Romalılara 3:25 - Ени Бааланты

²⁵ Аллах Христозу курбан йапты, ани инаннан кабледилир, ки гӱнахлар Онун каныннан афедилсин. Бунуннан Аллах гӧстерди, ниӂӓ инсаны доору сайэр, зерӓ ӧнӂӓ йапылмыш гӱнахлары ӂезасыз бракты.

Enі Baalantı

²⁵ Allah Hristozu kurban yaptı, ani inannan kabledilir, ki günahlar Onun kanınnan afedilsin. Bununnan Allah gösterdi, nicä insanı dooru sayêr, zerä öncä yapılmış günahları cezasız braktı.

Romalılara 3:25 ပူးပေါင်းရင်းမြစ်များ

İoan 6:47

Доору, доору сӧлеерим сизӓ: ким инанэр /Бана/, онун вар дивеч йашамасы.

Yaptıklar 14:16

Аллах евелки вакытларда бракты, хепси миллетлӓр гитсиннӓр кенди йолларында.

Yaptıklar 15:18

деер Сааби“, ани баштан билдирди буннары.

Yaptıklar 17:30

Аллах коймээр есаба билмезлик вакыды гечмиштӓн, ама бӱӱн хепси инсана херердӓ сымарлээр, дӧнсӱннӓр Она гӱнахларындан.

Yaptıklar 2:23

Бу Адам верилди сизин елинизӓ ӧнӂӓ Аллахын курулмушуна хем билмесинӓ гӧрӓ. Ону сиз енсерлединиз ставроза хем ӧлдӱрдӱнӱз законсузларын еллериннӓн.

Yaptıklar 3:18

Аллах таманнады хепсини, не ӧнӂӓ сӧледийди пророкларынын аазындан, ани Онун Христозу зеетленеӂек.

Yaptıklar 4:28

ки йапсыннар, не ӧнӂӓ Кенди кувединнӓн хем ии истедииннӓн карарладын олсун дейни.

Romalılara 2:4

Оса пайа коймээрсын Аллахын ӂӧмерт ииликлерини, сабурлууну хем чок дайанмасыны? Билмеерсин, ани Аллах ииликлерини узадэр, ки сени гӱнахларындан Кендисинӓ дӧндӱрсӱн?

Romalılara 3:26

Аллах дайанды, о бетерӓ, ки гӧстерсин, ниӂӓ доору сайэр бӱӱнкӱ вакытта инсаны. Бутӱрлӱ О хем Кенди доорулууну коруйэр, хем хепсини доору сайэр, ким Иисуса инанэр.

Romalılara 5:1

Шинди инаннан доору сайылмыш, биз Аллахлан услулук едендик. Буну йапты Саабимиз Иисус Христос,

Romalılara 5:11

Диил саде бу, ама биз Аллахлан да ӱӱнериз, чӱнкӱ Саабимиз Иисус Христос шинди бизи Аллахлан барыштырды.

Romalılara 5:18

Ӧлӓ ки, ниӂӓ бир адамын гӱнахыннан хепси кабаатлы сайылды, хеп ӧлӓ бир Адамын доору йаптыыннан хепси доорулук хем йашамак булур.

Romalılara 5:9

Некадар таа чок шинди, незаман Онун каныннан доору сайылдык, Аллахын ӱфкесиндӓн Онун йардымыннан куртулаӂэз.

1 Korіnflіlerä 5:7

Пакланын ески майадан, ки оласыныз бир ени хамур, ниӂӓ дӓ майасызсыныз. Зерӓ Христос, бизим Паскеллӓ кузумуз, курбан олду.

2 Korіnflіlerä 5:21

Христозу, Ким билмӓрди, недир гӱнах, Ону Аллах курбан верди бизим гӱнахларымыз ичин, ки Онун араӂылыыннан биз Аллахын ӧнӱндӓ доору олалым.

Efeslіlerä 1:7

Христозда куртулмак едендик Христозун каныннан, гӱнахларымыз афедилди Аллахын ӂӧмерт иивергисиннӓн,

Efeslіlerä 2:13

Шинди сӓ Иисус Христозда сиз, ани вакыдын бириндӓ Аллахтан узактыныз, йакын олдунуз Христозун каныннан.

1 Tіmofeyä 1:15

Аслыдыр хем йарашэр, ки херкезиндӓн кабледилсин о сӧз, ани деер: «Иисус Христос гелди бу дӱннейӓ, ки гӱнахкерлери куртарсын», ангыларындан бӓн ен кӧтӱсӱйӱм.

Çıfıtlara 10:4

Зерӓ йок насыл буалар хем текелӓр каны гӱнахы йок етсин.

Çıfıtlara 11:14

Зерӓ оннар, ким бӧлӓ лафедер, гӧстерер, ани аарээр кенди ватаныны.

Çıfıtlara 11:17

Инаннан Авраам, дененмиш олуп, Исаакы курбан гетирди. О, ким каблеттийди адамаклары, гетирӓрди курбан бириӂик оолуну,

Çıfıtlara 11:7

Инаннан Ной Аллахтан хабер каблетти о ишлӓр ичин, не таа гӧрӱнмӓрди. Чӱнкӱ Аллахтан коркарды, йапты бир геми, ки кенди сенселесини куртарсын. Бунуннан дӱннейи азарлады да инаннан акланмак еденди.

Çıfıtlara 9:28

хеп ӧлӓ Христос да Кендини бир сыра курбан гетирди, ки чок инсанын гӱнахларыны ташысын. Икинӂи сыра гӧстерилеӂек, диил ки курбан олсун гӱнах ичин, ама куртарсын оннары, ким Ону беклеер.

Çıfıtlara 9:5

Оннарын ӱстӱндӓ йалабык херувимнӓр, ангылары гӧлгелӓрди аӂыйаннык капааны. Шинди диилдир вакыт буннарын хализини лафетмӓӓ.

1 İoanın 1:10

Еер дейӓрсейдик: йок гӱнахымыз, озаман Ону йаланӂы йапэрыз, да Онун сӧзӱ йок биздӓ.

1 İoanın 2:2

Одур аӂыйаннык курбаны бизим гӱнахларымыз ичин, диил саде бизим ичин, ама бӱтӱн дӱннейин гӱнахлары ичин.

1 İoanın 4:10

Бунда гӧрӱлӱр севги: диил, ани биз Аллахы севдик, ама О бизи севди да бириӂик Оолуну йоллады, ки аӂыйаннык курбаны бизим гӱнахларымыз ичин олсун.

Apokalіpsіs 1:5

хем Иисус Христоздан, Ким инанч шаат, илк дууан, Ким ӧлӱлердӓн дирилди хем ердеки падишахларын ӧндерӂиси. О бизи севди, Кенди каныннан бизи гӱнахларымыздан куртарды,

Apokalіpsіs 13:8

Хепси йашайаннар ер ӱстӱндӓ она баш иилдеӂек, кимин адлары дӱннейин курулмасындан буазланмыш Кузунун йашамак кийадында диил йазылы.

Apokalіpsіs 20:15

Кимин ады йашамак кийадында йазылы олмады, о атеш гӧлӱнӓ атылды.

Apokalіpsіs 5:9

Бир ени тӱркӱ чалардылар, дейип: «Сана йарашэр аласын колайы да ачасын онун мӱхӱрлерини, зерӓ Сӓн буазланмыш олдун да Аллах ичин Кенди каныннан сатын алдын инсаннары хер сенселедӓн, дилдӓн, халктан хем миллеттӓн.