Mark 9:32 - Ени Бааланты

³² Ама ӱӱрениӂилери аннамардылар бу лафлары, сормаа да коркардылар.

Enі Baalantı

³² Ama üürenicileri annamardılar bu lafları, sormaa da korkardılar.

Mark 9:32 ပူးပေါင်းရင်းမြစ်များ

Mark 16:14

Сонда, ачан софрада ийӓрдилӓр, Иисус онбир ӱӱрениӂисинӓ гӧстерилди. Оннары инансызлык хем инатлык бетеринӓ азарлады, зерӓ инанмадылар оннары, ким гӧрдӱ Ону дирилмесиндӓн сора.

Mark 7:18

О деди: «Не, сиз дӓ ми ӧлӓ аар кафалыйсыныз? Аннамээрсыныз мы, ани не гирер адам ичинӓ, йок насыл мындарласын ону?

Mark 8:33

Иисус дӧндӱ, бакарак ӱӱрениӂилеринӓ, азарлады Петрийи да деди: «Узаклан Бендӓн, шейтан! Зерӓ сенин неетлерин диил Аллахтан, ама адамдан».

Mark 9:10

Оннар бу сымарламайы таманнадылар, ама бири-биринӓ сордулар: «Несой аннамаа „дирилмейинӂӓ ӧлӱдӓн“?»

Luka 18:34

Оннар аннамадылар бишей бу лафлардан, зерӓ бу лафлар оннар ичин капалыйды. Оннар аннайамадылар, не О сӧледи.

Luka 2:50

Ама оннар аннамадылар Онун лафларыны.

Luka 24:45

Озаман ачты оннарын фикирлерини, аннасыннар Айоз Йазылары.

Luka 9:45

Ама ӱӱрениӂилери бу лафлары аннамардылар, зерӓ оннар ичин бу лафларын маанасы саклыйды, ки аннамасыннар, сормаа да коркардылар.

İoan 12:16

Ӱӱрениӂилӓр баштан буннары аннамадылар, ама ондан сора, ачан Иисус метинненди, аклына гетирдилӓр, ани бӧлӓ Онун ичин йазылы, да онуштан инсан Она буну йапты.

İoan 16:19

Иисус аннады, ани оннар истеерлӓр сорсуннар Она, онуштан деди: «Бунун ичин ми чекишерсиниз, ани дедим: „Бир парча вакыттан сора гӧрмейеӂениз Бени, ама таа бир парча вакыттан сора енидӓн гӧреӂениз“?

İoan 4:27

Бу вакыт гелди Онун ӱӱрениӂилери. Оннар шаштылар, ани О лафедер бир карыйлан. Ама бириси билӓ сормады: «Не истеерсин?» еки: «Нечин лафедерсин онуннан?»