Romalılara 12:1 - Ени Бааланты

¹ Онуштан, кардашлар, йалварэрым Аллахын аӂыйанныыннан, гетирин сизин гӱӱделеринизи бир дири, айоз, беенилмиш курбан Аллаха. Будур сизин хакына изметчилииниз.

Enі Baalantı

¹ Onuştan, kardaşlar, yalvarêrım Allahın acıyannıınnan, getirin sizin güüdelerinizi bir diri, ayoz, beenilmiş kurban Allaha. Budur sizin hakına izmetçiliiniz.

Romalılara 12:1 ပူးပေါင်းရင်းမြစ်များ

Luka 7:47

Онун ичин сӧлеерим сана: чӱнкӱ онун чок гӱнахлары афедилди, онуштан чок севди. Зерӓ кимӓ аз афедилер, о аз да север».

Romalılara 12:2

Бу вакытларын адетлеринӓ гӧрӓ кендинизи кулланмайын, ама Аллах фикиринизи енилейип дииштирсин, ки таныйасыныз, недир Аллахын истедии – не ии, беенилмиш хем таман.

Romalılara 15:16

ки Иисус Христозун изметкери олайым миллетлерин арасында. Бӓн чалышэрым айоз изметчиликтӓ, насаат едерӓк Аллахын Ии Хаберини, ки миллетлӓр олсуннар Аллахтан кабледилмиш курбан гиби, ани Айоз Духтан айозланмыш.

Romalılara 15:30

Йалварэрым, кардашлар, бизим Сааби Иисус Христос ичин хем Духун севгилии ичин, чалышын бенимнӓн барабар дуаларынызда Аллаха беним ичин,

Romalılara 2:4

Оса пайа коймээрсын Аллахын ӂӧмерт ииликлерини, сабурлууну хем чок дайанмасыны? Билмеерсин, ани Аллах ииликлерини узадэр, ки сени гӱнахларындан Кендисинӓ дӧндӱрсӱн?

Romalılara 6:13

Сизин гӱӱденизин еклерини гӱнах заплыына вермейин, ки кулланасыныз оннары кӧтӱлӱк ичин. Аллахын елинӓ верилин, ниӂӓ оннар, ким ӧлӱдӓн дирилди. Гӱӱденизин еклерини Аллаха верин, ки кулланасыныз оннары доорулук ичин.

Romalılara 6:16

Не, билмеерсиниз ми, ани кимӓ чырак гиби верилерсиниз, ки ону сеслейӓсиниз, она чырак олэрсыныз: йа гӱнаха чырак, ӧлӱмӓ гӧтӱрӓн, йа да бир чырак, ани сеслеер Аллахы да онуштан доору сайылэр.

Romalılara 6:19

Лафедерим адамӂасына, сизин тенинизин зайыфлыы бетеринӓ. Ниӂӓ вердиниз гӱӱденизин еклерини, чырак олсун мындарлаа хем законсузлаа, ки хертӱрлӱ законсузлук йапасыныз, хеп ӧлӓ шинди верин еклеринизи, чырак олсун доорулаа, ки айоз оласыныз.

Romalılara 9:23

Да не дейеӂез, еер буну йаптысайды, ки билдирсин Кенди болдан метинниини о каплара, ангыларыны аӂыды хем хазырлады, ки каблетсиннӓр метинник?

1 Korіnflіlerä 1:10

Йалварэрым, кардашлар, бизим Сааби Иисус Христозун адыннан, хепсиниз аннашын, да олмасын айырыклык аранызда. Олун бирликтӓ, бир нееттӓ хем бир дӱшӱнмектӓ.

2 Korіnflіlerä 10:1

Бӓн, Павли, ани услуйум аранызда, ама кыйакым сиздӓн узак оларак, йалварэрым Иисус Христозун мӱнӱзлӱӱннӓн хем йалпаклыыннан

2 Korіnflіlerä 4:1

Онуштан, чӱнкӱ Аллахын аӂыйанныыннан бизим бӧлӓ изметчилиимиз вар, биз умуду кайбетмеериз.

2 Korіnflіlerä 4:16

Онуштан умуду кайбетмеериз. Еер бизим дышандакы адам чӱрӱрсейди, бизим ичйанкы адам гӱн-гӱндӓн ениленер.

2 Korіnflіlerä 5:20

Ӧлӓ ки, биз Христозун хаберӂилерийиз, ниӂӓ ачан Аллах Кендиси бизим аазымызлан чаарэр инсаны. Христозун адына йалварэрыз, барышын Аллахлан.

2 Korіnflіlerä 6:1

Биз, ани Аллахлан билӓ ишлеериз, йалварэрыз: бакын, ки Аллахын иивергисини бошуна каблетмейӓсиниз.

Efeslіlerä 4:1

Бутакым насаатлээрым сизи бӓн, Сааби ичин капанӂы, йашаманыз йакышыклы олсун Онун чаармасына гӧрӓ, ангысыны каблеттиниз.

Efeslіlerä 5:10

Бакын ӱӱренмӓӓ, не Сааби беенер.

Fіlіplіlerä 1:20

Хавезлӓн беклеерим хем умутланэрым, ани хич утанмыш олмайаӂам, ама кыйышмаклан лафедеӂӓм, да ниӂӓ херзаман, ӧлӓ шинди дӓ, йашарсам да, ӧлӱрсӓм дӓ, Христос беним гӱӱдӓмнӓн метинненеӂек.

Fіlіplіlerä 2:17

Ниӂӓ шарап дӧкӱлер курбанын ӱстӱнӓ, хеп ӧлӓ беним каным да лӓӓзым дӧкӱлсӱн, ки таманнансын сизин инанынызын изметчилии. Ама хеп окадар севинерим хем хепсинизин севинмелииниздӓн пай алэрым.

Fіlіplіlerä 4:18

Бендӓ хепси вар, боллукта йашээрым. Бӓн токум, каблеттим, нейи Епафродитин елиннӓн йолламышыныз. Бу – ниӂӓ гӧзӓл кокулу бир баашыш, бир курбан, ангысыны Аллах кабледер хем беенер.

1 Salonіklіlerä 4:1

Биткидӓ, кардашлар, истеериз хем йалварэрыз сизӓ Иисус Христозун адыннан, ниӂӓ каблеттиниз биздӓн, ташыйын хем беендирин кендинизи Аллаха, ниӂӓ дӱшер, ниӂӓ дӓ йапэрсыныз, бунда таа илерлейиниз.

1 Salonіklіlerä 4:10

Аслы, ани северсиниз хепси кардашлары, ким булунэр Македонийада, ама сизӓ йалварэрыз, кардашлар, бу ӱзерӓ таа илерлейин.

1 Salonіklіlerä 5:12

Йалварэрыз сизӓ, кардашлар, хатырлайын сиздеки ишчилери, ани сизи кулланэрлар Саабинин йолунда хем акыл верерлӓр.

1 Tіmofeyä 2:3

Зерӓ бу иидир хем йакышыклы бизим Куртарыӂы Аллаха,

1 Tіmofeyä 5:4

Ама еер бир дул карынын варса ушаклары еки унукалары, оннар ӱӱренсиннӓр Аллахын йолунда гитмӓӓ, илкин кенди айлесинӓ йардым етсиннӓр, иилик чевирсиннӓр ана-бобаларына, зерӓ буну Аллах беенер.

Fіlіmona 1:10

Йалварэрым сана беним ушаам ичин, Онисим ичин, ангысыны дуудурдум, булунарак баалы синӂирлӓрлӓн.

Fіlіmona 1:9

сайэрым, таа ислӓӓ йалварайым сана севгийлӓн. Зерӓ йалваран диил башкасы, ама бӓн, ихтӓр Павли, ани шинди Иисус Христос ичин капанӂы.

Çıfıtlara 13:22

Йалварэрым, кардашлар, хош гӧрӱн бу насаадын лафларыны. Доору, ани кыса бир кийат йаздым сизӓ.

1 Petrіnіn 2:20

Нейлӓн сизи мететмӓӓ, еер сиз шамара дайанарсайдыныз кабаатлыйкан? Ама еер дайанарсайдыныз зеетлерӓ, чӱнкӱ иилик йапэрсыныз, бу Аллахын беендиидир.

1 Petrіnіn 2:5

О сизи файдаласын, ниӂӓ дири ташлары, ки ишлесин бир духча ев, нередӓ сиз, айоз попазлар оларак, гетирӓбилирсиниз Иисус Христозун араӂылыыннан духча курбаннар, не Аллахтан беенилмиш.