İoan 8:29 - Ени Бааланты

²⁹ Ким Бени йоллады, О Бенимнӓн. О бракмады Бени йалныз, зерӓ херзаман йапэрым, не беенилмиш Она».

Enі Baalantı

²⁹ Kim Beni yolladı, O Benimnän. O brakmadı Beni yalnız, zerä herzaman yapêrım, ne beenilmiş Ona».

İoan 8:29 ပူးပေါင်းရင်းမြစ်များ

Matfey 17:5

Буну сӧлӓркӓн, бир айдынныклы булут гӧлгесиннӓн каплады оннары, да булут ичиндӓн бир сес деди: «Будур Беним севгили Оолум, Онда Беним ислеелиим».

Matfey 3:15

Ама Иисус она ӂувап етти: «Брак шинди, зерӓ бӧлӓ дӱшер, таманнайалым хепсини, не доору». Озаман Иоан бракты Ону, ваатиз олсун.

Matfey 3:17

Гӧктӓн ишидилди бир сес, ани деди: «Будур Беним севгили Оолум, Онда Беним ислеелиим».

İoan 14:31

Ама дӱннӓ лӓӓзым билсин, ани Бӓн северим Бобайы, онуштан хепсини йапэрым, ниӂӓ Бана сымарлады Боба. Калкын, гиделим бурадан.

İoan 15:10

Еер таманнарсайдыныз Беним сымарламакларымы, каларсыныз Беним севгилиимдӓ, ниӂӓ Бӓн таманнадым Бобамын сымарламакларыны да калдым Онун севгилииндӓ.

İoan 16:32

Тӓ, гелер вакыт, артык гелди, ачан даалышаӂэныз херкезиниз кенди еринӓ. Бени йалныз бракаӂэныз, ама Бӓн диилим йалныз, зерӓ Боба Бенимнӓн.

İoan 17:4

Бӓн метиннедим Сени ердӓ, битирдим ишими, не Сӓн вердин йапайым.

İoan 4:34

Иисус деди: «Беним имӓӓм будур: йапайым Онун истедиини, Ким Бени йоллады, хем ишини Онун таманнайым.

İoan 5:30

Бӓн йок насыл йапайым бишей Кендимдӓн. Бӓн даава йапэрым ӧлӓ, ниӂӓ ишидерим Бобадан. Беним даавам доору, зерӓ бакэрым йапайым диил Беним Кенди истедиими, ама Бобанын, Ангысы Бени йоллады.

İoan 6:38

Зерӓ гӧктӓн индим, диил ани Кенди истедиими йапайым, ама Бени йоллайан Бобанын истедиини таманнайым.

İoan 8:16

Еер кесӓрсейдим даава, даавам доору олаӂэйды, зерӓ диилим йалныз: Боба, ани Бени йоллады, О Бенимнӓн.

2 Tіmofeyä 4:17

Ама Сааби беним йанымдайды, О бени каавиледи, ки насаат иши таманнансын беним аазымнан, да хепси миллетлӓр ону ишитсиннӓр. Бӧлӓ асланын аазындан куртулдум.

2 Tіmofeyä 4:22

Сааби /Иисус Христос/ олсун сенин духуннан. Сизиннӓн ииверги олсун. /Амин./

Çıfıtlara 4:15

Биздӓ вар ӧлӓ бир Баш попаз, Ангысы йок насыл аӂымасын бизи зайыфлыкларымызда, зерӓ О дененмиш олду хербир иш ӱзерӓ бизим гиби, салт гӱнах йапмады.

Çıfıtlara 7:26

Бутӱрлӱ Баш попаз бизӓ лӓӓзым. О айоз, кабаатсыз, лекесиз, гӱнахкерлердӓн айырык хем хепси гӧклердӓн таа ӱӱсек койулу.

1 İoanın 2:1

Ушаӂыкларым! Буннары йазэрым сизӓ, ки гӱнах йапмайасыныз. Ама еер биркимсей йаптысайды, бизим Бобада Араӂымыз вар – Доору Олан, Иисус Христос.

1 İoanın 3:22

Да не дӓ истейеӂез Ондан, кабледеӂез, зерӓ таманнээрыз Онун сымарламакларыны хем йапэрыз, не О беенер.