İoan 12:28 - Ени Бааланты

²⁸ Боба, метиннӓ Сӓн Кенди адыны!» Озаман гӧктӓн ишидилди бир сес, ани деди: «Метиннедим хем метиннейеӂӓм дӓ!»

Enі Baalantı

²⁸ Boba, metinnä Sän Kendi adını!» Ozaman göktän işidildi bir ses, ani dedi: «Metinnedim hem metinneyecäm dä!»

İoan 12:28 ပူးပေါင်းရင်းမြစ်များ

Matfey 11:25

Озаман Иисус деди: «Шӱкӱр едерим Сана, Боба, гӧкӱн хем ерин Саабиси, ани сакладын буннары аариф хем фикирли оланнардан да ачтын евлатлара.

Matfey 11:26

Хакына, Боба, будур Сенин истедиин!

Matfey 17:5

Буну сӧлӓркӓн, бир айдынныклы булут гӧлгесиннӓн каплады оннары, да булут ичиндӓн бир сес деди: «Будур Беним севгили Оолум, Онда Беним ислеелиим».

Matfey 26:42

Гитти енидӓн икинӂи сыра дуа етмӓӓ да деди: «Бобам, еер йоксайды ниӂӓ ашсын бу чӧлмек Бендӓн, ки ичмейим ону, ко олсун Сенин истедиин».

Matfey 3:17

Гӧктӓн ишидилди бир сес, ани деди: «Будур Беним севгили Оолум, Онда Беним ислеелиим».

Mark 1:11

Гӧклердӓн бир сес ишидилди: «Сӓнсин Беним севгили Оолум, Сендӓ Беним ислеелиим».

Mark 14:36

О деди: «Авва, Бобам Беним! Хепсини Сӓн вар ниӂӓ йапасын. Еер варсайды ниӂӓ, ашырт Бендӓн бу аӂы чӧлмӓӓ. Хеп окадар олсун диил ӧлӓ, ниӂӓ Бӓн истеерим, ама ниӂӓ Сӓн».

Mark 9:7

Гелди бир булут да гӧлгесиннӓн каплады оннары. Булут ичиндӓн ишидилди бир сес, ангысы дейӓрди: «Будур Беним севгили Оолум, Ону сеслейин!»

Luka 3:22

Айоз Дух инди, гӧрӱнӓр гугуш тени гиби, Онун ӱстӱнӓ. Гӧктӓн ишидилди бир сес, ани деди: «Сӓнсин Беним севгили Оолум, Сендӓ Беним ислеелиим».

Luka 9:35

Булут ичиндӓн ишидилди бир сес, ани деди: «Будур Беним сечилмиш Оолум, Ону сеслейин!»

İoan 11:4

Иисус, ачан ишитти бу хабери, деди: «Бу хасталык диил ӧлӱмӓ дейни, ама Аллахын метиннии ичин олду, ки бунун ашыры Аллахын Оолу метинненсин».

İoan 18:11

Иисус деди Петрийӓ: «Кой кылыӂы кылыф ичинӓ. Не, ичмейеӂӓм ми Бӓн о филӂаны, ани Боба верди, ичейим?»

İoan 9:3

Иисус ӂувап етти: «Гӱнах йапмады не бу адам, не да онун бобалары, ама о бӧлӓ дууду, ки онуннан гӧстерилсин Аллахын ишлери.

Efeslіlerä 2:7

ки гелӓр заманнарда гӧстерсин иивергисинин кенарсыз зенгинниини ииликлӓн, ани йапты бизим ичин Иисус Христозда.

Efeslіlerä 3:10

Аллах буну йапты, ки шинди клисӓ араӂылыыннан билдирсин Кенди чоктӱрлӱ аарифлиини ӧндерӂилерӓ хем заабитлерӓ гӧклердӓ,

Efeslіlerä 3:21

Она метинник олсун клиседӓ хем Иисус Христозда бӱтӱн сенселелердӓ, дивечтӓн дивеӂӓ! Амин.

2 Petrіnіn 1:17

О каблетти Аллах Бобадан икрам хем шан, ачан сес ишидилди, ани гелди ӱӱсек хем метин Оландан, дейип: «Будур Беним севгили Оолум, Ангысында Беним ислеелиим».