Fіlіplіlerä 4:18 - Ени Бааланты

¹⁸ Бендӓ хепси вар, боллукта йашээрым. Бӓн токум, каблеттим, нейи Епафродитин елиннӓн йолламышыныз. Бу – ниӂӓ гӧзӓл кокулу бир баашыш, бир курбан, ангысыны Аллах кабледер хем беенер.

Enі Baalantı

¹⁸ Bendä hepsi var, bollukta yaşêêrım. Bän tokum, kablettim, neyi Epafroditin elinnän yollamışınız. Bu – nicä gözäl kokulu bir baaşış, bir kurban, angısını Allah kableder hem beener.

Fіlіplіlerä 4:18 ပူးပေါင်းရင်းမြစ်များ

Yaptıklar 10:4

О бакты уз она да, ӱркӱп, деди: «Не вар, Саабим?» Ангил ӂувап етти: «Сенин дуаларын хем ииликлерин етиштилӓр Аллаха, да О аклына гетирди оннары.

Romalılara 12:1

Онуштан, кардашлар, йалварэрым Аллахын аӂыйанныыннан, гетирин сизин гӱӱделеринизи бир дири, айоз, беенилмиш курбан Аллаха. Будур сизин хакына изметчилииниз.

2 Korіnflіlerä 11:8

Башка клиселердӓн пара алдым, кабледерӓк оннардан ӧдек, ки измет едӓбилейим сизӓ. Сиздӓ булунаркан, бакмайарак, ани йоклук чекӓрдим, бӓн кимсейӓ аарлык гетирмедим.

2 Korіnflіlerä 9:12

Зерӓ бу йардым, бу изметчилииниз диил саде Аллахын айоз халкынын йоклукларыны долдураӂэк, ама башка тарафтан да зенгиннедеӂек, чӱнкӱ чок инсан Аллаха шӱкӱр едеӂеклӓр.

Efeslіlerä 5:2

Севгиликтӓ йашайын, ниӂӓ Христос бизи севди да Кендини бизим ичин верди Аллаха гӧзӓл кокулу бир баашыш хем курбан гиби.

Fіlіplіlerä 4:12

Билерим йашамаа, ниӂӓ йоклукта, хеп ӧлӓ боллукта да. Ӱӱрендим секрети, ани херердӓ, хербир халда, ниӂӓ ток олайым, хеп ӧлӓ аач да дурайым, ниӂӓ боллукта, хеп ӧлӓ зорлукта да булунайым.

2 Salonіklіlerä 1:3

Херзаман доорулаа гӧрӓ борчлуйуз шӱкӱр еделим Аллаха сизин ичин, кардашлар, зерӓ инаныныз пек бӱӱйер хем севгиниз бири-биринизӓ зееделенер.

Çıfıtlara 13:16

Унутмайын иилик йапмаа хем не вар сиздӓ пайетмӓӓ, зерӓ бутӱрлӱ курбаннары Аллах беенер.

1 Petrіnіn 2:5

О сизи файдаласын, ниӂӓ дири ташлары, ки ишлесин бир духча ев, нередӓ сиз, айоз попазлар оларак, гетирӓбилирсиниз Иисус Христозун араӂылыыннан духча курбаннар, не Аллахтан беенилмиш.