Mark 8:35 - Ени Бааланты

³⁵ Зерӓ ким истеер куртармаа кенди йашамасыны, кайбедеӂек ону. Ама ким кайбедеӂек йашамасыны Беним ичин хем Ии Хабер ичин, о йашамасыны куртараӂэк.

Enі Baalantı

³⁵ Zerä kim isteer kurtarmaa kendi yaşamasını, kaybedecek onu. Ama kim kaybedecek yaşamasını Benim için hem İi Haber için, o yaşamasını kurtaracek.

Mark 8:35 ပူးပေါင်းရင်းမြစ်များ

Matfey 10:22

Беним адым ичин сиздӓн хепси азетмейеӂек, ама ким биткийӓдӓн дайанаӂэк, о куртулаӂэк.

Matfey 10:39

Ким коруйаӂэк йашамасыны, о кайбедеӂек ону. Ама ким кайбедеӂек йашамасыны Беним ичин, о йашамак еденеӂек.

Matfey 16:25

Зерӓ ким истеер куртармаа йашамасыны, кайбедеӂек. Ама ким кайбедеӂек йашамасыны Беним ичин, о йашамак еденеӂек.

Matfey 19:29

Хепси, ким бракты евини йада кардашларыны, кызкардашларыны, бобасыны, анасыны, /карысыны,/ ушакларыны еки мерасыны Беним адым ичин, кабледеӂек ӱз катына таа чок хем дӓ еденеӂек дивеч йашамак.

Mark 8:36

Зерӓ не файда олаӂэк адама, казансын бӱтӱн дӱннейи, ама кенди йашамасыны кайбетсин?

Luka 17:33

Ким чалышаӂэк куртарсын йашамасыны, кайбедеӂек ону, ама ким кайбедеӂек йашамасыны, йашамак еденеӂек.

Luka 9:24

Зерӓ ким истеер йашамасыны куртармаа, ону кайбедеӂек. Ама ким йашамасыны кайбедеӂек Беним ичин, ону куртараӂэк.

Yaptıklar 20:24

Ама бӓн бишейӓ бакмээрым, йашамамы да паайа коймээрым. Истеерим салт севинмӓклӓн йолуму хем изметчилиими баша чыкарайым, ани каблеттим Сааби Иисустан, да шаатлык едейим Ии Хабери Аллахын иивергиси ичин.

Yaptıklar 21:13

Ама Павли деди: «Не йапэрсыныз, нечин аалээрсыныз хем беним ӱрееми кырэрсыныз? Бӓн хазырым диил саде бааланайым, ама ӧлейим да Иерусалимдӓ Сааби Иисусун ады ичин».

Yaptıklar 9:16

Бӓн гӧстереӂӓм она, некадар лӓӓзым чексин Беним адым ичин».

1 Korіnflіlerä 9:23

Хепсини Ии Хабер ичин йапэрым, ки беним дӓ пайым олсун Ии Хаберин ииликлериндӓн.

2 Korіnflіlerä 12:10

Онуштан хошлук булэрым йуфкалыкта, ашааланмакта, зорлукта, кооламакта хем сыкынтыда Христоз ичин. Зерӓ, ачан йуфкайым, озаман бӓн каавийим.

2 Tіmofeyä 1:8

Онуштан, утанма шаатлык етмӓӓ бизим Сааби ичин хем утанма бендӓн дӓ, ани капана дӱштӱм Онун ичин, ама бенимнӓн пай ал зеетленмектӓ Ии Хабер ичин Аллахын кувединнӓн.

Çıfıtlara 11:35

Карылар ӧлӱлерини геери дири каблеттилӓр. Башка адамнар, зеетленип, ӧлдӱлӓр. Каблетмедилӓр верилмиш колайлыклары, куртулсуннар дейни, зерӓ истедилӓр, дирилип, таа ии бир йашамак еденсиннӓр.

Apokalіpsіs 12:11

Оннар енседилӓр ону Кузунун каныннан хем кенди шаатлыкларынын сӧзӱннӓн, зерӓ артык кенди ӂаннарыны кыймадылар да ӧлӱмӓ вердилӓр.

Apokalіpsіs 2:10

Не лӓӓзым олаӂэк гечирӓсин, бишейдӓн коркма. Диавол кимисини сиздӓн капана атаӂэк, ки дененӓсиниз. Зеетленмиш олаӂэныз он гӱн. Ол инанч ӧлӱмӓ кадар, да вереӂӓм сана йашамак фенецини.

Apokalіpsіs 7:14

«Чорбаӂы, – ӂувап еттим бӓн, – сӓн билерсин». О деди бана: «Буннар о бӱӱк зееттӓн гечип-геленнӓр. Оннар рубаларыны йыкадылар хем Кузунун каныннан бийазлаттылар.