İoan 20:2 - Ени Бааланты

² О качарак гитти Симон Петрийӓ хем ӧбӱр ӱӱрениӂийӓ, ангысыны севӓрди Иисус, да деди оннара: «Алмышлар Саабийи мезардан, да билмеериз, нерейи койдулар Ону».

Enі Baalantı

² O kaçarak gitti Simon Petriyä hem öbür üüreniciyä, angısını sevärdi İisus, da dedi onnara: «Almışlar Saabiyi mezardan, da bilmeeriz, nereyi koydular Onu».

İoan 20:2 ပူးပေါင်းရင်းမြစ်များ

İoan 13:23

Ӱӱрениӂилердӓн бириси, ангысыны севӓрди Иисус, отурарды софрада, анык Иисусун куӂаана.

İoan 19:26

Ачан Иисус гӧрдӱ анасыны хем, дурарак онун йанында, ӱӱрениӂийи, ангысыны севӓрди, деди Кенди анасына: «О, кары! Тӓ, бу сенин оолун!»

İoan 20:13

Оннар сордулар она: «Кары, нечин аалээрсын?» О ӂувап етти: «Алмышлар беним Саабими, да билмеерим нерейи койдулар».

İoan 20:15

Иисус деди она: «Кары! Нечин аалээрсын? Кими аарээрсын?» Марийа санды, ани О башчыванӂы, да деди: «Чорбаӂы! Еер сӓн алдысайдын Ону, сӧлӓ нерейи койдун, да бӓн алаӂам Ону».

İoan 20:9

Зерӓ оннар таа билмӓрдилӓр Айоз Йазыдан, ани Иисус лӓӓзымды дирилсин ӧлӱдӓн.

İoan 21:20

Петри бакты геери да гӧрдӱ, ани оннарын ардына гелер ӱӱрениӂи, ангысыны севӓрди Иисус, хем ангысы авшам екмӓӓ вакыдында дайандыйды Иисусун гӱӱсӱнӓ, да сорду: «Сааби! Ким сатаӂэк Сени?»

İoan 21:24

Бу, о ӱӱрениӂи, ани шаатлык едер бу ишлӓр ичин хем йазды буннары, да биз билериз, ани онун шаатлыы аслы.

İoan 21:7

Озаман ӱӱрениӂи, ангысыны севӓрди Иисус, деди Петрийӓ: «Тӓ, Сааби!» Симон Петри, ачан ишитти, ани О – Сааби, белинӓ баалады ӱст рубасыны, зерӓ сойунмушту, да атлады су ичинӓ.