Romalılara 8:10 - Ени Бааланты

¹⁰ Еер Христос сиздӓйседи, гӱӱдениз ӧлӱ, чӱнкӱ гӱнах йаптыныз, ама духунуз дири, чӱнкӱ доору сайылдыныз.

Enі Baalantı

¹⁰ Eer Hristos sizdäysedi, güüdeniz ölü, çünkü günah yaptınız, ama duhunuz diri, çünkü dooru sayıldınız.

Romalılara 8:10 ပူးပေါင်းရင်းမြစ်များ

İoan 14:23

Доору ӂувап етти Иисус: «Ким север Бени, о таманнээр Беним сӧзӱмӱ. Бобам да ону север, биз она гелеӂез да барабар йашайаӂэз.

İoan 15:5

Бӓн – баа чотууйум, сиз – чыбыкларсыныз. Ким калэр Бендӓ, хем кимдӓ калэрым Бӓн, о йапэр чок ӱзӱм. Бенсиз бишей йапамээрсыныз.

İoan 17:23

Бӓн оннарда, Сӓн дӓ Бендӓ, ки оннар таман бирликтӓ олсуннар, да дӱннӓ танысын, ани Сӓн Бени йолладын хем севдин оннары, ниӂӓ дӓ Бени севдин.

İoan 4:14

ама ким ичеӂек о судан, ани Бӓн вереӂӓм, дивеч сусуз калмайаӂэк. Ама су, ани она вереӂӓм, онда бир сызынты олаӂэк, да дивеч йашамайа гетиреӂек».

İoan 6:54

Ким ийер Беним гӱӱдеми хем ичер беним канымы, онун вар дивеч йашамасы. Ону дирилдеӂӓм битки гӱндӓ.

İoan 6:56

Ким ийер Беним гӱӱдеми хем ичер Беним канымы, о калэр Бендӓ, Бӓн дӓ онда.

Romalılara 5:12

Ниӂӓ бир адамнан гӱнах бу дӱннейӓ гирди, гӱнахлан да ӧлӱм гирди, бутӱрлӱ ӧлӱм хепси инсана гечти, зерӓ хепси гӱнаха дӱштӱ.

Romalılara 5:21

ки ниӂӓ гӱнах ӧлӱмдӓн заплык алды, хеп ӧлӓ Аллахын иивергиси да инсаны доору саймасындан заплык алсын хем дивеч йашамак гетирсин Саабимиз Иисус Христозун араӂылыыннан.

Romalılara 8:11

Еер Онун Духу, Ким Иисусу ӧлӱдӓн дирилтти, сиздӓ йашарсайды, озаман Ким дирилтти Христозу ӧлӱдӓн, сизин дӓ ӧлӱмнӱ гӱӱделеринизӓ йашамак вереӂек Кенди Духуннан, ани сиздӓ йашээр.

1 Korіnflіlerä 15:45

Ниӂӓ йазылы: «Илк Адам бир йашайан ӂан олду». Сон Адам са ӧмӱр верӓн бир дух олду.

2 Korіnflіlerä 13:5

Кендинизи денейин да бакын, булунэрсыныз мы инанда? Кендинизи аараштырын. Оса танымээрсыныз мы, ани Иисус Христос сиздӓ? Башка тӱрлӱ сиз денемектӓн гечмемишиниз.

2 Korіnflіlerä 4:11

Зерӓ биз йашайаннар херзаман ӧлӱмӓ верилийиз Иисус ичин, ки Иисусун йашамасы ачылсын бизим ӧлӱмнӱ гӱӱдемиздӓ.

2 Korіnflіlerä 5:21

Христозу, Ким билмӓрди, недир гӱнах, Ону Аллах курбан верди бизим гӱнахларымыз ичин, ки Онун араӂылыыннан биз Аллахын ӧнӱндӓ доору олалым.

Galatіyalılara 2:20

Бӓн ставроза герилмиш олдум Христозлан барабар. Шиндӓн сора бӓн йашамээрым, ама Христос бендӓ йашээр. Бу йашамак, ани шинди йашээрым гӱӱдейлӓн, йашээрым инаннан Аллахын Оолуна, Ангысы бени севди да Кендисини беним ичин верди.

Efeslіlerä 3:17

ки инаннан Христос сизин ӱреклериниздӓ йашасын.

Fіlіplіlerä 1:23

Чекер бени бу да, о да. Истеерим гечинейим бу дӱннедӓн да олайым Христозлан, зерӓ бу чок таа ии.

Fіlіplіlerä 3:9

да булунайым Онда, диил кенди доорулуумнан, ани Закондан гелер, ама доорулуклан, ани Аллахтан гелер инаннан Христоза да инанда темелли.

Koloslulara 1:27

Аллах истеди гӧстерсин оннара, некадар шанны хем зенгиндир миллетлӓр арасында бу саклы курулмуш. О – Христостур, метинник умуду, ани сиздӓ булунэр.

1 Salonіklіlerä 4:16

Зерӓ Сааби Кенди гӧктӓн инеӂек, сеседерӓк бир архангил сесиннӓн хем Аллахын борусуннан, да оннар, ким ӧлдӱ Христоза инанарак, илкин калкаӂэклар.

Çıfıtlara 12:23

илк дуумушларын клисӓ йортулууна, ангыларын адлары йазылы гӧктӓ; о Аллаха, Ким херкезинӓ даава кесер, хем доору оланнарын духларына, ани таманнаа етишти.

Çıfıtlara 9:27

Ниӂӓ инсана сыраланмыш, бир керӓ ӧлсӱн, ондан сора даава,

Apokalіpsіs 14:13

Ишиттим гӧктӓн бир сес, ани деди: «Йаз, мутлу бӱӱндӓн ӧтӓӓ ӧлӱлӓр, ким ӧлер Саабинин изметиндӓ!» «Доору, – деер Дух, – оннар динненсиннӓр савашмакларындан, зерӓ оннарын йаптыклары оннарын ардына гидер».