Romalılara 13:13 - Ени Бааланты

¹³ Йакышыклы йашайалым, ниӂӓ гӱндӱз айдынныында лӓӓзым. Олмасын айып ииленмеклӓр, сарфошчулук, ороспулук хем башка утанч ишлӓр. Аранызда кавга хем кысканчлык олмасын.

Enі Baalantı

¹³ Yakışıklı yaşayalım, nicä gündüz aydınnıında lääzım. Olmasın ayıp iilenmeklär, sarfoşçuluk, orospuluk hem başka utanç işlär. Aranızda kavga hem kıskançlık olmasın.

Romalılara 13:13 ပူးပေါင်းရင်းမြစ်များ

Luka 1:6

Икиси дӓ Аллахын ӧнӱндӓ доору инсаннардылар. Бир лекесиз билӓ таманнардылар хепси Аллахын сымарладыкларыны хем сыраларыны.

Luka 16:19

Варды бир зенгин адам, ангысы гиинӓрди ергиван хем инӂӓ кетен рубайлан. Хергӱн йашарды шенниктӓ хем сефалыкта.

Luka 21:34

Кенди-кендинизӓ есап алын, ки биртӱрлӱ аарлашмасын ӱреклериниз хобурлуктан, ичкиӂиликтӓн хем йашамак кахырларындан, да о гӱн гелмесин ап-ансыздан сизин ӱстӱнӱзӓ.

Yaptıklar 2:15

Оннар диил сарфош, ниӂӓ сиз санэрсыныз, зерӓ шинди салт ӱчӱнӂу саат сабаадан.

1 Korіnflіlerä 3:3

чӱнкӱ сиз таа тендӓн кулланылмышсыныз. Еер сизин аранызда варса кысканчлык хем кавга, /хем айырыклык/, бу гӧстермеер ми, ани тендӓн кулланылмышсыныз хем йашээрсыныз калан инсаннар гиби?

Galatіyalılara 5:19

Тенин ишлери белли. Оннар: ороспулук, диилпаклык, хайырсызлык,

Galatіyalılara 5:21

хасеетлик, /ӧлдӱрӱӂӱлӱк,/ сарфошчулук, зулумнук хем буна бензӓр ишлӓр дӓ. Илери сӧлеерим сизӓ, ниӂӓ дӓ сӧледим, ани ким йапэр бӧлӓ ишлери, Гӧк Падишахлыында мирасчы олмайаӂэк.

Efeslіlerä 4:1

Бутакым насаатлээрым сизи бӓн, Сааби ичин капанӂы, йашаманыз йакышыклы олсун Онун чаармасына гӧрӓ, ангысыны каблеттиниз.

Efeslіlerä 4:17

Онуштан тӓ не сӧлеерим хем йалварэрым Саабинин адыннан: артык йашамайын, ниӂӓ тайфӓннар йашээрлар, кенди бош дӱшӱнмеклеринӓ гӧрӓ.

Efeslіlerä 5:15

Ӧлӓ ки, ии бакын, ниӂӓ йашээрсыныз. Олмайын фикирсиз, ама аариф олун.

Efeslіlerä 5:18

Сарфош олмайын шараплан, зерӓ сарфошлук сизи запсызлаа гӧтӱрӱр, ама долушун Айоз Духлан.

Efeslіlerä 5:8

Вакыдын бириндӓ сиз каранныктыныз, ама шинди Саабидӓ айдынныксыныз. Гӧтӱрӱн кендинизи, ниӂӓ айдыннык евлатлары.

Fіlіplіlerä 1:27

Саде йакышыклы йашайыныз Христозун Ии Хаберинӓ гӧрӓ, ки еер гелирсӓм да гӧрӱрсӓм сизи, еки гелмӓрсӓм, ишидейим сизин ичин, ани духча бирликтӓ дурэрсыныз, ниӂӓ бир ӂан савашарак, ки Ии Хабер инанылсын,

Fіlіplіlerä 2:3

Бишей йапмайын кендинизи калдырмак ичин еки бошуна ӱӱнмӓк ичин, ама йавашлыклан хатырлайын бири-биринизи, ӱӱсеклендирерӓк башкасыны таа чок, некадар кендини.

Koloslulara 1:10

Дуа едериз, ани йашаманыз Саабийӓ йакышсын да хербир иш ӱзерӓ беендирӓсиниз кендинизи Она, хертӱрлӱ ииликлӓрлӓн мейва гетирӓсиниз хем илерлейӓсиниз Ону танымакта,

Koloslulara 3:5

Онуштан ӧлдӱрӱн, не вар сиздӓ ердӓн: ороспулуу, диилпаклыы, дӱшкӱннӱӱ, кӧтӱ хавезлии хем тамахлыы, ани хеп ӧлӓ, ниӂӓ дӓ баш иилтмӓк идоллара.

1 Salonіklіlerä 2:12

хем ӧзендирдик, ки гӧтӱрӓсиниз кендинизи йакышыклы Аллаха, Ангысы чаарды сизи Кенди падишахлыына хем Кенди метинниинӓ.

1 Salonіklіlerä 4:12

ки гӧтӱрӓсиниз кендинизи йакышыклы дышанкыларын ӧнӱндӓ да, кимсейӓ зорунуз олмасын.

1 Salonіklіlerä 5:17

Дайма дуа един.

İakovun 4:5

Оса санэрсыныз, бошуна мы Айоз Йазыда денер: «Аллах кызгынныклан истеер духу, ангысыны койду ичимизӓ».

1 İoanın 2:6

Ким деер, ани о Аллахта булунэр, о лӓӓзым йашасын да ӧлӓ, ниӂӓ Иисус йашады.

2 İoanın 1:4

Бӓн пек севиндим, ани булдум кимисини сенин ушакларындан аслылык йолунда гезерӓк, ниӂӓ Бобадан сымарламак каблеттик.

İudanın 1:23

Башкаларыны куртарын, атештӓн чыкарып. Таа башкаларыны коркуйлан аӂыйын, ииренип артык гӧлмеендӓн дӓ, ани гӱнахлы гӱӱдедӓн улашык.