İoan 20:21 - Ени Бааланты

²¹ Иисус деди икинӂи сыра: «Селемет сизӓ! Ниӂӓ йоллады Бени Бобам, ӧлӓ йоллээрым Бӓн дӓ сизи».

Enі Baalantı

²¹ İisus dedi ikinci sıra: «Selemet sizä! Nicä yolladı Beni Bobam, ölä yollêêrım Bän dä sizi».

İoan 20:21 ပူးပေါင်းရင်းမြစ်များ

Matfey 10:16

Тӓ, йоллээрым сизи ниӂӓ кузулары йабанылар ичинӓ. Олун аариф йылан гиби, ама кабаатсыз гугуш гиби.

Matfey 10:40

Ким кабледер сизи, о кабледер Бени. Ким кабледер Бени, о кабледер Ону, Ким Бени йоллады.

Luka 24:36

Бӧлӓ оннар лафедӓркӓн, Иисус Кендиси пейдаланды араларында да деди: «Услулук сизӓ!»

İoan 13:20

Доору, доору сӧлеерим сизӓ: ким кабледер ону, кими Бӓн йоллээрым, о Бени кабледер. Ким кабледер Бени, о кабледер Ону, Ким Бени йоллады».

İoan 14:27

Сизӓ услулук бракэрым, Беним услулууму сизӓ верерим. Вермеерим, ниӂӓ верер услулук бу дӱннӓ. Кахырланмайын хем коркмайын.

İoan 20:19

О хафтанын илк гӱнӱндӓ, авшам ӱстӱ, ӱӱрениӂилӓр топлуйдулар бирердӓ. Капулар китлийдилӓр, зерӓ коркардылар иудейлердӓн. Озаман Иисус гелди оннарын арасына да деди оннара: «Селемет сизӓ!»

İoan 20:22

Бу лафлардан сора О ӱфледи оннара да деди: «Кабледин Айоз Духу.

İoan 20:26

Секиз гӱндӓн сора енидӓн топлуйдулар Иисусун ӱӱрениӂилери ичердӓ, Фома да оннарланды. Капулар китлийкӓн, гелди Иисус оннарын арасына да деди: «Селемет сизӓ!»

İoan 3:17

Хакына, ани Аллах йолламады Оолуну бу дӱннейӓ, ки даава кессин дӱннейӓ, ама Онун ашыры дӱннӓ куртарылсын.

Yaptıklar 1:2

о гӱнӓ кадар, ачан калкты гӧкӓ. Калкмадаан илери Айоз Духлан верди сымарламаклар апостоллара, ангыларыны Кендиси айырды.

Yaptıklar 1:8

Ама сиз кабледеӂениз кувет, ачан Айоз Дух инеӂек сизин ӱстӱнӱзӓ да олаӂэныз Беним шаатларым Иерусалимдӓ, Иудейада, Самарийада хем ерин кенарларынадан».

2 Tіmofeyä 2:2

Ӱӱретмеклери, не ишиттин бендӓн чок шаатлар ӧнӱндӓ, вер инанч инсаннарын елинӓ, ангылары беӂерерлӓр башкаларыны да ӱӱретмӓӓ.

Çıfıtlara 3:1

Ӧлӓ ки, айоз кардашларым, сиз, ани бизимнӓн билӓ гӧкӓ чаарылдыныз, чевирин бакышынызы Апостола хем Баш попаза, Ангысыны шаатлык едериз инанда, Иисуса.

3 İoanın 1:14

Умутланэрым, тездӓ гӧрӱшейим сениннӓн да лафедейим ӱз-бе-ӱз.