Romalılara 3:9 - Ени Бааланты

⁹ Ӧлейсӓ, не дейеӂез? Биз иудейлӓр таа ӱстӱнӱз башка миллетлердӓн ми? Елбетки диилиз. Зерӓ биз ӧнӂӓ гӧстердик, ки хепси – иудейлӓр дӓ, урумнар да – гӱнахын запында.

Enі Baalantı

⁹ Öleysä, ne deyecez? Biz iudeylär taa üstünüz başka milletlerdän mi? Elbetki diiliz. Zerä biz öncä gösterdik, ki hepsi – iudeylär dä, urumnar da – günahın zapında.

Romalılara 3:9 ပူးပေါင်းရင်းမြစ်များ

Luka 7:39

Ачан буну гӧрдӱ фарисей, ангысы буйур еттийди Иисусу, деди кенди-кендинӓ: «Еер бу Адам пророк олайды, озаман билеӂейди, нетӱрлӱ кары бу, ким шинди Она диийер, зерӓ о – бир гӱнахкер».

Romalılara 1:18

Зерӓ гӧктӓн Аллахын ӱфкеси ачылэр инсаннарын хербир аллахсызлыына хем хаксызлыына, ангылары кенди кӧтӱлӱклериннӓн аслылыы бастырэрлар.

Romalılara 11:32

Зерӓ Аллах йапты хепси инсаны ниӂӓ капана дӱшмӱш сеслӓмемеклери бетеринӓ, ки хепсини аӂысын.

Romalılara 11:7

Не дейеӂез? Израил еденмеди, не аарарды, ама сечиленнӓр едендилӓр. Каланнар инатлаштылар,

Romalılara 2:1

Ӧлӓ ки, сана йок афетмӓк, бей адам, ким дӓ сӓн олсан, еер маана буларсайдын. Зерӓ, башкасына маана булуркан, кенди-кендини кабаатландырэрсын, зерӓ сӓн, ани маана булэрсын, кендин дӓ хеп ону йапэрсын.

Romalılara 3:1

Ӧлӓ ки, иудейлердӓ не ӱстӱннӱк вар? Не файда кесикликтӓн?

Romalılara 3:19

Ама биз билериз, не сӧленер Айоз Законда, сӧленер оннара, ким Законун запында, ӧлӓ ки хербир ааз капансын, да бӱтӱн дӱннӓ Аллахын ӧнӱндӓ кабаатлы калсын.

Romalılara 3:5

Еер бизим хаксызлык таа ачык Аллахын доорулууну йапарсайды, не дейеӂез? Аллах доору йапмээр мы, ачан бизи ӂезалээр? Дӱшӱнерим адамӂасына.

Romalılara 6:15

Шинди не дейеӂез? Чӱнкӱ заплы диилиз Законнан, ама Аллахын иивергисиннӓн, гӱнах мы йапалым? Олмаз!

Romalılara 7:14

Хакына билериз, ани Закон духча бишей, ама бӓн тендӓн бир инсаным, сатылы гӱнаха чырак гиби.

1 Korіnflіlerä 10:19

Не истеерим сӧлемӓӓ? Курбанын, идола баашланмыш, сайгылыы вар мы? Йада идолун вар мы сайгылыы?

1 Korіnflіlerä 14:15

Озаман не йапайым? Дуа едейим духлан, дуа едейим аклымнан да; тӱркӱ чалайым духлан, тӱркӱ чалайым аклымнан да.

1 Korіnflіlerä 4:7

Ким башкасындан сени таа ӱстӱн йапэр? Не вар сендӓ, ани Аллахтан каблетмедин? Чӱнкӱ Ондан каблеттин, нечин ӱӱнерсин сансын каблетмедин?

Galatіyalılara 3:10

Хепси, ким умутланэр, ани доору сайылаӂэк Закону таманнамаклан, бетва алтында булунэрлар, зерӓ вар йазылы: «Бетвалы хепси оннар, ким херзаман чалышмээр таманнасын хепсини, не Законун кийадында йазылы».

Galatіyalılara 3:22

Ама Айоз Йазылар хепсини капээр гӱнах алтына, ки аданмыш баашыш, ани инаннан Иисус Христоза темелли, верилсин инанӂылара.

Fіlіplіlerä 1:18

Ама не зарары вар? Истӓр йапынмаклан, истӓр хализ ӱректӓн, Христос хаберленер. Бунун ичин севинерим хем таа чок севинеӂӓм дӓ.