İoan 8:55 - Ени Бааланты

⁵⁵ Ама сиз Ону танымээрсыныз. Бӓн Ону таныйэрым. Еер дейӓрсейдим, ани танымээрым, озаман йаланӂы калаӂэйдым, ниӂӓ дӓ сиз. Ама Бӓн Ону таныйэрым да таманнээрым Онун сӧзӱнӱ.

Enі Baalantı

⁵⁵ Ama siz Onu tanımêêrsınız. Bän Onu tanıyêrım. Eer deyärseydim, ani tanımêêrım, ozaman yalancı kalaceydım, nicä dä siz. Ama Bän Onu tanıyêrım da tamannêêrım Onun sözünü.

İoan 8:55 ပူးပေါင်းရင်းမြစ်များ

Matfey 11:27

Хепсини Бобам Беним елимӓ верди. Кимсей хептӓн аннамээр Оолу, Бобадан каарӓ, хем кимсей хептӓн аннамээр Бобайы, Оолдан каарӓ, хем оннардан, кимӓ Оол истеер ачмаа.

Luka 10:22

Хепсини Бобам Беним елимӓ верди. Кимсей билмеер, кимдир Оол, Бобадан каарӓ, хем кимсей билмеер, кимдир Боба, Оолдан каарӓ, хем оннардан, кимӓ Оол истеер ачмаа».

İoan 1:18

Аллахы бир сыра билӓ кимсей гӧрмеди. Бириӂик Оол, Аллах, ким Бобанын куӂаанда булунэр, О Аллахы ачты.

İoan 10:15

ниӂӓ Боба таныйэр Бени, Бӓн дӓ таныйэрым Бобайы. Бӓн верерим йашамамы койуннарым ичин.

İoan 15:10

Еер таманнарсайдыныз Беним сымарламакларымы, каларсыныз Беним севгилиимдӓ, ниӂӓ Бӓн таманнадым Бобамын сымарламакларыны да калдым Онун севгилииндӓ.

İoan 15:21

Хепсини буннары йапаӂэклар сизӓ Беним адымын бетеринӓ, зерӓ оннар танымээрлар Ону, Ким Бени йоллады.

İoan 16:3

Бӧлӓ йапаӂэклар, зерӓ танымадылар не Бобайы, не дӓ Бени.

İoan 17:25

Боба, Сӓн дооруйсун. Дӱннӓ Сени танымады, ама Бӓн Сени таныдым. Оннар да аннадылар, ани Сӓн Бени йолладын.

İoan 6:46

Зерӓ кимсей Бобайы гӧрмеди, Ондан каарӓ, Ким Аллахтан гелди. О Бобайы гӧрдӱ.

İoan 8:19

Озаман оннар сордулар: «Нередӓ Сенин Бобан?» Иисус ӂувап етти: «Сиз танымээрсыныз не Бени, не Бобамы. Еер таныйайдыныз Бени, таныйаӂэйдыныз Бобамы да».

İoan 8:29

Ким Бени йоллады, О Бенимнӓн. О бракмады Бени йалныз, зерӓ херзаман йапэрым, не беенилмиш Она».

İoan 8:44

Сизин бобаныз – диавол, да истеерсиниз таманнайасыныз сизин бобанызын шефклерини. О баштан инсан ӧлдӱрӱӂӱсӱйдӱ, дурмээр аслылыкта, зерӓ онда йок аслылык. Кач сыра сӧлеер бирӓр йалан, сӧлеер кенди табеетинӓ гӧрӓ, зерӓ о йаланӂы хем йаланын бобасы.

İoan 8:51

Доору, доору сӧлеерим сизӓ, ким таманнээр Беним сӧзӱмӱ, о хич ӧлмейеӂек».

İoan 8:52

«Шинди хализ аннээрыз, ани Сендӓ вар фена дух, – деди иудейлӓр. – Авраам ӧлдӱ, пророклар ӧлдӱлӓр, ама Сӓн деерсин: „Ким таманнээр Беним сӧзӱмӱ, о хич ӧлмейеӂек“.

Yaptıklar 17:23

Гезинип, бактым, нейӓ баш иилдерсиниз, уурадым бир курбаннык ӱстӱнӓ, нередӓ йазылы: „Билинмейӓн бир Аллаха“. Бу Аллахы, кими сиз билмейерӓк икрамнээрсыныз, Ону сизӓ хаберлеерим.

2 Korіnflіlerä 4:6

Зерӓ Аллах, Ким деди: «Айдыннык шафк етсин каранныктан», О айдыннатты ӱреклеримизи, ки таныйалым Аллахын метинниини, ани шафк едер Иисус Христозун ӱзӱндӓн.

1 İoanın 1:6

Еер биз дейӓрсейдик, ани вар пайдашлыымыз Онуннан, ама каранныкта йашарсайдык, биз йалан сӧлеериз да аслылаа гӧрӓ йашамээрыз.

1 İoanın 2:22

Ким йаланӂы, еер диилсӓ о, ким инкӓр едер, ани Иисус – Христос? Одур антихрист, ангысы инкӓр едер хем Бобайы, хем Оолу.

1 İoanın 2:4

Ким деер: «Бӓн Ону таныдым», ама сымарламакларыны таманнамээр, о бир йаланӂы, да онда йок аслылык.

1 İoanın 5:10

Ким инанэр Аллахын Оолуна, онда вар Аллахын шаатлыы. Ким инанмээр Аллахы, Аллахы йаланӂы йапэр, зерӓ инанмээр Аллахын шаатлыыны, ани Аллах шаатлык етти Кенди Оолу ичин.

Apokalіpsіs 3:9

Бак, Бӓн верерим оннары, ким шейтанын топлушундан, оннары, ким сайэр кендилерини иудей, ама диил доору, йалан сӧлеерлӓр, йапаӂам, гелсиннӓр да баш иилтсиннӓр сенин айакларынын ӧнӱндӓ. Озаман таныйаӂэклар, ани Бӓн сени севдим.