Romalılara 7:6 - Ени Бааланты

⁶ Ама шинди, ӧлӱп, бошандык о закондан, ангысыннан баалыйдык, ки измет еделим Аллаха Духун енилииннӓн, диил букванын ескилииннӓн.

Enі Baalantı

⁶ Ama şindi, ölüp, boşandık o zakondan, angısınnan baalıydık, ki izmet edelim Allaha Duhun eniliinnän, diil bukvanın eskiliinnän.

Romalılara 7:6 ပူးပေါင်းရင်းမြစ်များ

Romalılara 1:9

Бана шааттыр Аллах, Ангысына измет едерим бӱтӱн ӱрӓӓмнӓн, аннадарак Ии Хабери Онун Оолу ичин, ани сизи дурмамайӂа, херзаман анэрым беним дуаларымда.

Romalılara 12:2

Бу вакытларын адетлеринӓ гӧрӓ кендинизи кулланмайын, ама Аллах фикиринизи енилейип дииштирсин, ки таныйасыныз, недир Аллахын истедии – не ии, беенилмиш хем таман.

Romalılara 6:11

Сиз дӓ сайын кендинизи ӧлӱ гӱнах ичин, ама дири Аллах ичин /Саабимиздӓ,/ Иисус Христозда.

Romalılara 6:19

Лафедерим адамӂасына, сизин тенинизин зайыфлыы бетеринӓ. Ниӂӓ вердиниз гӱӱденизин еклерини, чырак олсун мындарлаа хем законсузлаа, ки хертӱрлӱ законсузлук йапасыныз, хеп ӧлӓ шинди верин еклеринизи, чырак олсун доорулаа, ки айоз оласыныз.

Romalılara 6:2

Олмаз! Биз гӱнах ичин ӧлдӱк, несой йашайабилириз гӱнахта?

Romalılara 6:22

Ама шинди, ачан гӱнахтан бошанмышсыныз хем Аллаха чырак олдунуз, бундан файданыз вар: айозлукта йашээрсыныз, хем бунун сону – дивеч йашамак.

Romalılara 6:4

Биз ваатиз олмаклан ӧлӱмӓ гӧмӱлдӱк Онуннан барабар, ки ниӂӓ Христос Бобанын метиннииннӓн ӧлӱдӓн дирилди, хеп ӧлӓ биз дӓ бир ени ӧмӱрдӓ йашайалым.

Romalılara 7:1

Не, билмеерсиниз ми, кардашлар – лафедерим оннара, ким билер Айоз Закону – Законун вар куведи адамын ӱстӱнӓ окадар вакыт, некадар адам йашээр.

Romalılara 7:2

Сӧзгелиши: Закона гӧрӓ евли кары баалы коӂасыннан, некадар вакыт коӂасы йашээр, ама еер коӂасы ӧлӱрсейди, кары бошанэр стеонозлук законундан.

Romalılara 7:4

Хеп ӧлӓ сиз дӓ, кардашлар, чӱнкӱ пай алэрсыныз Христозун гӱӱдесиндӓн, ӧлдӱнӱз Закон ичин, ки бааланасыныз башкасына – Она, Ким ӧлӱдӓн дирилди. Бу олду, ки файдалы олалым Аллахын изметиндӓ.

2 Korіnflіlerä 3:6

О бизи беӂерикли йапты, ки ени баалантынын изметкерлери олалым. О бааланты тутунмээр йазылы буквалардан, ама Айоз Духтан. Зерӓ буква ӧлдӱрер, ама Дух ӧмӱр верер.

2 Korіnflіlerä 5:17

Ӧлӓ ки, ким Христозда, о бир ени адам. Ески ишлӓр гечти, шинди хепси ени олду.

Galatіyalılara 3:13

Христос куртарды бизи Законун бетвасындан, ачан О бетвалы олду бизим ичин. Зерӓ вар йазылы: «Бетвалы хепси, кимин ӧлӱсӱ аачта асылы».

Galatіyalılara 6:15

Зерӓ /Иисус Христозда/ не кесикликтӓ, не дӓ кесиксизликтӓ бир дӓ ӱстӱннӱк йок, саде ени йарадылы адамда.

Efeslіlerä 4:24

хем гиинин ени адамныы, ани йарадылмыш Аллаха бензесин дейни, хакына доорулуклан хем айозлуклан.

Fіlіplіlerä 3:3

Зерӓ хакына кесикли – биз, ани духча измет едериз Аллаха, ӱӱнериз Иисус Христозлан хем умудумузу коймээрыз инсан ишлеринӓ.

Koloslulara 3:10

да гииндиниз ени адамы, ангысы таазеленер, ӧлӓ ки ии танысын Аллахы, Йарадыӂысыны, да Она бензесин.