Romalılara 9:4 - Ени Бааланты

⁴ Оннар – израилли. Аллах оннары оол йапты, метинниини гӧстерди, баалантылар йапты, Айоз Закону верди, гӧстерди, нетӱрлӱ Она баш иилтмӓӓ, хем оннара адамаклар верди.

Enі Baalantı

⁴ Onnar – izrailli. Allah onnarı ool yaptı, metinniini gösterdi, baalantılar yaptı, Ayoz Zakonu verdi, gösterdi, netürlü Ona baş iiltmää, hem onnara adamaklar verdi.

Romalılara 9:4 ပူးပေါင်းရင်းမြစ်များ

Matfey 21:33

Сеслейин бир башка ӧрнек. Варды бир ев чорбаӂысы, ангысы койду бир баа, долайлады ауллан, ортада казды ер ӱзӱм тӓскасы ичин, йывды бир бекчи кӱлеси, сора, баайы верип бааӂылара, гитти башка мемлекетӓ.

İoan 1:17

Зерӓ Закон Моисей ашыры верилди, ама хайыр хем аслылык Иисус Христос ашыры гелди.

İoan 1:47

Иисус, гӧрӱп Нафанаили гелиркӓн, деди онун ичин: «Тӓ, бу бир хакына Израил адамы, ангысында йок шалвирлик!»

Yaptıklar 2:39

Бу адамак сизин ичин, сизин ушакларыныз ичин хем хепси узакта оланнар ичин, херкез ичин, кими бизим Сааби Аллахымыз чаараӂэк».

Romalılara 3:2

Хер тарафтан чок файда вар. Илкин, иудейлерин елинӓ Аллахын сӧзлери верилди.

Romalılara 8:15

Зерӓ сиз каблетмединиз чыраклык духу, ки енидӓн коркуда оласыныз, ама каблеттиниз Духу, Ангысы бизи оол йапэр. Биз о Духлан баарэрыз «Авва, Боба!»

Romalılara 9:6

Демеерим, ани Аллах сӧзӱнӱ тутмады, зерӓ диил оннар, ким дууду Израилдӓн, хепси хакына Израил.

2 Korіnflіlerä 11:22

Оннар чыфыт мы? Бӓн дӓ. Оннар израилли ми? Бӓн дӓ. Оннар Авраамын сенселесиндӓн ми? Бӓн дӓ ӧлӓйим.

Galatіyalılara 3:16

Адамаклар верилди Авраама хем онун сенселесинӓ. Аллах демеер «сенселелеринӓ», сансын чок инсан ичин, ама ачан деер «сенин сенселенӓ», лафедер бир Адам ичин, Ангысы – Христос.

Efeslіlerä 2:12

Унутмайын, ани сиздӓ озаман Христос йокту, Израил ватандашлыындан кесилмиштиниз, йабанӂыйдыныз баалантылара, ани темелленмиш Аллахын адамакларына, умутсуз хем Аллахсыздыныз бу дӱннедӓ.

Çıfıtlara 9:1

Илк баалантынын да изметчилик сыралары хем ердеки Айоз ери варды.

Çıfıtlara 9:10

Бу сыралар курулу саде имеклӓр ичин, ичмеклӓр ичин хем хертӱрлӱ йыкамаклар ичин, башка лафлан, гӱӱдӓ ичин, о вакыда кадар, ачан Аллахын аслы сыралары куведӓ гирер.

Çıfıtlara 9:3

Икинӂи перденин ардында варды бӧлӱм, ады «Ен айоз ер».

Çıfıtlara 9:5

Оннарын ӱстӱндӓ йалабык херувимнӓр, ангылары гӧлгелӓрди аӂыйаннык капааны. Шинди диилдир вакыт буннарын хализини лафетмӓӓ.

Çıfıtlara 9:6

Буннар ерлештирилдиктӓн сора попазлар херзаман чадырын илк бӧлӱмӱнӓ гирерлӓр, ки изметчилик йапсыннар.