Galatіyalılara 2:4 - Ени Бааланты

⁴ Ама варды йаланӂы кардашлар, ани, саклы сокулуп, сыйындылар бизим арамыза, ки гӧзлетсиннӓр сербестлии, ани едендик Иисус Христозда, бизи чыраклаа гӧтӱрсӱннӓр дейни.

Enі Baalantı

⁴ Ama vardı yalancı kardaşlar, ani, saklı sokulup, sıyındılar bizim aramıza, ki gözletsinnär serbestlii, ani edendik İisus Hristozda, bizi çıraklaa götürsünnär deyni.

Galatіyalılara 2:4 ပူးပေါင်းရင်းမြစ်များ

Luka 5:38

Ама ени шарабы лӓӓзым дӧкмӓӓ ени тулумнар ичинӓ. /Озаман корунэр икиси дӓ./

Yaptıklar 15:1

Кимиси, Иудейадан геленнӓр, ӱӱредӓрдилӓр кардашлары, ани, еер кесиклик йапмарсайдылар Моисейин сырасына гӧрӓ, йок насыл куртулсуннар.

Yaptıklar 15:24

Биз ишиттик, ани кими инсаннар, ким бизим арамыздан чыкты, ама биздӓн йолланмадылар, сизи раатсыз едерлӓр ӧлӓ лафларлан да долаштырэрлар сизи, /ӱӱредерӓк сизи кесиклик кабледӓсиниз хем тутасыныз Моисейин законуну/.

Yaptıklar 20:30

Сизин дӓ араныздан калкаӂэк ӧлӓ адамнар, ангылары терсинӓ лафедеӂеклӓр, ки ӱӱрениӂилери кенди тарафына чексиннӓр.

Romalılara 8:15

Зерӓ сиз каблетмединиз чыраклык духу, ки енидӓн коркуда оласыныз, ама каблеттиниз Духу, Ангысы бизи оол йапэр. Биз о Духлан баарэрыз «Авва, Боба!»

2 Korіnflіlerä 11:13

Бусой инсаннар – йаланӂы апостоллар, алдадыӂы ишчилӓр, ангылары йапынэрлар, ани Христозун апостоллары.

2 Korіnflіlerä 11:17

Не сӧлейеӂӓм, сӧлӓмейеӂӓм Саабийӓ гӧрӓ, ама бир акылсыз гиби кыйышмаклан ӱӱнерӓк.

2 Korіnflіlerä 11:20

Хакына сиз дайанэрсыныз, ачан биркимсей сизи чырак еринӓ кулланэр, ачан йудар хем сойар сизи, ачан кабарэр ӧнӱнӱздӓ хем ӱзӱнӱзӓ урэр.

2 Korіnflіlerä 11:26

Чок керӓ йолӂулук еттим, булундум титсиликтӓ акар сулардан, титсиликтӓ хайдутлардан, титсиликтӓ кенди сенселемдӓн, титсиликтӓ башка миллетлердӓн, титсиликтӓ касаба ичиндӓ, титсиликтӓ чол ердӓ, титсиликтӓ дениз ӱстӱндӓ, титсиликтӓ йаланӂы кардашлар арасында,

2 Korіnflіlerä 3:17

Бу сырада «Сааби» – Айоз Духтур. Нередӓ Саабинин Духу, орада сербестлик.

Galatіyalılara 1:7

Диил, ани вар башка ии хабер, ама вар кими инсаннар, ани сизи долаштырэрлар да истеерлӓр Христозун Ии Хаберини бозсуннар.

Galatіyalılara 4:25

Агар – Аравийада Синай байырыдыр, да шиндики Иерусалимӓ бензеер, зерӓ о шинди чыраклыкта булунэр ушакларыннан барабар.

Galatіyalılara 4:3

Бутӱрлӱ биз дӓ, некадар вакыт духчасына ушактык, окадар вакыт чырак булунардык дӱннейин башланкы ӱӱретмеклеринӓ.

Galatіyalılara 5:1

Христос бизи сербест йапты, ки сербест калалым. Онуштан каави дурун да верилмейин енидӓн чыраклык бойундурууна.

Galatіyalılara 5:10

Саабидӓ бӱӱк инаным вар, ани сиз башка тӱрлӱ дӱшӱнмеерсиниз, ама о, ким сизи долаштырэр, ӂезасыны чекеӂек, ким дӓ о олса.

2 Tіmofeyä 3:6

Оннардан кимилери евлерӓ сокулэр да сансын есир алэрлар заваллы карылары, ани гӱнахлан ӱклӱ хем тӱрлӱ хавезлӓрлӓн сӱрӱкленер,

İakovun 1:25

Ама ким ии бакэр о таман Закона, ани сербестлик верер, да ону илери доору таманнээр, диил ниӂӓ бир унудан сеслейиӂи, ама ниӂӓ бир чалышкан ишчи, бу адам кенди ишиндӓ мутлу олаӂэк.

1 Petrіnіn 2:16

Гӧтӱрӱн кендинизи ниӂӓ сербест инсаннар, саде йапмайын сербестлииниздӓн кӧтӱлӓӓ бир ӧртӱ. Йашайын ниӂӓ Аллахын чыраклары.

2 Petrіnіn 2:19

Оннара адээрлар сербестлик, ама кендилери бозук ишлерӓ чыраклык едерлӓр. Зерӓ херкези, недӓн енсенмиш, она да чырак олэр.

1 İoanın 4:1

Севгили кардашлар! Хербир духу инанмайын, ама денейин духлары, ки гӧрӓсиниз, Аллахтан мы? Зерӓ бу дӱннедӓ чыкты чок йаланӂы пророк.

İudanın 1:4

Зерӓ араныза сыйынды кими адамнар, ангылар евелдӓн ӂеза ичин сыраланмыш, аллахсызлар, ани Аллахын хайырыны чевирерлӓр тербеесизлӓӓ да атылэрлар бизим бириӂик Чорбаӂымыздан, Саабимиздӓн, Иисус Христоздан.