Luka 5:29 - Ени Бааланты

²⁹ Сора йапты Она бир бӱӱк конуш кенди евиндӓ. Бир сӱрӱ харччы хем башка конакчылар отурдулар оннарлан софрайа.

Enі Baalantı

²⁹ Sora yaptı Ona bir büük konuş kendi evindä. Bir sürü harççı hem başka konakçılar oturdular onnarlan sofraya.

Luka 5:29 ပူးပေါင်းရင်းမြစ်များ

Matfey 11:19

Гелди Адам Оолу, хем ийер хем ичер, деерлӓр: „Хобур хем ичкиӂи, харччыларын хем гӱнахкерлерин досту!“ Хеп окадар аарифлик гӧстерер ишлериндӓн, ани о доорудур».

Matfey 5:46

Еер севӓрсейдиниз салт оннары, ким сизи север, не ӧдек беклеерсиниз? Йапмээр мы буну харччылар да?

Matfey 9:10

Ачан Иисус Матфейин евиндӓ софрада булунарды, гелди чок харччылар хем гӱнахкерлӓр, софрайа ерлештилӓр Иисуслан хем ӱӱрениӂилериннӓн барабар.

Matfey 9:9

Гечерӓк орадан, Иисус гӧрдӱ бир адам, ани отурарды ердӓ, нередӓ харч топланарды, ады Матфей. Иисус деди она: «Гел ардыма». Матфей калкты да Онун ардына гитти.

Mark 2:15

Ачан Иисус Левийин евиндӓ конакланарды, чок харччылар хем гӱнахкерлӓр Онуннан хем ӱӱрениӂилериннӓн барабар софрада булунардылар. Бӧлӓ чок киши варды, ани Онун ардына гидӓрдилӓр.

Luka 15:1

Хепси харччылар хем гӱнахкерлӓр йаклашардылар Иисусу сеслемӓӓ.

İoan 12:2

Орада хазырланды конуш Онун ичин. Марфа измет едӓрди, Лазар да оннардан бирисийди, ким Иисуслан билӓ софрадайды.

1 Korіnflіlerä 10:27

Еер инансызлардан бири сизи софрайа теклиф едӓрсейди, да сиз гитмӓӓ кайыл олурсайдыныз, ийин, не ӧнӱнӱзӓ койаӂэклар, хич соруштурмайарак, ки ӱзӱнӱз пак олсун.