Romalılara 9:23 - Ени Бааланты

²³ Да не дейеӂез, еер буну йаптысайды, ки билдирсин Кенди болдан метинниини о каплара, ангыларыны аӂыды хем хазырлады, ки каблетсиннӓр метинник?

Enі Baalantı

²³ Da ne deyecez, eer bunu yaptısaydı, ki bildirsin Kendi boldan metinniini o kaplara, angılarını acıdı hem hazırladı, ki kabletsinnär metinnik?

Romalılara 9:23 ပူးပေါင်းရင်းမြစ်များ

Luka 1:17

О Аллахын ӧнӱндӓ гезеӂек Илийанын кувединнӓн хем духуннан, чевирсин дейни бобаларын ӱреклерини ушакларына хем о канырыклы неетлилери доорулаа. О хазырлайаӂэк инсаны Саабинин гелмеси ичин».

Yaptıklar 9:15

Ама Сааби ӂувап етти: «Гит, зерӓ о бир кап, ангысыны Бӓн айырдым, хаберлесин Беним адымы башка халклара, падишахлара хем Израилин оолларына.

Romalılara 2:4

Оса пайа коймээрсын Аллахын ӂӧмерт ииликлерини, сабурлууну хем чок дайанмасыны? Билмеерсин, ани Аллах ииликлерини узадэр, ки сени гӱнахларындан Кендисинӓ дӧндӱрсӱн?

Romalılara 8:29

Зерӓ кими Аллах ӧнӂӓ таныды, оннары карарлады, бензӓр олсуннар Кенди Оолуна, ки О илк дуумуш олсун чок кардашларын арасында.

Romalılara 8:30

Кими Аллах ӧнӂӓ таныды, оннары чаарды, кими чаарды, оннары доору сайды, кими доору сайды, оннары да метиннеди.

Efeslіlerä 1:18

Истеерим, ани аклынызын гӧзлери айдынныы гӧрсӱн, ки билӓсиниз, недир умут, ангысына сизи чаарды, не зенгиндир Аллахын метинни мирасы Кенди айоз халкы ичин,

Efeslіlerä 2:10

Зерӓ биз – Аллахын усталыы, Иисус Христозда йарадылы, ки йапалым ииликлери, не Аллах ӧнӂӓ хазырлады, ки йашаркан таманнайалым.

Efeslіlerä 2:7

ки гелӓр заманнарда гӧстерсин иивергисинин кенарсыз зенгинниини ииликлӓн, ани йапты бизим ичин Иисус Христозда.

Efeslіlerä 3:16

Дуа едерим, ани Кенди метинни зенгинниинӓ гӧрӓ, Кенди Духуннан кувет версин да каавилетсин сизи ичйанкы адамынызда,

Efeslіlerä 3:8

Бана, Аллахын айоз халкындан ен кӱчӱӱнӓ, бу ииверги верилди, ки насаат едейим башка миллетлерӓ ии хабери Христозун акыл ермӓз зенгиннии ичин

Koloslulara 1:12

шӱкӱр едерӓк Аллах Бобайа, Ангысы колайлык верди бизӓ, пай алалым онда, не саклады айоз халкы ичин айдынныкта.

Koloslulara 1:27

Аллах истеди гӧстерсин оннара, некадар шанны хем зенгиндир миллетлӓр арасында бу саклы курулмуш. О – Христостур, метинник умуду, ани сиздӓ булунэр.

1 Salonіklіlerä 5:9

Чӱнкӱ Аллах бизи ӱфкеси ичин айырмады, ама куртулмак еденелим бизим Сааби Иисус Христос адындан,

2 Tіmofeyä 2:21

Ӧлӓ ки, ким икрамсыз ишлердӓн пакланаӂэк, о айозланмыш бир кап олаӂэк, икрамны ишлерӓ уйгун хем Чорбаӂыйа файдалы, хазыр йапсын хертӱрлӱ ии ишлӓр.