İoan 10:36 - Ени Бааланты

³⁶ Бӧлейсӓ, Бӓн, Кими Боба айозлады да йоллады дӱннейӓ, сизин лафыныза гӧрӓ чыкэр, ани кӧтӱлеерим Аллахы, салт онуштан, ани дедим: „Аллахын Оолуйум“.

Enі Baalantı

³⁶ Böleysä, Bän, Kimi Boba ayozladı da yolladı dünneyä, sizin lafınıza görä çıkêr, ani kötüleerim Allahı, salt onuştan, ani dedim: „Allahın Ooluyum“.

İoan 10:36 ပူးပေါင်းရင်းမြစ်များ

Matfey 27:43

Умутланарды Аллаха, ко шинди куртарсын Ону Аллах, еер Ону севӓрсӓ. Зерӓ О Кенди дейӓрди: „Бӓн Аллахын Оолуйум!“»

Matfey 27:54

Аскер ӱзбашы хем аскерлӓр, ани бекчилик едӓрдилӓр Иисусун йанында, ачан гӧрдӱлӓр ер тепремесини хем хепсини, не олду, пек корктулар да дедилӓр: «Хакына, О Аллахын Оолуйду!»

Luka 1:35

Ангил ӂувап етти: «Айоз Дух конаӂэк сана. Пек ӱӱсек Аллахын гӧлгеси сени гӧлгелейеӂек. О, Ким сендӓн дууаӂэк, адланаӂэк айоз, Аллахын Оолу.

İoan 10:35

Аллах оннара деди „аллахлар“, кимӓ йоллады сӧзӱнӱ. Олмаз Айоз Йазы бозулсун.

İoan 17:18

Ниӂӓ йолладын Бени дӱннейӓ, ӧлӓ Бӓн дӓ йолладым оннары дӱннейӓ.

İoan 17:21

Дуа едерим, ки хепси олсуннар бирликтӓ, ниӂӓ Сӓн, Боба, Бендӓ, Бӓн дӓ Сендӓ, оннар да олсуннар Биздӓ, ки дӱннӓ инанабилсин, ани Сӓн Бени йолладын.

İoan 17:8

Сӧзлери, ани вердин Бана, Бӓн оннара вердим. Оннар каблеттилӓр да хакына таныдылар, ани Сендӓн чыкып, гелдим, да инандылар, ани Сӓн Бени йолладын.

İoan 19:7

Иудейлӓр ӂувап еттилӓр она: «Биздӓ вар Закон, да бу Закона гӧрӓ О лӓӓзым ӧлдӱрӱлсӱн, зерӓ йапты кендини Аллахын Оолу».

İoan 20:28

Фома деди: «Саабим хем Аллахым!»

İoan 20:31

Ама буннар йазылы, ки сиз инанасыныз, ани Иисус – Христос, Аллахын Оолу, да инанарак, дивеч йашаманыз Онун адыннан олсун.

İoan 3:17

Хакына, ани Аллах йолламады Оолуну бу дӱннейӓ, ки даава кессин дӱннейӓ, ама Онун ашыры дӱннӓ куртарылсын.

İoan 3:34

Кими Аллах йоллады, О Аллахын сӧзлерини сӧлеер, зерӓ Аллах Кенди Духуну ӧлчӱйлӓн вермеер.

İoan 5:30

Бӓн йок насыл йапайым бишей Кендимдӓн. Бӓн даава йапэрым ӧлӓ, ниӂӓ ишидерим Бобадан. Беним даавам доору, зерӓ бакэрым йапайым диил Беним Кенди истедиими, ама Бобанын, Ангысы Бени йоллады.

İoan 6:27

Чалышын диил гечӓр имӓк ичин, ама гечмӓз имӓк ичин, ани дивеч йашамайа гӧтӱрер. Буну сизӓ Адам Оолу вереӂек. Зерӓ Адам Оолуну Аллах Боба нышаннады Кенди мӱхӱрӱннӓн».

İoan 6:38

Зерӓ гӧктӓн индим, диил ани Кенди истедиими йапайым, ама Бени йоллайан Бобанын истедиини таманнайым.

İoan 6:57

Ниӂӓ дири Боба йоллады Бени, да йашээрым Бобанын кувединнӓн, хеп ӧлӓ Бени дӓ ийӓн йашайаӂэк Беним куведимнӓн.

İoan 6:69

Биз инандык да таныдык, ани Сӓнсин Аллахын Айозу».

İoan 8:42

Иисус ӂувап етти оннара: «Олайды Аллах сизин Бобаныз, озаман севеӂейдиниз Бени, зерӓ Бӓн Аллахтан чыкып гелдим. Гелмедим Кенди башыма, ама О Бени йоллады.

Romalılara 1:4

ама Кенди айоз духуннан, куветлӓн белли олду, ани О Аллахын Оолу, зерӓ ӧлӱмдӓн дирилди.

Romalılara 8:3

Не Закон йапамады, чӱнкӱ теннӓн йуфкаланды, Аллах йапты. О йоллады Кенди Оолуну, бензӓр гӱнахкер инсана, курбан олсун гӱнах ичин, да даава етти гӱнахы, ани вар инсан тениндӓ,

Romalılara 9:5

Оннардан патриархлар гелди хем оннардан гӱӱдейӂесинӓ Христос гелди, Ангысы хепсиндӓн таа ӱстӱн хем дивеӂинӓ метинненмиш Аллахтыр. Амин.

Galatіyalılara 4:4

Ама, ачан вакыт таманнанды, Аллах бизӓ Кенди Оолуну йоллады, Ангысы дууду карыдан да йашады Законун запында,