Matfey 7:15 - Ени Бааланты

¹⁵ Корунун йаланӂы пророклардан. Оннар гелерлӓр сизӓ гиийимни койун дерисиннӓн, ама ичйандан паралайан йабанылар.

Enі Baalantı

¹⁵ Korunun yalancı proroklardan. Onnar gelerlär sizä giiyimni koyun derisinnän, ama içyandan paralayan yabanılar.

Matfey 7:15 ပူးပေါင်းရင်းမြစ်များ

Matfey 10:17

Корунун инсандан, зерӓ вереӂеклӓр сизи дааваӂылара, дӱӱйеӂеклӓр синагогаларда,

Matfey 16:11

Несой аннамээрсыныз, ани сӧлӓмедим екмек ичин? Ама сӧледим, корунасыныз фарисейлерин хем садукейлерин майасындан».

Matfey 16:6

Иисус деди оннара: «Бакын, корунун фарисейлерин хем садукейлерин майасындан».

Matfey 24:11

Калкаӂэк чок йаланӂы пророклар да чойуну алдадаӂэклар.

Matfey 7:14

Ама дардыр токат хем сыкынчтыр йол, ани йашамайа гӧтӱрер, хем аз инсан ону булур.

Luka 12:15

Сора деди: «Бакын, корунун хертӱрлӱ пара тамахлыындан, зерӓ йашамак тутунмээр варлыын боллуундан».

Luka 6:26

Вай сизӓ, ачан сизин ичин инсан лафедер ислӓӓ, зерӓ хеп бӧлӓ йапарды оннарын бобалары йаланӂы пророкларлан!

İoan 10:12

Ама йанашык адам, ким диил гӱдӱӂӱ, хем ким диил койуннарын чорбаӂысы, ачан гӧрер йабаныйы гелӓркӓн, бракэр койуннары да качэр, йабаны да, оннары капып, даадэр.

Yaptıklar 13:40

Онуштан бакын, гелмесин башыныза, не сӧленмиш пророклардан:

Yaptıklar 13:6

Бӱтӱн адайы айкырладылар Паф касабасына кадар. Орада уурадылар бир иудей бӱӱӂӱсӱ, бир йаланӂы пророк ӱстӱнӓ. Онун ады Вариисус.

Galatіyalılara 2:4

Ама варды йаланӂы кардашлар, ани, саклы сокулуп, сыйындылар бизим арамыза, ки гӧзлетсиннӓр сербестлии, ани едендик Иисус Христозда, бизи чыраклаа гӧтӱрсӱннӓр дейни.

Efeslіlerä 4:14

Озаман артык олмайаӂэз ушаклар гиби, ангылары салланэрлар далгаларлан хем сӱрӱкленерлӓр лӱзгерлӓрлӓн – хертӱрлӱ ӱӱренмӓклӓн, ани инсаннар гетирерлӓр шалвирликлӓн хем ширетликлӓн, ки башкаларыны, алдадып, йолдан саптырсыннар.

Efeslіlerä 5:6

Кимсей алдатмасын сизи бош лафларлан, зерӓ бу ишлӓр бетеринӓ Аллахын ӱфкеси гелер сеслӓмейӓн инсаннар ӱстӱнӓ.

Fіlіplіlerä 3:2

Корунун о кӧпеклердӓн! Корунун кӧтӱлӱк йапаннардан! Корунун кесиклик касапларындан!

Koloslulara 2:8

Бакын, кардашлар, ки биркимсей сизи есир алмасын философлуклан, бошуна алдангач лафларлан, инсанын адетлеринӓ гӧрӓ, бу дӱннейин башланкы ӱӱретмеклеринӓ гӧрӓ, ама диил Христоза гӧрӓ.

2 Tіmofeyä 3:13

Кӧтӱ инсаннар хем шарлатаннар кӧтӱлӱктӓ гиттикчӓ илерлейеӂеклӓр, башкаларыны алдадарак, кендилери дӓ алданарак.

2 Tіmofeyä 4:3

Зерӓ вакыт гелеӂек, ачан саа ӱӱретмеклерӓ дайанамайаӂэклар, ама йаннарына топлайаӂэклар ӱӱредиӂилери кенди истедиклеринӓ гӧрӓ, ки назландырсыннар оннары.

2 Petrіnіn 3:17

Онуштан, севгили кардашлар, ӧнӂӓ билерӓк буннары, сакынын, ки бу законсуз кишилӓр гиби йанныш йолдан гитмейӓсиниз да кенди карарыныздан сапмайасыныз.

1 İoanın 4:1

Севгили кардашлар! Хербир духу инанмайын, ама денейин духлары, ки гӧрӓсиниз, Аллахтан мы? Зерӓ бу дӱннедӓ чыкты чок йаланӂы пророк.

İudanın 1:4

Зерӓ араныза сыйынды кими адамнар, ангылар евелдӓн ӂеза ичин сыраланмыш, аллахсызлар, ани Аллахын хайырыны чевирерлӓр тербеесизлӓӓ да атылэрлар бизим бириӂик Чорбаӂымыздан, Саабимиздӓн, Иисус Христоздан.

Apokalіpsіs 16:13

Гӧрдӱм, ани драконун аазындан, ӂанаварын аазындан хем йаланӂы пророкун аазындан чыкты ӱч фена дух, курбаалара бензӓр.

Apokalіpsіs 17:6

Гӧрдӱм, ани бу кары сарфош олмушту Аллахын айоз халкы канындан, Иисусун шаатлары канындан. Сарп шаштым, ачан ону гӧрдӱм.

Apokalіpsіs 19:20

Ӂанавар хем йаланӂы пророк, ани йапарды мераклы нышаннар ӂанаварын ӧнӱндӓ, тутулдулар. Йаланӂы пророк бу нышаннарлан алдатты оннары, ким каблеттийди ӂанаварын дамгасыны хем ким баш иилдӓрди ӂанаварын идолуна. Икиси дӓ диридӓн атылдылар атеш гӧлӱнӓ, ани кӱкӱртлӓн йанэр.

Apokalіpsіs 20:10

Диавол, ани оннары алдадарды, атеш хем кӱкӱрт гӧлӱнӓ атылды, нередӓ вар ӂанавар хем йаланӂы пророк, да геӂӓ-гӱндӱз дивечтӓн дивеӂӓ зеетленеӂеклӓр.