Romalılara 12:7 - Ени Бааланты

⁷ Кимдӓ вар измет баашышы, измет етсин. Ӱӱредиӂисейди, ӱӱретсин.

Enі Baalantı

⁷ Kimdä var izmet baaşışı, izmet etsin. Üürediciseydi, üüretsin.

Romalılara 12:7 ပူးပေါင်းရင်းမြစ်များ

Matfey 28:19

Гидин да хепси миллетлери Бана ӱӱрениӂи йапын, ваатиз едип оннары Бобанын хем Оолун хем Айоз Духун адына.

İoan 3:2

О гелди Иисуса геӂӓ вакыды да деди: «Ӱӱредиӂи, биз билериз, ани Сӓнсин Ӱӱредиӂи, Аллахтан гелмӓ, зерӓ кимсей йапамээр о нышаннары, ани йапэрсын Сӓн, еер олмарсайды Аллах онуннан».

Yaptıklar 13:1

Антиохийада, орадакы клиседӓ варды кими пророклар хем ӱӱредиӂилӓр: Варнава; Симон, ангысына денилӓрди Нигер; Луций, Киринӓ касабасындан; Манаин, ангысы бӱӱдӱ Ирод бейлӓн барабар; хем Саул.

Yaptıklar 20:20

Билерсиниз, ани бишей сиздӓн сакламадым, не ани сизин ичин файдалыдыр. Сакынмадым хаберлейим хем ӱӱредейим сизи инсан ӧнӱндӓ хем евлериниздӓ.

Yaptıklar 20:28

Есап алын кенди-кендинизӓ хем бӱтӱн сӱрӱйӓ, кимин ӱстӱнӓ Аллах койду сизи гӱдӱӂӱ, ки гӱдӓсиниз Саабинин /хем Аллахын/ клисесини, ангысыны казанды Кенди каныннан.

Yaptıklar 6:1

О гӱннердӓ, ачан ӱӱрениӂилӓр зееделенӓрди, урумӂа лафедӓн иудейлӓр башладылар мырылданмаа чыфытча лафедӓн иудейлерӓ каршы, зерӓ оннарын дуллары есаба алынмарды хергӱнкӱ йардым пайлашмасында.

1 Korіnflіlerä 12:28

Аллах ерлештирди клиседӓ илкин апостоллары, икинӂи – пророклары, ӱчӱнӂӱ – ӱӱредиӂилери, сора оннары, ким кудретли ишлӓр йапэр; сора оннары, кимин баашышы вар хасталары алыштырмаа; оннары, ким йардым едер; оннары, ким кулланэр; оннары, ким лафедер хертӱрлӱ диллердӓ.

1 Korіnflіlerä 12:5

Вар чок тӱрлӱ изметлӓр, ама салт бир Сааби.

1 Korіnflіlerä 14:26

Озаман не йапалым, кардашлар? Ачан бирери топланэрсыныз, херкезиниздӓ вар бир псалма, бир ӱӱретмӓк, бир ачыкламак, башка дилдӓ лафетмӓк еки диллери чевирмӓк. Хепси буннар олсун клисенин каавиленмеси ичин.

Galatіyalılara 6:6

Ким ӱӱренмӓк кабледер Аллахын сӧзӱндӓн, о дӱшер пайетсин хепси ииликлерини онуннан, ким ону ӱӱредер.

Efeslіlerä 4:11

О койду кимисини апостол, башкасыны пророк, башкасыны ии хаберӂи, таа башкасыны пресвитер хем ӱӱредиӂи,

Koloslulara 4:17

Сӧлейин Архипӓ бӧлӓ: «Бак да таманна изметчилии, ани каблеттин Саабидӓн».

1 Tіmofeyä 2:7

Бунун ичин бӓн койулдум хаберӂи хем апостол. Доору сӧлеерим, йаландырмээрым. Койулдум, ки ӱӱредейим миллетлери инана хем аслылаа.

1 Tіmofeyä 3:2

Онуштан епископ лӓӓзым олсун мааналанмаз табеетли, бир карыйлан евли, айык, саа фикирли, есаплы, мусаафирӂи, беӂерик ӱӱретмӓӓ.

1 Tіmofeyä 4:16

Есап ал кендини хем ӱӱретмени да херзаман бу ӱзерӓ чалыш. Бӧлӓ йапарак, хем кендини куртараӂан, хем оннары, ким сени сеслеер.

1 Tіmofeyä 5:17

Пресвитерлӓр, ани ии ӧндерлеерлӓр, лӓӓзым ики катына хатырлансыннар, айырыӂа оннар, ким ишлеер насаат етмектӓ хем ӱӱретмектӓ.

2 Tіmofeyä 2:2

Ӱӱретмеклери, не ишиттин бендӓн чок шаатлар ӧнӱндӓ, вер инанч инсаннарын елинӓ, ангылары беӂерерлӓр башкаларыны да ӱӱретмӓӓ.

2 Tіmofeyä 2:24

Саабинин кулу дӱшмеер кавгаӂы олсун, ама дӱшер йалпак олсун хепсиннӓн, беӂерсин ӱӱретмӓӓ хем сабурлу олсун, ачан она каршы кӧтӱлӱк йапэрлар.

2 Tіmofeyä 4:2

Аллахын сӧзӱнӱ хаберлӓ, херзаман чалыш бу иштӓ, ии вакытта хем зор вакытта. Инандыр, таказала, ӱреклендир, ӱӱредерӓк бӱтӱн сабурлуклан.