Matfey 6:24 - Ени Бааланты

²⁴ Кимсей йок насыл измет етсин ики чорбаӂыйа. Зерӓ бирисини беенӓрсейди, ӧбӱрӱнӱ беенмӓз. Бириси ичин чалышкан оларсайды, ӧбӱрӱ ичин касаветсиз олур. Йок насыл измет едӓсиниз хем Аллаха, хем зенгиннӓӓ.

Enі Baalantı

²⁴ Kimsey yok nasıl izmet etsin iki çorbacıya. Zerä birisini beenärseydi, öbürünü beenmäz. Birisi için çalışkan olarsaydı, öbürü için kasavetsiz olur. Yok nasıl izmet edäsiniz hem Allaha, hem zenginnää.

Matfey 6:24 ပူးပေါင်းရင်းမြစ်များ

Matfey 4:10

Озаман Иисус ӂувап етти она: «Чекил Бендӓн, шейтан, зерӓ вар йазылы: „Баш иилт Сенин Сааби Аллахына хем салт Она измет ет“».

Luka 16:11

Еер олмарсайдыныз инанч бу диил хакына зенгинниктӓ, озаман ким сизӓ инандыраӂэк хакына зенгиннии?

Luka 16:13

Бир дӓ изметкӓр йок насыл измет етсин ики чорбаӂыйа. Зерӓ бирисини беенӓрсейди, ӧбӱрӱнӱ беенмӓз. Йада бириси ичин чалышкан оларса, ӧбӱрӱ ичин касаветсиз олур. Йок насыл измет едӓсиниз хем Аллаха, хем зенгиннӓӓ».

Luka 16:9

Бӓн сизӓ деерим: едениниз дост кендинизӓ бу диил хакына зенгинниклӓн, ки ачан зенгинник битеӂек, кабул оласыныз дивеч биналара.

Galatіyalılara 1:10

Бӓн шинди инсанын кайыллыыны мы аарээрым оса Аллахын мы? Аӂаба инсана мы бакэрым кендими беендирейим? Еер инсана кендими беендирмӓӓ бакарсам, озаман олмарым Христозун чыраа.

1 Tіmofeyä 6:17

Зенгиннерӓ бу ӧмӱрдӓ сымарла, ани ходулланмасыннар, умутларыны коймасыннар зенгиннӓӓ, ани гелип-гечер, ама /дири/ Аллаха, Ангысы верер бизӓ хепсини ташкынныктан, ки сефаланалым,

2 Tіmofeyä 4:10

Зерӓ Димас бени бракты, чӱнкӱ таа чок севди бу дӱннейи да гитти Салоник касабасына. Крискис гитти Галатийайа, Тит – Далматийайа.

İakovun 4:4

Сиз ороспулар! Билмеерсиниз ми, ани дӱннейлӓн достлук – Аллаха душманнык! Ӧлӓ ки, ким истеер дӱннейлӓн дост олмаа, о душман олэр Аллаха.