Tіta 3:5 - Ени Бааланты

⁵ О куртарды бизи диил бизим доору йаптыкларымыз ичин, ама Кенди аӂыйанныыннан. Зерӓ О йыкады бизи, енидӓн дуудурарак хем енилейерӓк Айоз Духлан,

Enі Baalantı

⁵ O kurtardı bizi diil bizim dooru yaptıklarımız için, ama Kendi acıyannıınnan. Zerä O yıkadı bizi, enidän duudurarak hem enileyeräk Ayoz Duhlan,

Tіta 3:5 ပူးပေါင်းရင်းမြစ်များ

Matfey 3:11

Бӓн сизи суйлан ваатиз едерим, гӧстерилсин, ани дӧндӱнӱз Аллаха гӱнахларыныздан, ама бендӓн сора гелӓн – бендӓн таа каави. Бӓн диилим йакышыклы ташымаа Онун айак капларыны. О сизи Айоз Духлан хем атешлӓн ваатиз едеӂек.

Luka 1:50

Онун аӂыйанныы каплээр бойдан-бойа Ондан коркан инсаны.

Luka 1:54

О Кенди изметкеринӓ, Израилӓ, йардыма гелди. О бир сыра билӓ унутмээр аӂымаа,

Luka 1:72

Бутакым, Аллах гӧстерер Кенди аӂыйанныыны бизим бобаларымыз ичин, унутмээр айоз баалантысыны

Luka 1:78

Аллахымыз, долу севгийлӓн хем аӂыйанныклан, йукардан йоллайаӂэк бизӓ куртулмак, бензӓр дан еринин шафкына,

Romalılara 11:14

ки дебрештирейим кысканчлык беним сенселемдӓ да куртарабилейим баарлем кимисини.

Romalılara 11:6

Ама еер бу Онун иивергисиннӓн олмушсайды, артык оннарын йаптыкларыннан диил. Башка тӱрлӱ ииверги артык ииверги диил.

Romalılara 12:2

Бу вакытларын адетлеринӓ гӧрӓ кендинизи кулланмайын, ама Аллах фикиринизи енилейип дииштирсин, ки таныйасыныз, недир Аллахын истедии – не ии, беенилмиш хем таман.

Romalılara 3:20

Зерӓ Закону таманнамаклан Аллахын ӧнӱндӓ кимсей доору чыкмайаӂэк, зерӓ Закондан белли олэр, ани инсан гӱнахкер.

Romalılara 3:28

Зерӓ биз инанэрыз, ани инсан доору сайылэр инаннан, ама диил Закону таманнамаклан.

Romalılara 4:5

Ким кенди ишлеринӓ умутланмээр, ама инанэр Она, Ким аллахсызы доору сайэр, инаннан она доорулук сайылэр.

Romalılara 9:11

Бу икиз оол таа дуумадыйнан да не ии, не кӧтӱ йапмадыйнан, Ревеккайа сӧленди: «Бӱӱк оолун кӱчӱк оолуна измет едеӂек», ки оннардан бирини сечӓркӓн Аллахын курулмушу оннарын йаптыкларындан тутунмасын, ама Кенди Аллахын чаармасындан,

Romalılara 9:16

Ӧлӓ ки, сечилмӓк тутунмээр не ондан, ким истеер, не дӓ ондан, ким чалышэр, ама Аллахтан, Ким аӂыйэр.

Romalılara 9:30

Шинди не дейеӂез? Башка миллетлӓр, ани чалышмарды доору сайылмаа Аллахын ӧнӱндӓ, едендилӓр доорулук. Бу доорулук са инаннан еденилир.

1 Korіnflіlerä 6:11

Бутӱрлӱйдӱ киминиз сиздӓн, ама йыкандыныз, айозландыныз, акландыныз Сааби Иисус Христозун адыннан хем бизим Аллахын Духуннан.

Galatіyalılara 2:16

Хеп окадар билериз, ани инсан доору сайылмээр Айоз Закону таманнамаклан, ама инаннан Иисус Христоза. Онуштан биз дӓ инандык Христос Иисуса, ки инаннан Христоза доору сайылалым, ама диил Закону таманнамаклан. Зерӓ кимсей доору сайылмайаӂэк Закону таманнамаклан.

Efeslіlerä 2:4

Ама Аллах, ӂӧмерт аӂыйанныыннан, бизи чок севди.

Efeslіlerä 4:23

Аклыныз духча таазеленсин,

Efeslіlerä 5:26

ки ону, суйлан йыкайып, Аллахын сӧзӱннӓн пакладыктан сора айозласын,

Koloslulara 3:10

да гииндиниз ени адамы, ангысы таазеленер, ӧлӓ ки ии танысын Аллахы, Йарадыӂысыны, да Она бензесин.

2 Tіmofeyä 1:9

О куртарды бизи да чаарды, Кенди айоз халкы олалым, диил бизим йаптыкларымыза гӧрӓ, ама Кенди курулмушуна хем иивергисинӓ гӧрӓ, ани верилди бизӓ Иисус Христозда баштан дивечликтӓн,

Tіta 3:4

Ама ачан ачылды Аллахын, бизим Куртарыӂынын, иилии хем инсана севгиси,

Çıfıtlara 10:22

Онуштан йаклашалым Аллаха пак ӱреклӓн хем каави инаннан, серпип ӱзлеримизи, кӧтӱ неетлердӓн паклайалым хем гӱӱдемизи темиз суйлан йыкайалым.

Çıfıtlara 4:16

Онуштан кыйышмаклан Аллахын хайырлы чорбаӂылык скемнесинӓ йаклашалым, ки кабледелим аӂыйаннык хем хайыр, йардым булалым лӓӓзымныклы вакытта.

Çıfıtlara 6:6

ама хеп окадар дӱштӱ инансызлаа, оннары йок насыл енидӓн дӧндӱрмӓӓ Аллаха гӱнахларындан, зерӓ кендилериндӓ енидӓн ставроза герерлӓр Аллахын Оолуну да гӱлмӓӓ алэрлар Ону аалемин ӧнӱндӓ.

1 Petrіnіn 1:3

Метинник олсун Аллаха, Саабимиз Иисус Христозун Бобасына, Ангысы Кенди бӱӱк аӂыйанныындан йапты, аники енидӓн дууалым, да Иисус Христозун дирилмесиннӓн биздӓ бир ени умут олсун,

1 Petrіnіn 2:10

Незаманса сиз диилдиниз миллет, ама шинди Аллахын миллетийсиниз, незаманса баашланмамыш инсаннардыныз, ама шинди аӂыйаннык едендиниз.

1 Petrіnіn 3:21

Бу олуш ваатизлӓӓ бензеер, ани шинди сизи куртарэр Иисус Христозун дирилмесиннӓн. Ваатизлик гӱӱденин йыканмасы кирдӓн диилдир, ама Аллахын ӧнӱндӓ темиз ӱректӓн бир адамак.