İoan 21:15 - Ени Бааланты

¹⁵ Оннар идиктӓн сора, Иисус деди Симон Петрийӓ: «Симон, Иоанын оолу! Северсин ми сӓн Бени таа чок буннардан?» Петри ӂувап етти: «Аслы, Сааби, Сӓн билерсин, ани бӓн северим Сени». Иисус деди она: «Отлат Беним кузуларымы».

Enі Baalantı

¹⁵ Onnar idiktän sora, İisus dedi Simon Petriyä: «Simon, İoanın oolu! Seversin mi sän Beni taa çok bunnardan?» Petri cuvap etti: «Aslı, Saabi, Sän bilersin, ani bän severim Seni». İisus dedi ona: «Otlat Benim kuzularımı».

İoan 21:15 ပူးပေါင်းရင်းမြစ်များ

Matfey 10:37

Ким север бобасыны хем анасыны Бендӓн таа чок, о Бана йакышык диилдир. Ким север оолуну еки кызыны Бендӓн таа чок, Бана йакышык диилдир.

Matfey 16:17

Иисус деди: «Хелал сана, Симон, Ионанын оолу, зерӓ буну ачты сана диил тен хем кан, ама Беним Гӧктеки Бобам.

Matfey 18:10

Бакын, ашаалатмайын бирисини билӓ бу ен кӱчӱклердӓн, зерӓ сӧлеерим сизӓ, оннарын ангиллери гӧктӓ херзаман гӧрерлӓр Беним Гӧктеки Бобанын ӱзӱнӱ. /

Matfey 26:33

Петри ӂувап етти Она: «Хепси сӱрчӓрсейди Сенин бетеринӓ, бӓн бир сыра билӓ сӱрчмейеӂӓм».

Matfey 26:35

Петри деди: «Еер лӓӓзым оларсайды ӧлейим дӓ Сениннӓн, хеп окадар атылмарым Сендӓн». Калан ӱӱрениӂилӓр дӓ хеп ӧлӓ лафеттилӓр.

Mark 14:29

Петри Она деди: «Артык хепси дӓ сӱрчӓрсейди, бӓн хеп окадар сӱрчмейеӂӓм».

Luka 12:32

Коркма, сӓн, кӱчӱк сӱрӱ. Сизин Гӧктеки Бобаныз хавезликлӓн верер Падишахлыы сизӓ.

Luka 22:32

ама Бӓн дуа еттим сенин ичин, йуфкаланмасын сенин инанын. Да сӓн, енидӓн дӧнӱп Бана, каавилейӓсин кардашларыны инанда».

İoan 1:42

Гӧтӱрдӱ ону Иисуса. Иисус, ачан гӧрдӱ Симону, деди: «Сӓн – Симон, Иоанын оолу. Сенин адын олаӂэк Кифа (аннамасы таш)».

İoan 13:37

«Сааби, нечин йок ниӂӓ шинди гидейим Сениннӓн? Бӓн кайылым верейим ӂанымы да Сенин ичин», – деди Петри.

İoan 16:27

Боба Кендиси сизи север, зерӓ сиз севдиниз Бени да инандыныз, ани Аллахтан чыкып, гелдим.

İoan 21:12

Иисус деди оннара: «Гелин да ийин». Кимсей ӱӱрениӂилердӓн кыйышмарды сорсун Она: «Кимсин сӓн?» Зерӓ хепси таныйардылар, ани О Кендиси Сааби.

İoan 21:7

Озаман ӱӱрениӂи, ангысыны севӓрди Иисус, деди Петрийӓ: «Тӓ, Сааби!» Симон Петри, ачан ишитти, ани О – Сааби, белинӓ баалады ӱст рубасыны, зерӓ сойунмушту, да атлады су ичинӓ.

İoan 8:42

Иисус ӂувап етти оннара: «Олайды Аллах сизин Бобаныз, озаман севеӂейдиниз Бени, зерӓ Бӓн Аллахтан чыкып гелдим. Гелмедим Кенди башыма, ама О Бени йоллады.

Yaptıklar 20:28

Есап алын кенди-кендинизӓ хем бӱтӱн сӱрӱйӓ, кимин ӱстӱнӓ Аллах койду сизи гӱдӱӂӱ, ки гӱдӓсиниз Саабинин /хем Аллахын/ клисесини, ангысыны казанды Кенди каныннан.

Yaptıklar 20:29

Билерим, ани беним гитмемдӓн сора сизин араныза паралайыӂы йабанылар гиреӂек, ангылары аӂымайаӂэк сӱрӱйӱ.

Romalılara 14:1

Ии кабледин оннары, ким инанда зайыф, ама санмаклар бетеринӓ чекишмейин.

Romalılara 15:1

Биз, ани каавийиз инанда, дӱшер ташыйалым куветсизлерин зайыфлыкларыны да бакмайалым салт кенди хошлуумуза.

1 Korіnflіlerä 8:11

Бутакым бу инӂӓ ӱзлӱ кардаш кайбелир сенин билгиндӓн – о бир кардаш, кимин ичин ӧлдӱ Христос.

Galatіyalılara 5:6

Зерӓ Иисус Христозда йок паайы не кесиклиин, не дӓ кесиксизлиин, ама инанын, ани севгийлӓн ишлеер.

Efeslіlerä 4:14

Озаман артык олмайаӂэз ушаклар гиби, ангылары салланэрлар далгаларлан хем сӱрӱкленерлӓр лӱзгерлӓрлӓн – хертӱрлӱ ӱӱренмӓклӓн, ани инсаннар гетирерлӓр шалвирликлӓн хем ширетликлӓн, ки башкаларыны, алдадып, йолдан саптырсыннар.

Efeslіlerä 6:24

Ииверги олсун хепсиннӓн, ким север Саабимизи Иисус Христозу ӧлӱмсӱз севгийлӓн. /Амин./

Çıfıtlara 13:20

Услулук верӓн Аллах, Ангысы дивеч баалантынын каныннан ӧлӱдӓн дирилтти койуннарын бӱӱк гӱдӱӂӱсӱнӱ, бизим Сааби Иисус Христозу,

Çıfıtlara 4:13

Йарадылмышлардан хич кимсей Аллахтан сакланамаз. Онун гӧзлеринин ӧнӱндӓ хепси айын-ачык. Она биз ӂувап вереӂез.

1 Petrіnіn 1:8

Макар ки Ону гӧрмединиз, Ону северсиниз, шинди дӓ, гӧрмейерӓк, ама Она инанарак, севинерсиниз шанны бир севинмеликлӓн, ани йок насыл лафлан аннатмаа.

1 Petrіnіn 2:2

Ниӂӓ ени дуумуш евлатлар ӧзлеер сӱт, ӧзлейин Аллахын хализ Сӧзӱнӱ, ки сиз, бунуннан бӱӱйӱп, еденӓбилӓсиниз куртулмак.

1 Petrіnіn 2:25

Сиз койуннар гибийдиниз, ани йолуну шашырмыш. Шинди са сиз дӧндӱнӱз ӂаннарынызын Гӱдӱӂӱсӱнӓ хем Коруйуӂусуна.

1 İoanın 4:19

Биз севериз /Ону/, зерӓ О бизи ӧнӂӓ севди.

1 İoanın 5:1

Херкези, ким инанэр, ани Иисус – Христос, Аллахтан дуулмуш, хем херкези, ким север Бобайы, север Ону, Ангысы Ондан дуулмуш.

Apokalіpsіs 2:23

Онун ушакларыны чарпаӂам ӧлӱмнӓн. Озаман хепси клиселӓр таныйаӂэк, ани Бӓним, Ким аараштырэр инсанын неетлерини хем ӱреени. Хепсинизӓ кенди ишлеринизӓ гӧрӓ ӧдейеӂӓм.