Koloslulara 2:19 - Ени Бааланты

¹⁹ да тутунмээр Баштан, Кимдӓн бӱтӱн гӱӱдӓ еклери хем баалантылары йардымыннан бесленер хем бирлештирилер, да башарэр, бӱӱйерӓк Аллахын йардымыннан.

Enі Baalantı

¹⁹ da tutunmêêr Baştan, Kimdän bütün güüdä ekleri hem baalantıları yardımınnan beslener hem birleştiriler, da başarêr, büüyeräk Allahın yardımınnan.

Koloslulara 2:19 ပူးပေါင်းရင်းမြစ်များ

Luka 5:38

Ама ени шарабы лӓӓзым дӧкмӓӓ ени тулумнар ичинӓ. /Озаман корунэр икиси дӓ./

İoan 17:21

Дуа едерим, ки хепси олсуннар бирликтӓ, ниӂӓ Сӓн, Боба, Бендӓ, Бӓн дӓ Сендӓ, оннар да олсуннар Биздӓ, ки дӱннӓ инанабилсин, ани Сӓн Бени йолладын.

Yaptıklar 4:32

Хепси инанӂылар бир ӱрек хем бир ӂан гибийдилӓр. Бириси билӓ демӓрди, ки варлыы салт кендисинин. Хепси ишлерини бири-бириннӓн пайлашардылар.

Romalılara 11:17

Зейтин фиданындан кими даллар кесилди, да сӓн, йабан зейтин фиданындан филиз, хашландын оннарын еринӓ. Аслы зейтин фиданын семиз кӧкӱндӓн суйу чекерсин.

1 Korіnflіlerä 1:10

Йалварэрым, кардашлар, бизим Сааби Иисус Христозун адыннан, хепсиниз аннашын, да олмасын айырыклык аранызда. Олун бирликтӓ, бир нееттӓ хем бир дӱшӱнмектӓ.

1 Korіnflіlerä 11:3

Ама истеерим билӓсиниз, ани хербир адамын башы – Христос, карынын башы – коӂасы, ама Христозун башы – Аллах.

1 Korіnflіlerä 3:6

Бӓн ектим тоому, Аполлос йыслады, ама Аллах бӱӱттӱ.

Efeslіlerä 1:22

Хепсини койду айаклары алтына да йапты Ону, ки хепсинӓ баш олсун клиседӓ,

Efeslіlerä 1:23

ангысы Онун гӱӱдесидир хем ангысы долдурэр Ону, Ким долдурэр хепсини хербир иш ӱзерӓ.

Efeslіlerä 2:21

Онда бӱтӱн йапы, уйгун бирликтӓ топлу, ӱӱселип, олсун бир айоз бина Саабинин изметиндӓ.

Efeslіlerä 4:3

Чалышын корумаа Духун бирлиини услулуклан, ани баалээр сизи бири-биринизлӓн.

Efeslіlerä 5:29

Зерӓ кимсей бир сыра билӓ кенди гӱӱдесинӓ кин гӱтмеди, ама ону беслеер хем йысыдэр, ниӂӓ Христос клисейи.

Fіlіplіlerä 1:27

Саде йакышыклы йашайыныз Христозун Ии Хаберинӓ гӧрӓ, ки еер гелирсӓм да гӧрӱрсӓм сизи, еки гелмӓрсӓм, ишидейим сизин ичин, ани духча бирликтӓ дурэрсыныз, ниӂӓ бир ӂан савашарак, ки Ии Хабер инанылсын,

Koloslulara 1:10

Дуа едериз, ани йашаманыз Саабийӓ йакышсын да хербир иш ӱзерӓ беендирӓсиниз кендинизи Она, хертӱрлӱ ииликлӓрлӓн мейва гетирӓсиниз хем илерлейӓсиниз Ону танымакта,

Koloslulara 1:18

Одур гӱӱденин, клисенин Башы. Одур – клисейи башлайан, ӧлӱлердӓн илкинкиси, ки хербир иштӓ илк ери алсын.

Koloslulara 2:2

Истеерим, ани оннарын ӱреклери хошлансын хем севгийлӓн бирлешсиннӓр, ки таман билимин бӱтӱн зенгиниини еденсиннӓр да танысыннар Аллахын саклы курулмушуну, ани Христостур,

1 Salonіklіlerä 3:12

Сааби зееделесин хем таштырсын севгинизи бири-биринизӓ хем хепсинӓ, ниӂӓ дӓ биз сизи севериз,

1 Salonіklіlerä 4:10

Аслы, ани северсиниз хепси кардашлары, ким булунэр Македонийада, ама сизӓ йалварэрыз, кардашлар, бу ӱзерӓ таа илерлейин.

2 Salonіklіlerä 1:3

Херзаман доорулаа гӧрӓ борчлуйуз шӱкӱр еделим Аллаха сизин ичин, кардашлар, зерӓ инаныныз пек бӱӱйер хем севгиниз бири-биринизӓ зееделенер.

1 Petrіnіn 3:8

Олун хепсиниз бир нееттӓ, пай алын башкаларынын зорлукларында, кардашлары севин, йалпак хем мӱнӱз ӱрекли олун.

2 Petrіnіn 3:18

Ама каавиленин бизим Сааби хем Куртарыӂы Иисус Христозун иивергисиннӓн хем Ону танымаклан. Она метинник олсун шинди хем дивеӂинӓ. Амин.