Fіlіplіlerä 4:9 - Ени Бааланты

⁹ Не ӱӱрендиниз, каблеттиниз, ишиттиниз хем гӧрдӱнӱз бендӓ, оннары таманнайын, да селемет верӓн Аллах сизиннӓн олаӂэк.

Enі Baalantı

⁹ Ne üürendiniz, kablettiniz, işittiniz hem gördünüz bendä, onnarı tamannayın, da selemet verän Allah sizinnän olacek.

Fіlіplіlerä 4:9 ပူးပေါင်းရင်းမြစ်များ

Matfey 1:23

«Тӓ кыз гебӓ калаӂэк да бир оол дуудураӂэк. Онун адыны койаӂэклар „Еммануил“, аннамасы „Аллах бизимнӓн“».

Matfey 28:20

Ӱӱредин, хепсини таманнасыннар, не сизӓ сымарладым. Да билиниз, Бӓн олаӂам сизиннӓн хер гӱн, заманын биткисинӓдӓн». /Амин./

Matfey 7:21

Диил оннар, ким Бана деер „Сааби, Сааби!“, гиреӂек Гӧк Падишахлыына, ама оннар, ким таманнээр Беним Гӧктеки Бобамын истедиини.

Luka 6:46

Нечин деерсиниз: „Сааби, Сааби“, ама йапмээрсыныз, не сӧлеерим Бӓн?

Luka 8:21

Ама Иисус ӂувап етти: «Беним анам хем кардашларым оннар, ким сеслеер хем таманнээр Аллахын сӧзӱнӱ».

İoan 13:17

Чӱнкӱ буннары билирсениз, не мутлу олаӂэныз, таманнарсайдыныз.

İoan 15:14

Еер йапарсайдыныз, не Бӓн сизӓ сымарлээрым, озаман сиз Беним достларымсыныз.

İoan 2:5

Анасы изметкерлерӓ деди: «Йапасыныз ону, не дейеӂек».

Yaptıklar 9:6

Саул, коркудан титирейерӓк, сорду: «Сааби, не йапайым?» Сааби ӂувап етти она: «/Калк да гит касаба ичинӓ, орада сана сӧленеӂек, не лӓӓзым йапасын».

Romalılara 15:33

Аллах, услулук верӓн, олсун сизиннӓн хепсинизлӓн! Амин.

Romalılara 16:20

Аллах, услулук верӓн, тездӓ езеӂек шейтаны сизин айакларыныз алтында. Ииверги Саабимиздӓн Иисус Христоздан олсун сизиннӓн. /Амин./

1 Korіnflіlerä 10:31

Ӧлӓ ки, хепси, не ийерсиниз хем ичерсиниз, хем хепси, не йапэрсыныз, хепсини йапын Аллахын метиннии ичин.

1 Korіnflіlerä 14:33

Зерӓ Аллах диил сырасызлык Аллахы, ама услулук Аллахы. Бу сыра кулланылэр Аллахын айоз халкынын хербир клисесиндӓ.

1 Korіnflіlerä 4:16

Ӧлӓ ки, йалварэрым, бана бензейин.

2 Korіnflіlerä 13:11

Биткидӓ, кардашлар, хошча калын. Олгун олун, насаатымы сеслейин, бир нееттӓ олун, услулукта йашайын. Озаман Аллах, севги хем услулук сызынтысы, сизиннӓн олаӂэк.

Fіlіplіlerä 3:17

Бана бензӓр олмаа чалышын, кардашлар, да ислӓӓ бакын оннара, ким йашээр о ӧрнӓӓ гӧрӓ, ангысыны биз сизӓ вердик.

Fіlіplіlerä 4:7

Озаман Аллахын селемети, ани таа ӱӱсек хербир акылдан, коруйаӂэк сизин ӱреклеринизи хем фикирлеринизи Иисус Христозда.

1 Salonіklіlerä 1:6

Сиз бизӓ хем Саабийӓ бензӓр олдунуз, кабледип Аллахын сӧзӱнӱ чок зеет ичиндӓ, севинмеликлӓн, ани гелер Айоз Духтан.

1 Salonіklіlerä 2:14

Зерӓ сиз, кардашлар, олдунуз бензӓр Аллахын клиселеринӓ Иудейада, ангылары Иисус Христоза баалы, зерӓ сиз дӓ чектиниз кенди ватандашларыныздан, не оннар чектилӓр иудейлердӓн,

1 Salonіklіlerä 5:23

Услулук верӓн Аллах бӱтӱннӓ сизи айозласын. Сизин духунуз, ӂаныныз хем гӱӱдениз бӱтӱннӓ кедерсиз корунсун бизим Сааби Иисус Христозун гелмесиндӓ.

2 Salonіklіlerä 3:4

Биз умут койэрыз Саабийӓ сизин ичин, ани сиз таманнээрсыныз хем таманнайаӂэныз ону, не биз сизӓ сымарлээрыз.

2 Tіmofeyä 4:22

Сааби /Иисус Христос/ олсун сенин духуннан. Сизиннӓн ииверги олсун. /Амин./

İakovun 1:22

Аллахын сӧзӱнӱ саде ишитмӓклӓн кендинизи алдатмайын, Аллахын сӧзӱнӱн таманнайыӂылары олун.

2 Petrіnіn 1:10

Онуштан, кардашлар, чалышын таа чок хем таа чок каавилемӓӓ сизин чаарылманызы хем сечилменизи. Еер буну йапарсайдыныз, бир керӓ билӓ кӧстекленмейеӂениз.

1 İoanın 3:22

Да не дӓ истейеӂез Ондан, кабледеӂез, зерӓ таманнээрыз Онун сымарламакларыны хем йапэрыз, не О беенер.