Romalılara 8:27 - Ени Бааланты

²⁷ О, Ким аараштырэр инсан ӱреени, билер, не дӱшӱнӱр Дух, зерӓ Дух араӂылык едер Аллахын айоз халкы ичин Кенди истедиинӓ гӧрӓ.

Enі Baalantı

²⁷ O, Kim aaraştırêr insan üreeni, biler, ne düşünür Duh, zerä Duh aracılık eder Allahın ayoz halkı için Kendi istediinä görä.

Romalılara 8:27 ပူးပေါင်းရင်းမြစ်များ

Matfey 6:8

Бензӓмейин оннара, зерӓ сизин Бобаныз билер, не лӓӓзым сизӓ таа сиз истӓмедийнӓн.

Luka 16:15

Иисус деди оннара: «Сиз чалышэрсыныз кендинизи инсанын ӧнӱндӓ доору чыкарасыныз, ама Аллах таныйэр ӱреенизи. Зерӓ не инсан метедер, ондан Аллах азетмеер.

İoan 14:13

Не дӓ истейеӂениз Беним адыма, йапаӂам, ки Боба метинненмиш олсун Оолунда.

İoan 21:17

Ӱчӱнӂӱ сыра сорду она: «Симон, Иоанын оолу! Северсин ми сӓн Бени?» Петри гӱчленди, ани ӱчӱнӂӱ сыра хеп буну сорду: «Северсин ми Бени?» да ӂувап етти: «Сааби! Сӓн хепсини билерсин. Сӓн билерсин, ани бӓн северим Сени». Иисус деди она: «Отлат Беним койуннарымы.

Yaptıklar 1:24

Сора дуа еттилӓр бутӱрлӱ: «Сӓн, Сааби, ани таныйэрсын херкезин ӱреени, гӧстер бизӓ, ангысыны бу ики кишидӓн Сӓн айырэрсын,

Yaptıklar 15:8

Аллах, Ангысы билер херкезин ӱреени, гӧстерди, ани кабледер оннары, баашлайып оннара Айоз Духу, ниӂӓ дӓ бизӓ.

Romalılara 8:34

Ким оннары мааналайаӂэк? Иисус Христос ӧлдӱ, ама дирилди дӓ. О – Аллахын саа тарафында да бизим ичин араӂылык едер.

Romalılara 8:6

Тенин дӱшӱнмеклери ӧлӱмӓ гӧтӱрер, ама Духун дӱшӱнмеклери йашамак хем услулук верер.

Efeslіlerä 2:18

Зерӓ О колайлык верди, ки биз икимиз дӓ бир Духун йардымыннан Бобайа йаклашалым.

1 Salonіklіlerä 2:4

Ама чӱнкӱ Аллах сайды бизи уйгун, ки инандырсын бизӓ Ии Хабери, бакэрыз, ӧлӓ лафеделим, ки беендирелим кендимизи диил инсана, ама Аллаха, ани адамын ӱреени денеер.

Çıfıtlara 4:13

Йарадылмышлардан хич кимсей Аллахтан сакланамаз. Онун гӧзлеринин ӧнӱндӓ хепси айын-ачык. Она биз ӂувап вереӂез.

İakovun 5:16

Ачык сӧлейин бири-биринизӓ кабаатларынызы хем дуа един бири-бириниз ичин, ки саа оласыныз. Бир доору адамын дуасы чок куветли хем чок йапабилер.

Apokalіpsіs 2:23

Онун ушакларыны чарпаӂам ӧлӱмнӓн. Озаман хепси клиселӓр таныйаӂэк, ани Бӓним, Ким аараштырэр инсанын неетлерини хем ӱреени. Хепсинизӓ кенди ишлеринизӓ гӧрӓ ӧдейеӂӓм.