17

Иисус деди: «Хелал сана, Симон, Ионанын оолу, зерӓ буну ачты сана диил тен хем кан, ама Беним Гӧктеки Бобам.

Matfey 24:24

Зерӓ пейдаланаӂэк йаланӂы христослар хем йаланӂы пророклар. Йапаӂэклар бӱӱк нышаннар хем шашмаклы ишлӓр, алдатсыннар дейни, оларсайды колай, артык сечилмиш оланнары да.

Matfey 7:15

Корунун йаланӂы пророклардан. Оннар гелерлӓр сизӓ гиийимни койун дерисиннӓн, ама ичйандан паралайан йабанылар.

Mark 10:46

Гелдилӓр Иерихон касабасына. Ачан Иисус чыкарды Иерихон касабасындан ӱӱрениӂилериннӓн хем чок инсаннан, Тимейин оолу, Вартимей, кӧӧр диленӂи, отурарды йол бойунда.

Yaptıklar 13:13

Павли хем кафадарлары йолландылар гемийлӓн Пафтан да гиттилӓр Пергӓ касабасына, ани Памфилийа ериндӓ. Иоан са айырылды оннардан да дӧндӱ геери Иерусалимӓ.

Yaptıklar 13:8

Ама Вариисус, ангысынын ӧбӱр ады – Елима, «бӱӱӂӱ» маанасында, каршы дурарды оннара, да бакарды саптырсын проконсулу инандан.

2 Korіnflіlerä 11:13

Бусой инсаннар – йаланӂы апостоллар, алдадыӂы ишчилӓр, ангылары йапынэрлар, ани Христозун апостоллары.

2 Tіmofeyä 3:8

Ниӂӓ Йаннис хем Йамбрис Моисейӓ каршы калктылар, хеп ӧлӓ буннар да аслылаа каршы дурэрлар. Оннар – бозук фикирли, инан ичин рет едилмиш инсаннар.

1 İoanın 4:1

Севгили кардашлар! Хербир духу инанмайын, ама денейин духлары, ки гӧрӓсиниз, Аллахтан мы? Зерӓ бу дӱннедӓ чыкты чок йаланӂы пророк.

Apokalіpsіs 19:20

Ӂанавар хем йаланӂы пророк, ани йапарды мераклы нышаннар ӂанаварын ӧнӱндӓ, тутулдулар. Йаланӂы пророк бу нышаннарлан алдатты оннары, ким каблеттийди ӂанаварын дамгасыны хем ким баш иилдӓрди ӂанаварын идолуна. Икиси дӓ диридӓн атылдылар атеш гӧлӱнӓ, ани кӱкӱртлӓн йанэр.