Yaptıklar 13:43 - Ени Бааланты

⁴³ Ачан топланты даалышты, чок иудей хем динни йабанӂылар, ким дӧнмӱштӱ иудей дининӓ, гиттилӓр Павлинин хем Варнаванын ардына, ангылары дурдулар лафа оннарлан да бакардылар инандырмаа оннары, ки илери доору верилсиннӓр Аллахын иивергисинӓ.

Enі Baalantı

⁴³ Açan toplantı daalıştı, çok iudey hem dinni yabancılar, kim dönmüştü iudey dininä, gittilär Pavlinin hem Varnavanın ardına, angıları durdular lafa onnarlan da bakardılar inandırmaa onnarı, ki ileri dooru verilsinnär Allahın iivergisinä.

Yaptıklar 13:43 ပူးပေါင်းရင်းမြစ်များ

Yaptıklar 11:23

Ачан о, гелип орайы, гӧрдӱ Аллахын иивергисини, севинди да ӱреклендирди хепсини, карар алып, верилсиннӓр Саабийӓ.

Yaptıklar 14:22

Ӱӱрениӂилери духча каавиледилӓр хем ӱреклендирдилӓр, ки инанда калсыннар. Дедилӓр, ани лӓӓзым чок аӂылардан гечелим, ки Аллахын Падишахлыына гирӓбилелим.

2 İoanın 1:9

Ким сырайы басэр да тутунмээр Иисусун ӱӱретмесиндӓн, онда йок Аллах. Ким тутунэр /Христозун/ ӱӱретмесиндӓн, онда вар хем Боба, хем Оол.

Çıfıtlara 13:9

Хертӱрлӱ фасыл ӱӱренмеклерин ардына такылмайын, зерӓ иидир ӱреенизи каавилейӓсиниз Аллахын хайырыннан, диил айыры имеклӓрлӓн, ани кимсейӓ файда олмады, ким оннара верилди.

Çıfıtlara 12:15

Есап алын, ки биркимсей качырмасын Аллахын хайырыны. Бир зихирли кӧк, пейдаланып, сизӓ зарар йапмасын да улаштырмасын чойуну.

Koloslulara 1:28

Биз Христозу хаберлеериз, акыл верерӓк херкезинӓ хем ӱӱредерӓк херкезини хертӱрлӱ аарифликлӓн, ки чыкаралым Аллахын ӧнӱнӓ херкезини таман Иисус Христозда.

Koloslulara 1:23

Бу олур, еер сиз темелленмиш хем салланмадык инанда дурурсайдыныз да йыракланмарсайдыныз умуттан, ани гелер Ии Хабердӓн. Сиз ишиттиниз бу Ии Хабери, ангысы насаат олунду хепси инсаннара гӧк алтында. Бӓн, Павли, бу Ии Хаберин изметкерийим.

Fіlіplіlerä 4:1

Ӧлӓ ки, севгили кардашларым, ангыларыны чок ӧзледим, беним севинмелиим хем фенецим, бӧлӓ каави дурасыныз Саабидӓ, севгилилӓр.

Fіlіplіlerä 3:16

Ама нейлӓн бир аннамайа гелдик, ону ӧлӓ дӓ туталым.

Efeslіlerä 2:8

Зерӓ сиз Онун иивергисиннӓн, инаннан куртулдунуз. Бу диил сиздӓн, ама баашыш Аллахтан,

Galatіyalılara 5:1

Христос бизи сербест йапты, ки сербест калалым. Онуштан каави дурун да верилмейин енидӓн чыраклык бойундурууна.

2 Korіnflіlerä 6:1

Биз, ани Аллахлан билӓ ишлеериз, йалварэрыз: бакын, ки Аллахын иивергисини бошуна каблетмейӓсиниз.

2 Korіnflіlerä 5:11

Ӧлӓ ки, билерӓк недир Аллахтан корку, чалышэрыз инсаны инана гетирмӓӓ. Аллах билер, несой адамнарыз, умут едерим, ки сиз дӓ ӱреениздӓ буну билерсиниз.

Romalılara 11:6

Ама еер бу Онун иивергисиннӓн олмушсайды, артык оннарын йаптыкларыннан диил. Башка тӱрлӱ ииверги артык ииверги диил.

Romalılara 5:21

ки ниӂӓ гӱнах ӧлӱмдӓн заплык алды, хеп ӧлӓ Аллахын иивергиси да инсаны доору саймасындан заплык алсын хем дивеч йашамак гетирсин Саабимиз Иисус Христозун араӂылыыннан.

Romalılara 5:2

ани бизӓ йол ачты, еденелим бу иивергийи, ангысыннан йашээрыз хем ӱӱнериз умутлан, пай алалым Аллахын метиннииндӓ.

Romalılara 3:24

Хепси ӧдексиз доору сайылэрлар Аллахын иивергисиннӓн, зерӓ оннары Иисус Христос куртарды.

Yaptıklar 17:34

Ама хеп окадар кимиси, гечип онун тарафына, инандылар. Буннарын арасында Дионисий, Ареопагын азасы, бир кары, ады Дамар, хем оннарлан башкалары да.

Yaptıklar 17:4

Кимиси оннардан, бӱӱк бир сӱрӱ урум, ани коркардылар Аллахтан, хем анылмыш карылардан биркачы, инандылар да гечтилӓр Павлинин хем Силанын тарафына.

Yaptıklar 16:14

Аллахтан коркан бир кары, ады Лидийа, кып-кырмызы без сатыӂысыйды Фийатира касабасындан, сеслӓрди бизи. Сааби ачты онун ӱреени, ки есап алсын Павлинин лафларыны.

Yaptıklar 14:3

Хеп окадар чок вакыт калып орада, лафеттилӓр кыйышмаклан Сааби ичин, Ангысы инандырырды сӧзӱ Кенди иивергиси ичин да верирди кувет, оннарын еллериннӓн йапылсын мераклы нышаннар хем шашмаклы ишлӓр.

2 Petrіnіn 3:14

Онуштан, севгили кардашлар, чӱнкӱ буннары беклеерсиниз, чалышын Онун ӧнӱндӓ лекесиз, кусурсуз хем услулукта оласыныз.

1 Petrіnіn 5:12

Йаздым сизӓ кысадан бу лафлары Силуанын елиннӓн, ангысыны инанч кардаш сайэрым. Истеерим хавезлендирейим сизи хем шаатлык едейим, ани будур Аллахын хакына иивергиси. Бундан тутунун.

Galatіyalılara 5:4

Сиз, ани истеерсиниз доору сайылмаа Законнан, Христоздан айырылдыныз, Аллахын иивергисиндӓн йыракландыныз.

Yaptıklar 28:23

Белли еттилӓр бир гӱн, да таа чоклук топланып евдӓ, нередӓ Павли каларды, Павли аннатты хем шаатлык етти оннара Аллахын Падишахлыы ичин. Моисейин Законундан хем пророклардан бакты оннары инандырсын Иисуса, лафедерӓк сабаадан авшамадан.

Yaptıklar 17:17

Синагога ичиндӓ лафедӓрди иудейлӓрлӓн хем Аллахтан коркан инсаннан. Мейданда лафедӓрди хер гӱн, киминнӓн каршы гелӓрди.

Yaptıklar 13:50

Ама иудейлӓр дебрештирдилӓр динни карылары, анылмышлары касабада, хем касабанын ӧндерӂилерини. Башладылар кооламаа Павлийи хем Варнавайы да уураттылар оннары кенди ерлериндӓн.

Yaptıklar 6:5

Бу теклифи беенди бӱтӱн топлулук. Айырдылар Стефаны, бир адамы, ким долуйду Айоз Духлан хем аарифликлӓн, Филипи, Прохору, Никанору, Тимону, Парменаны хем Антиохийадан Николайы, ангысы ӧнӂӓ иудей динини каблетмишти.

Yaptıklar 2:10

Фригийада, Памфилийада, Мысырда, Ливийа ерлериндӓ, ани Киринӓ тарафында, Ромадан мусаафирлӓр, иудейлӓр хем прозелитлӓр,

Matfey 23:15

Вай сизӓ, билгичлӓр хем фарисейлӓр, икиӱзлӱлӓр! Зерӓ сиз доланэрсыныз ери хем денизи, ки чевирӓсиниз баарлем бирисини дининизӓ, да чевирип, йапэрсыныз ону бир ӂендем адамы, ики кат таа фена сиздӓн.

1 İoanın 2:28

Ӧлӓ ки, ушаӂыкларым, йашайын Онда, ки ачан О гӧрӱнеӂек, олсун кыйышмамыз, да утанмайалым Онун ӧнӱндӓ, ачан гелеӂек.

Tіta 2:11

Зерӓ гӧстерилди Аллахын иивергиси, ани гетирер куртулмак хепси инсана,

Yaptıklar 18:7

Ордан чыктыктан сора гирди бир Аллахтан коркан адамын евинӓ, ады Титий Иуст. Онун еви синагоганын йанындайды.