İoan 4:23 - Ени Бааланты

²³ Ама гелер вакыт, артык шиндӓн сора гелди, ачан хакына баш ураннар баш иилдеӂеклӓр Бобайа духта хем аслылыкта, зерӓ бутӱрлӱ баш иилденнери Боба аарээр.

Enі Baalantı

²³ Ama geler vakıt, artık şindän sora geldi, açan hakına baş urannar baş iildeceklär Bobaya duhta hem aslılıkta, zerä butürlü baş iildenneri Boba aarêêr.

İoan 4:23 ပူးပေါင်းရင်းမြစ်များ

İoan 1:17

Зерӓ Закон Моисей ашыры верилди, ама хайыр хем аслылык Иисус Христос ашыры гелди.

İoan 12:23

Иисус ӂувап етти оннара: «Гелди саат, ки Адам Оолу метинненсин.

İoan 16:2

Уурадаӂэклар сизи синагогалардан. Гелеӂек артык ӧлӓ бир вакыт, ачан херкез, ким сизи ӧлдӱреӂек, санаӂэк, ани бунуннан Аллаха измет едер.

İoan 16:32

Тӓ, гелер вакыт, артык гелди, ачан даалышаӂэныз херкезиниз кенди еринӓ. Бени йалныз бракаӂэныз, ама Бӓн диилим йалныз, зерӓ Боба Бенимнӓн.

İoan 4:21

Иисус ӂувап етти она: «Кары, инан Бени, гелер вакыт, ачан баш иилтмейеӂениз Бобайа не бу байыр ӱстӱндӓ, не дӓ Иерусалимдӓ.

İoan 5:25

Доору, доору сӧлеерим сизӓ, гелер вакыт, шиндӓн сора гелди, ачан ӧлӱлӓр ишидеӂеклӓр Аллахын Оолунун сесини, да ишиденнӓр дирилеӂеклӓр.

İoan 5:28

Шашмайын буна, зерӓ гелер вакыт, ачан хепси, ким булунэр мезарлар ичиндӓ, ишидеӂеклӓр Адам Оолунун сесини.

Romalılara 1:9

Бана шааттыр Аллах, Ангысына измет едерим бӱтӱн ӱрӓӓмнӓн, аннадарак Ии Хабери Онун Оолу ичин, ани сизи дурмамайӂа, херзаман анэрым беним дуаларымда.

Romalılara 8:15

Зерӓ сиз каблетмединиз чыраклык духу, ки енидӓн коркуда оласыныз, ама каблеттиниз Духу, Ангысы бизи оол йапэр. Биз о Духлан баарэрыз «Авва, Боба!»

Romalılara 8:26

Хеп ӧлӓ Дух та йардым едер бизӓ, бизим зайыфлыымызда. Зерӓ биз билмеериз, ниӂӓ лӓӓзым дуа етмӓӓ, ама Дух кендиси бизим ичин араӂылык едер ӧлӓ офламакларлан, ани лафлан хич аннадылмаз.

Galatіyalılara 4:6

Чӱнкӱ ооллук едендиниз, Аллах Кенди Оолунун Духуну ӱреенизӓ йоллады, ани баарэр «Авва!» – аннамасы «Боба!»

Efeslіlerä 6:18

Херзаман духча дуа един хертӱрлӱ дуаларлан хем йалвармакларлан. Бунун ичин уйанык дурун бӱтӱн дайанмаклан хем йалвармаклан Аллахын хепси айоз халкы ичин.

Fіlіplіlerä 3:3

Зерӓ хакына кесикли – биз, ани духча измет едериз Аллаха, ӱӱнериз Иисус Христозлан хем умудумузу коймээрыз инсан ишлеринӓ.

1 Petrіnіn 2:9

Сиз сӓ бир сечилмиш сенселӓ, Падишахын попазлары, бир айоз миллет, Аллахын кенди инсаныйсыныз. Сечилдиниз, ки хаберлейӓсиниз шанны йаптыкларыны Онун, Ангысы чаарды сизи каранныктан Кенди шашылаӂак айдынныына.