Matfey 23:34 - Ени Бааланты

³⁴ Онун ичин, тӓ, йоллээрым сизӓ пророклары, аарифлери хем билгичлери. Кимисини ӧлдӱреӂениз да ставроза гереӂениз, башкаларыны дӱӱйеӂениз сизин синагогаларда хем коолайаӂэныз оннары касабадан касабайа.

Enі Baalantı

³⁴ Onun için, tä, yollêêrım sizä prorokları, aarifleri hem bilgiçleri. Kimisini öldüreceniz da stavroza gereceniz, başkalarını düüyeceniz sizin sinagogalarda hem koolayacenız onnarı kasabadan kasabaya.

Matfey 23:34 ပူးပေါင်းရင်းမြစ်များ

Matfey 10:23

Ачан сизи коолайаӂэклар бир касабадан, качын башка касабайа, зерӓ доору сӧлеерим сизӓ, ани Адам Оолу гелинӂӓ, сиз Израилин касабаларыны долайламаа етиштирмейеӂениз.

Matfey 13:52

О деди оннара: «Онуштан хербир билгич, ангысы ӱӱренди, не лӓӓзым Гӧк Падишахлыы ичин, бензеер бир ев чорбаӂысына, ангысы чыкарэр хазнасындан хем ени, хем ески ишлӓр».

Matfey 23:31

Бутакым сиз кенди-кендинизӓ каршы шаатлык едерсиниз, ани сиз пророк ӧлдӱрӱӂӱлерин оолларыйсыныз.

Luka 24:47

Башлайып Иерусалим касабасындан, лӓӓзым насаат олсун Онун адыннан хепси миллетлерӓ, ки пишман олсуннар гӱнахларындан хем баашламак каблетсиннӓр.

İoan 16:2

Уурадаӂэклар сизи синагогалардан. Гелеӂек артык ӧлӓ бир вакыт, ачан херкез, ким сизи ӧлдӱреӂек, санаӂэк, ани бунуннан Аллаха измет едер.

İoan 20:21

Иисус деди икинӂи сыра: «Селемет сизӓ! Ниӂӓ йоллады Бени Бобам, ӧлӓ йоллээрым Бӓн дӓ сизи».

Yaptıklar 1:8

Ама сиз кабледеӂениз кувет, ачан Айоз Дух инеӂек сизин ӱстӱнӱзӓ да олаӂэныз Беним шаатларым Иерусалимдӓ, Иудейада, Самарийада хем ерин кенарларынадан».

Yaptıklar 11:27

Бу вакыт Иерусалимдӓн Антиохийайа гелдилӓр пророклар.

Yaptıklar 12:2

О кылычлан ӧлдӱрттӱ Иакову, Иоанын кардашыны.

Yaptıklar 13:1

Антиохийада, орадакы клиседӓ варды кими пророклар хем ӱӱредиӂилӓр: Варнава; Симон, ангысына денилӓрди Нигер; Луций, Киринӓ касабасындан; Манаин, ангысы бӱӱдӱ Ирод бейлӓн барабар; хем Саул.

Yaptıklar 14:19

Антиохийа хем Иконийа касабаларындан гелди биркач иудей да, инсаны кенди тарафларына чекип, дӱӱдӱлӓр Павлийи ташлан, сора санарак, ани ӧлдӱ, сӱрӱдӱлӓр касабадан дышары.

Yaptıklar 15:32

Иуда хем Сила, ангылар кендилери дӓ пророктулар, гиргиннеттилӓр кардашлары, каавилендирип тӱрлӱ лафлан.

Yaptıklar 5:40

Оннар сеследилӓр ону, чаарып апостоллары, дӱӱдӱлӓр да сымарладылар, насаат етмесиннӓр Иисус адыннан. Сора салвердилӓр оннары.

1 Korіnflіlerä 2:6

Хеп окадар биз насаат едериз аарифлик олгун инанӂылар арасында, ама бу аарифлик диил шиндики заманын йада шиндики кулланыӂыларын аарифлии, ангылары гелип-гидерлӓр.

1 Korіnflіlerä 3:10

Аллахын иивергисинӓ гӧрӓ, не бана верили, бӓн, ниӂӓ бир аариф уста, темели койдум, башкалары да бу темел ӱстӱнӓ йывды. Херкез лӓӓзым баксын, нетӱрлӱ йывэр.

Koloslulara 1:28

Биз Христозу хаберлеериз, акыл верерӓк херкезинӓ хем ӱӱредерӓк херкезини хертӱрлӱ аарифликлӓн, ки чыкаралым Аллахын ӧнӱнӓ херкезини таман Иисус Христозда.

1 Salonіklіlerä 2:16

зерӓ кӧстек койэрлар бизӓ, насаат еделим башка миллетлерӓ, куртулсуннар дейни. Бунуннан дайма долдурэрлар

Çıfıtlara 11:37

Ташлан дӱӱлдӱлӓр, тестерейлӓн кесилдилӓр, /денендилӓр,/ кылычлан ӧлдӱрӱлдӱлӓр. Койун хем кечи дерисиндӓн тулумнарлан гиийимни, йоклук, зорлук хем кӧтӱлӱк чектилӓр.

Apokalіpsіs 11:10

Ер ӱзӱндӓ йашайаннар севинеӂеклӓр, шенненеӂеклӓр хем баашыш бири-биринӓ йоллайаӂэклар, зерӓ бу ики пророк зеетледилӓр ер ӱзӱндӓ йашайаннары.