İoan 5:23 - Ени Бааланты

²³ ки хепси икрамнасыннар Оолуну, ниӂӓ икрамнээрлар Бобайы. Ким икрамнамээр Оолу, о икрамнамээр Бобайы, Ангысы йоллады Ону.

Enі Baalantı

²³ ki hepsi ikramnasınnar Oolunu, nicä ikramnêêrlar Bobayı. Kim ikramnamêêr Oolu, o ikramnamêêr Bobayı, Angısı yolladı Onu.

İoan 5:23 ပူးပေါင်းရင်းမြစ်များ

Matfey 10:37

Ким север бобасыны хем анасыны Бендӓн таа чок, о Бана йакышык диилдир. Ким север оолуну еки кызыны Бендӓн таа чок, Бана йакышык диилдир.

Matfey 11:27

Хепсини Бобам Беним елимӓ верди. Кимсей хептӓн аннамээр Оолу, Бобадан каарӓ, хем кимсей хептӓн аннамээр Бобайы, Оолдан каарӓ, хем оннардан, кимӓ Оол истеер ачмаа.

Matfey 12:21

Миллетлӓр Онун адына умутланаӂэклар».

Matfey 15:8

„Бу инсан Бени икрамнээр саде аазыннан, ама ӱреклериннӓн узак Бендӓн дурэр.

Matfey 28:19

Гидин да хепси миллетлери Бана ӱӱрениӂи йапын, ваатиз едип оннары Бобанын хем Оолун хем Айоз Духун адына.

Luka 10:16

Ким сеслейеӂек сизи, Бени сеслейеӂек. Ким сиздӓн атылаӂэк, Бендӓн атылаӂэк. Ама ким Бендӓн атылаӂэк, о атылаӂэк Ондан, Ким Бени йоллады».

İoan 14:1

Кахырланмайын. Инанын Аллаха хем инанын Бана.

İoan 16:14

О Бени метиннейеӂек, зерӓ алаӂэк ондан, не вар Бендӓ, да сизӓ ачаӂэк.

İoan 17:10

Хепси, ким Беним, оннар Сенин дӓ, хем ким Сенин, оннар Беним дӓ. Бӓн дӓ оннарлан метинненмиш олдум.

Romalılara 1:7

Хепсинизӓ, Ромада оланнара, севилмиш Аллахтан, чаарылмыш айоз олмаа – ииверги хем услулук сизӓ бизим Боба Аллахтан хем Сааби Иисус Христоздан!

Romalılara 15:12

Хеп ӧлӓ Исайа деер: «Иессейин кӧкӱндӓн бир филиз чыкаӂэк, Ангысы ӱӱселеӂек, чорбаӂы миллетлерӓ олсун, миллетлӓр дӓ Она умутланаӂэклар».

Romalılara 6:22

Ама шинди, ачан гӱнахтан бошанмышсыныз хем Аллаха чырак олдунуз, бундан файданыз вар: айозлукта йашээрсыныз, хем бунун сону – дивеч йашамак.

Romalılara 8:9

Ама сиз тендӓн заплы диилсиниз, ама Духтан, еер Аллахын Духу сиздӓ йашарсайды. Кимдӓ йок Христозун Духу, о диил Онун.

1 Korіnflіlerä 1:3

Ииверги хем услулук сизӓ Аллахтан, бизим Бобадан, хем Сааби Иисус Христоздан.

1 Korіnflіlerä 10:31

Ӧлӓ ки, хепси, не ийерсиниз хем ичерсиниз, хем хепси, не йапэрсыныз, хепсини йапын Аллахын метиннии ичин.

1 Korіnflіlerä 16:22

Еер биркимсей севмӓрсейди Сааби Иисус Христозу, олсун бетвалы. Марана фа!

1 Korіnflіlerä 6:19

Не, билмеерсиниз ми, ани гӱӱдениз – Духун айоз бинасы, нередӓ Айоз Дух булунэр, хем Ону Аллахтан каблеттиниз? Сиз кенди-кендинизин диилсиниз.

2 Korіnflіlerä 1:9

Кендимизи дуйдук, сансын ӧлӱм дӧшеендӓ. Бу олду, ки умутланмайалым кендимизӓ, ама Аллаха, Ани ӧлӱлери дирилдер.

2 Korіnflіlerä 5:14

Зерӓ Христозун севгиси бизи дӱртӓр, да биз дӱшӱнериз, ани еер бириси хепси ичин ӧлдӱсейди, озаман хепси ӧлдӱ.

2 Korіnflіlerä 5:19

Зерӓ Аллах Христозун араӂылыыннан барыштырды дӱннейи Кендисиннӓн, коймайарак есаба инсаннарын гӱнахларыны, да верди бизӓ барышмак хаберини.

Efeslіlerä 6:24

Ииверги олсун хепсиннӓн, ким север Саабимизи Иисус Христозу ӧлӱмсӱз севгийлӓн. /Амин./

2 Tіmofeyä 1:12

Бу бетерӓ бӓн бӧлӓ зеетленерим, ама хич утанмээрым, зерӓ билерим, Кимӓ инандым хем чок инанэрым, ани Онун вар куведи о Гӱнӓ кадар, корусун ону, не бана верилди.

Çıfıtlara 1:6

Хеп ӧлӓ, Кенди илк дуумушуну дӱннейӓ гетириркӓн, деер: «Аллахын хепси ангиллери Она баш иилтсиннӓр».

2 Petrіnіn 1:1

Бӓн, Симон Петри, Иисус Христозун кулу хем апостолу, селӓм йоллээрым хепсинӓ, ким бизим Аллах хем Куртарыӂы Иисус Христозун доорулууна гӧрӓ, каблетти инаны, ани бизим инан гиби паалыдыр.

2 Petrіnіn 3:18

Ама каавиленин бизим Сааби хем Куртарыӂы Иисус Христозун иивергисиннӓн хем Ону танымаклан. Она метинник олсун шинди хем дивеӂинӓ. Амин.

1 İoanın 2:23

Херкез, ким атылэр Оолдан, онда йок Боба. /Ама ким ачык кабледер Оолу, онда вар Боба./

2 İoanın 1:9

Ким сырайы басэр да тутунмээр Иисусун ӱӱретмесиндӓн, онда йок Аллах. Ким тутунэр /Христозун/ ӱӱретмесиндӓн, онда вар хем Боба, хем Оол.