Luka 19:47 - Ени Бааланты

⁴⁷ Иисус хер гӱн ӱӱредӓрди инсаны Айоз бина ичиндӓ. Бӱӱк попазлар, билгичлӓр хем халкын аксакаллары Ону ӧлдӱрмӓӓ бакардылар.

Enі Baalantı

⁴⁷ İisus her gün üüredärdi insanı Ayoz bina içindä. Büük popazlar, bilgiçlär hem halkın aksakalları Onu öldürmää bakardılar.

Luka 19:47 ပူးပေါင်းရင်းမြစ်များ

Matfey 21:23

Иисус гирди Айоз бина аулуна, да, ачан ӱӱредӓрди инсаны, гелдилӓр бӱӱк попазлар хем халк аксакаллары да дедилӓр Она: «Не заабитликлӓн йапэрсын бу ишлери, хем ким верди Сана бу заабитлии?»

Matfey 26:55

Озаман Иисус деди инсана: «Сиз чыктыныз Бени тутмаа, ниӂӓ бир хайдуду, кылычларлан хем мочугаларлан. Хер гӱн отурурдум Айоз бинада, ӱӱредерӓк инсаны, да тутмадыныз Бени.

Mark 11:18

Ачан ишиттилӓр бӱӱк попазлар хем билгичлӓр буну, бакардылар, несой ӧлдӱрӓбилсиннӓр Ону, ама коркардылар Ондан, зерӓ Онун ӱӱретмесинӓ шашарды хепси инсан.

Mark 12:12

Оннар бакардылар тутсуннар Иисусу, ама коркардылар инсандан. Зерӓ аннадылар, ани Иисус оннар ичин сӧледи бу ӧрнӓӓ. Сора брактылар Ону да гиттилӓр.

Mark 14:1

Ики гӱн калдыйды Паскеллӓ хем Хамурсуз йортуйадан. Бӱӱк попазлар хем билгичлӓр аарардылар колайлык, ниӂӓ Иисусу шалвирликлӓн тутсуннар да ӧлдӱрсӱннӓр.

Mark 14:49

Хер гӱн сизиннӓн булунурдум Айоз бинада, ӱӱредерӓк инсаны, да тутмадыныз Бени. Ама Айоз Йазылар лӓӓзым таманнансыннар».

Luka 19:48

Ама йапамардылар бишей, зерӓ инсан хавезлӓн Иисусун лафыны сеслӓрди.

Luka 20:19

Бӱӱк попазлар хем билгичлӓр бактылар хемен Ону тутсуннар, ама инсандан коркардылар. Зерӓ аннадылар, ани оннар ичин Иисус бу ӧрнӓӓ сӧледи.

İoan 10:39

Оннар енидӓн бактылар тутсуннар Ону, ама О куртулду оннарын елиндӓн.

İoan 18:20

Иисус ӂувап етти: «Бӓн не сӧледим, ачык сӧледим инсана. Херзаман ӱӱреттим синагогалар ичиндӓ хем Айоз бинада, нерейи топланэр хепси иудейлӓр. Саклы бишей сӧлӓмедим.

İoan 7:19

Вермеди ми Моисей сизӓ Закону? Хеп окадар кимсей сиздӓн тутмээр Закону, озаман нечин Бени ӧлдӱрмӓӓ бакэрсыныз?»

İoan 7:44

Кимиси бактылар тутсуннар Ону, ама кимсей ел койамады Она.