Luka 7:19 - Ени Бааланты

¹⁹ Иоан чаарды ӱӱрениӂилерин икисини да йоллады Иисуса, ки сорсуннар Она: «Сӓнсин ми О, Ким лӓӓзым гелсин, оса башкасыны мы беклейелим?»

Enі Baalantı

¹⁹ İoan çaardı üürenicilerin ikisini da yolladı İisusa, ki sorsunnar Ona: «Sänsin mi O, Kim lääzım gelsin, osa başkasını mı bekleyelim?»

Luka 7:19 ပူးပေါင်းရင်းမြစ်များ

Mark 6:7

Чаарды Кендинӓ оники ӱӱрениӂисини да башлады йолламаа икишӓр-икишӓр. Верди оннара заабитлик фена духларын ӱстӱнӓ

Luka 10:1

Бундан сора Сааби сечти таа етмиш ӱӱрениӂи. Йоллады оннары икишӓр-икишӓр Кенди ӧнӱ сора хепси касабалара хем ерлерӓ, нерейи О гитмӓӓ истӓрди.

Luka 11:1

Бир гӱн Иисус дуа едӓрди бир ердӓ. Ачан битирди дуасыны, бириси ӱӱрениӂилердӓн деди: «Сааби, ӱӱрет бизи дӓ дуа еделим, ниӂӓ Иоан ӱӱретти кенди ӱӱрениӂилерини, дуа етсиннӓр».

Luka 11:39

Ама Сааби деди: «Сиз, фарисейлӓр, йыкээрсыныз чӧлмӓӓн хем чанаан дышансыны, ама ичйансы хырсызлыклан хем феналыклан долу.

Luka 12:42

Сааби ӂувап етти: «Кимдир инанч хем аариф векил, ангысыны чорбаӂысы койаӂэк ӂувапчы кенди евиндӓ хепси чыракларын ӱстӱнӓ, вакыдында имӓӓ версин оннара дейни?

Luka 13:15

Сааби ӂувап етти она: «Икиӱзлӱлӓр, херкезиниз ӂумертеси гӱнӱ гӧтӱрмеерсиниз ми, чӧзӱп ахырдан ӧкӱзӱ еки ешӓӓ, сулайасыныз?

Luka 17:5

Озаман апостоллар дедилӓр Саабийӓ: «Зееделӓ бизим инанымызы!»

Luka 17:6

Сааби деди: «Еер сиздӓ олурса инан бир хардал тоому гиби, да дейӓрсейдиниз бу дут фиданына: „Бурадан чык кӧклӓн да дениз ичинӓ дииш!“ – о сеслейеӂек.

Luka 18:6

Сора Сааби екледи: «Ишидерсиниз ми, не деер диил доору дааваӂы?

Luka 19:8

Ама Закей, калкып, Саабийӓ деди: «Сааби, беним варлыымын йарысыны веририм фукааралара. Еер биркимсейи алдаттысайдым, она чевиреӂӓм геери дӧрт катына».

Luka 22:61

Сааби дӧндӱ да уз Петрийӓ бакты. Озаман Петри аклына гетирди лафлары, ани сӧледийди Иисус: «Бӱӱн хороз ӧтӱнӂӓ, сӓн ӱч сыра Бендӓн атылаӂан».

Luka 24:34

ангылары сӧлӓрдилӓр бири-биринӓ: «Хакына, Сааби дирилди, гӧстерилди Симона».

Luka 7:13

Ачан Сааби гӧрдӱ карыйы, ӂаны аӂыды она да деди: «Аалама!»

Luka 7:20

Ӱӱрениӂилӓр гелдилӓр Иисуса да дедилӓр: «Иоан Ваатизедиӂи йоллады бизи Сана соралым: „Сӓнсин ми О, Ким лӓӓзым гелсин, оса башкасыны мы беклейелим?“»

İoan 11:2

Марийа о карыйды, ани йаалады Саабийи ии кокулуклан да силди айакларыны кенди сачларыннан. Хаста Лазар Марийанын кардашыйды.

İoan 4:1

Фарисейлӓр ишиттилӓр, ани Иисус таа чок ӱӱрениӂи еденер хем ваатиз едер, некадар Иоан.

İoan 4:25

Кары ӂувап едер: «Билерим, ани гелеӂек Мессийа, Ангысына денер Христос. О, гелдийнӓн, хепсини бизӓ аннадаӂэк».

İoan 6:23

Гелди башка биркач кайык Тивериада касабасындан йакын о ерӓ, нередӓ идийдилӓр екмек Саабинин иисӧзлемесиндӓн сора.

Apokalіpsіs 11:3

Беним ики шаадыма вереӂӓм кувет пророклук етсиннӓр бин икиӱз алтмыш гӱн, гиийимни чуваллан.