Romalılara 8:13 - Ени Бааланты

¹³ Зерӓ еер йашарсайдыныз тенӓ гӧрӓ, ӧлеӂениз. Ама Духлан ӧлдӱрӱрсейдиниз гӱӱденин кӧтӱ йаптыкларыны, озаман йашайаӂэныз.

Enі Baalantı

¹³ Zerä eer yaşarsaydınız tenä görä, öleceniz. Ama Duhlan öldürürseydiniz güüdenin kötü yaptıklarını, ozaman yaşayacenız.

Romalılara 8:13 ပူးပေါင်းရင်းမြစ်များ

Romalılara 6:21

Озаман не файданыз олду о ишлердӓн, ангылардан шинди утанэрсыныз? Бутӱрлӱ ишлерин биткиси – ӧлӱм.

Romalılara 6:23

Зерӓ гӱнахын ӧдӓӓ ӧлӱмдӱр, ама Аллахтан баашыш – дивеч йашамак Саабимиздӓ Иисус Христозда.

Romalılara 7:5

Зерӓ, йашаркан тенимизӓ гӧрӓ, гӱнахкер хавезлери, Закондан дебрештирилмиш, ишлӓрдилӓр бизим гӱӱдемизин еклериндӓ, да йаптыкларымызын мейвасы ӧлӱмдӱ.

Romalılara 8:12

Ӧлӓ ки, кардашлар, биз диилиз борчлу тенӓ, ки тенӓ гӧрӓ йашайалым.

1 Korіnflіlerä 9:27

Ама кенди гӱӱдеми серт кулланэрым да запта тутэрым. Зерӓ истӓмеерим, ки насаат едип башкасына, сонда кендим бир тарафта калайым.

Galatіyalılara 5:24

Ама ким Христозун, оннар ставроза гердилӓр тени онун хамеллериннӓн хем истемеклериннӓн.

Galatіyalılara 6:8

Ким екер тенинӓ, ӧлӱм бичер, ама ким екер Айоз Духа, о Духтан дивеч йашамак бичер.

Efeslіlerä 4:22

Бутакым, гечмиш йашаманыза гӧрӓ бракылын ески адамныктан, ангысы бозулэр алдангач хавезлӓрлӓн.

Efeslіlerä 4:30

Гӱӂендирмейин Аллахын Айоз Духуну, Ангысыннан мӱхӱрлендиниз куртулмак гӱнӱ ичин.

Efeslіlerä 5:18

Сарфош олмайын шараплан, зерӓ сарфошлук сизи запсызлаа гӧтӱрӱр, ама долушун Айоз Духлан.

Tіta 2:12

ӱӱредер бизи, аллахсызлыктан хем дӱннӓ хамеллериндӓн бракылалым, да есаплы, доору хем аллахчы йашайалым бу шиндики вакытта.

1 Petrіnіn 1:22

Аслылыы сеслемӓклӓн ӂаннарынызы /Айоз Духлан/ пакладыныз. Бунун ичин кардашларынызы икиӱзлӱлӱксӱз северсиниз. Онуштан севин бири-биринизи хашлаклыклан хем бӱтӱн ӱреклӓн.

1 Petrіnіn 2:11

Севгили кардашлар, йалварэрым, корунасыныз гӱнахлы табеетинизин истемелериндӓн, ани ӂаныныза каршы ӂенк едӓр. Зерӓ бу дӱннедӓ сиз йабанӂыйсыныз хем йолӂуйсунуз.