İoan 12:26 - Ени Бааланты

²⁶ Еер биркимсей истӓрсейди измет етмӓӓ Бана, гелсин ардыма. Нередӓ Бӓн олаӂам, орада олаӂэк Беним изметкерим дӓ. Еер биркимсей измет едӓрсейди Бана, Боба она сайгы сӱреӂек.

Enі Baalantı

²⁶ Eer birkimsey istärseydi izmet etmää Bana, gelsin ardıma. Neredä Bän olacam, orada olacek Benim izmetkerim dä. Eer birkimsey izmet edärseydi Bana, Boba ona saygı sürecek.

İoan 12:26 ပူးပေါင်းရင်းမြစ်များ

Matfey 16:24

Озаман Иисус деди ӱӱрениӂилеринӓ: «Ким истеер гелсин Беним ардыма, атылсын кенди-кендиндӓн, алсын ставрозуну да Бени излесин.

Matfey 25:21

Чорбаӂы деди она: „Хелал, сӓн ии хем инанч чыраксын, олдун инанч аз ишлердӓ, койаӂам сени чок ишлерин ӱстӱнӓ. Катыл чорбаӂынын шенниинӓ!“

Mark 8:34

Сора Иисус топлады инсаны хем ӱӱрениӂилерини да деди: «Ким истеер гелсин Беним ардыма, атылсын кенди-кендиндӓн, алсын ставрозуну да Бени излесин.

Luka 12:37

Не мутлу чыраклар, ангыларыны чорбаӂы гелмесиндӓ ачыкгӧз булаӂэк! Доору сӧлеерим сизӓ, ани отурдаӂэк софрайа да, кушанып, измет едеӂек оннара.

Luka 6:46

Нечин деерсиниз: „Сааби, Сааби“, ама йапмээрсыныз, не сӧлеерим Бӓн?

Luka 9:23

Сора данышты хепсинӓ: «Ким истеер гелсин Беним ардыма, атылсын кенди-кендиндӓн, алсын ставрозуну да Бени излесин.

İoan 10:27

Беним койуннарым сеслеерлӓр Беним сесими. Бӓн таныйэрым оннары, оннар да гелерлӓр Беним ардыма.

İoan 13:16

Доору, доору сӧлеерим сизӓ, ани чырак диил таа бӱӱк кенди чорбаӂысындан, хем йолланмыш олан – йоллайандан.

İoan 14:15

Еер севӓрсейдиниз Бени, озаман таманнайын Беним сымарладыкларымы.

İoan 14:3

Ачан гидеӂӓм да хазырлайаӂам ер, сора гелеӂӓм дӓ алаӂам сизи йаныма, ки оласыныз сиз дӓ орада, нередейим Бӓн.

İoan 15:20

Гетирин аклыныза сӧзӱ, ани сӧледим сизӓ: „Чырак диил таа бӱӱк, некадар чорбаӂысы“. Чӱнкӱ Бени кооладылар, сизи дӓ коолайаӂэклар, чӱнкӱ Беним сӧзӱмӱ таманнадылар, сизин сӧзлеринизи дӓ таманнайаӂэклар.

İoan 17:24

Боба, истеерим, ки орада, нередӓ Бӓн олаӂам, олсуннар Бенимнӓн барабар оннар да, кими Сӓн вердин Бана, ки гӧрсӱннӓр Беним метинниими, ани вердин Бана, зерӓ Сӓн Бени севдин дӱннейин курулмасындан илери.

İoan 21:22

Иисус деди: «Еер Бӓн истӓрсейдим, ки о калсын дири, таа Бӓн гелинӂӓ, сана не зарар? Сӓн бак да гел ардыма».

Romalılara 1:1

Бӓн, Павли, Иисус Христозун чыраа, чаарылмыш апостол олмаа, сечилмиш Аллахын Ии Хаберини аннатмаа, селӓм йоллээрым.

Romalılara 14:18

Ким бутӱрлӱ измет едер Христоза, беенилмиш Аллахтан хем сайгы казанэр инсандан.

2 Korіnflіlerä 4:5

Зерӓ насаат етмеериз кендимизи, насаат едериз Иисус Христозу ниӂӓ Саабийи, ама кендимизи ниӂӓ чырак сизӓ Иисус ичин.

2 Korіnflіlerä 5:8

Кыйышэрыз хем таа чок истеериз, гӱӱдедӓн узак олуп, Саабийлӓн барабар олалым.

Galatіyalılara 1:10

Бӓн шинди инсанын кайыллыыны мы аарээрым оса Аллахын мы? Аӂаба инсана мы бакэрым кендими беендирейим? Еер инсана кендими беендирмӓӓ бакарсам, озаман олмарым Христозун чыраа.

Fіlіplіlerä 1:23

Чекер бени бу да, о да. Истеерим гечинейим бу дӱннедӓн да олайым Христозлан, зерӓ бу чок таа ии.

Koloslulara 3:24

Унутмайын, ани Саабидӓн мирас алаӂэныз баашыш гиби, зерӓ измет едерсиниз Сааби Христоза.

Koloslulara 4:12

Селӓм йоллээр сизӓ Епафрас, Иисус Христозун чыраа, ани сиздӓн. О херзаман чалышкан сизин ичин дуада, ки оласыныз таман хем каави инанда, таныйарак хепсини, не истеер Аллах.

2 Petrіnіn 1:1

Бӓн, Симон Петри, Иисус Христозун кулу хем апостолу, селӓм йоллээрым хепсинӓ, ким бизим Аллах хем Куртарыӂы Иисус Христозун доорулууна гӧрӓ, каблетти инаны, ани бизим инан гиби паалыдыр.

1 İoanın 5:3

Зерӓ будур Аллахы севмӓк: таманнайалым Онун сымарламакларыны. Онун сымарламаклары диил аар.

İudanın 1:1

Бӓн, Иуда, Иисус Христозун чыраа, Иаковун кардашы, селӓм йоллээрым сизӓ, чаарылмышлара, ани Аллах Бобадан севилмиш хем Иисус Христоздан корунмуш.

Apokalіpsіs 14:4

Буннар, ким булаштырмады кендини карыларлан, зерӓ оннар темиздир. Гидерлӓр Кузунун ардына, нерейи О гидер. Оннар сатын алынмыш инсан арасындан, ниӂӓ илк дуумушлар Аллаха хем Кузуйа.