Romalılara 13:7 - Ени Бааланты

⁷ Хепсинӓ, кимӓ не борчлуйсунуз, верин. Кимӓ харч, верин харч, кимӓ верги, верин верги. Кимдӓн лӓӓзым коркмаа, ондан коркун. Кими лӓӓзым хатырламаа, ону хатырлайын.

Enі Baalantı

⁷ Hepsinä, kimä ne borçluysunuz, verin. Kimä harç, verin harç, kimä vergi, verin vergi. Kimdän lääzım korkmaa, ondan korkun. Kimi lääzım hatırlamaa, onu hatırlayın.

Romalılara 13:7 ပူးပေါင်းရင်းမြစ်များ

Matfey 17:25

«Ӧдеер», – ӂувап етти Петри. Ачан Петри гирди ичери, Иисус илкин лафетти: «Симон, насыл сӓн санэрсын, дӱннӓ падишахлары кимдӓн харч хем верги алэрлар? Кенди оолларындан мы оса йабанӂылардан мы?»

Matfey 22:21

«Кесарын», – ӂувап етти оннар. Озаман Иисус деди: «Верин Кесара не Кесарын, ама Аллаха не Аллахын».

Mark 12:17

Озаман Иисус деди: «Верин Кесара не Кесарын, ама Аллаха не Аллахын». Бу ӂувабына чок шаштылар.

Luka 20:22

Дӱшер ми, ӧдейелим харч Кесара оса дӱшмеер ми?»

Luka 20:25

Озаман Иисус деди: «Верин Кесара, не Кесарын, ама Аллаха, не Аллахын».

Luka 23:2

Башладылар Ону кабаатландырмаа бӧлӓ лафларлан: «Биз булдук бу Адамы, бизим инсаны кызыштыраркан калкынмаа хем дургударкан, харч ӧдӓмесиннӓр Кесара. О кендини сайэр Христос – Падишах».

Romalılara 12:10

Севин бири-биринизи кардашчасына йалпаклыклан. Йарышмаклан бири-биринизӓ сайгы сӱрӱн.

Romalılara 13:6

Онуштан харчлары ӧдейин, зерӓ заабитлӓр – Аллахын изметчилери, ани хожма чалышэрлар буну таманнамаа.

Efeslіlerä 5:33

Ама сиздӓн херкези кенди карысыны севсин, ниӂӓ кендини; кары да хатыр гӱтсӱн коӂасына.

Efeslіlerä 6:5

Чыраклар, ӧн верин сизин бу ердӓ чорбаӂыларыныза сайгыйлан хем коркуйлан. Ӱректӓн хатырлайын оннары, ниӂӓ Христозу.

1 Tіmofeyä 5:13

Ондан каарӓ, оннар ӱӱренерлӓр хайлак гезмӓӓ евдӓн евӓ, да диил саде хайлак гезмӓӓ, ама ченели олмаа хем башкаларын ишлеринӓ карышмаа, сӧлейерӓк, не дӱшмеер.

1 Tіmofeyä 5:17

Пресвитерлӓр, ани ии ӧндерлеерлӓр, лӓӓзым ики катына хатырлансыннар, айырыӂа оннар, ким ишлеер насаат етмектӓ хем ӱӱретмектӓ.

1 Tіmofeyä 6:1

Хепси чыраклар, ани бойундурук алтында булунэрлар, кенди чорбаӂыларына дӱшер хербир иш ӱзерӓ икрам версиннӓр, ки Аллахын ады хем ӱӱретмеси кӧтӱленмесин.

1 Petrіnіn 3:7

Хеп ӧлӓ сиз дӓ, коӂалар, карыларыныза аннар адамнар олун. Карылара хатыр гӱдӱн, зерӓ оннар сиздӓн таа йуфка, ама сизиннӓн барабар мирасчы олаӂэклар дивеч йашамак баашышына. Ӧлӓ ки сизин дуаларынызда кӧстек олмасын.