Fіlіplіlerä 3:19 - Ени Бааланты

¹⁹ Оннарын сону кайыплык олаӂэк. Оннарын аллахы – кенди шкембелери, да ӱӱнерлӓр онуннан, недӓн лӓӓзым утансыннар. Оннар дӱшӱнерлӓр ердеки ишлӓр ичин.

Enі Baalantı

¹⁹ Onnarın sonu kayıplık olacek. Onnarın allahı – kendi şkembeleri, da üünerlär onunnan, nedän lääzım utansınnar. Onnar düşünerlär erdeki işlär için.

Fіlіplіlerä 3:19 ပူးပေါင်းရင်းမြစ်များ

Matfey 16:23

Ама Иисус дӧндӱ да деди Петрийӓ: «Узаклан Бендӓн, шейтан! Сӓн Бана бир кӧстексин. Зерӓ сенин неетлерин диил Аллахтан, ама адамдан».

Matfey 25:41

Сора дейеӂек сол тарафында оланнара: „Гидин Бендӓн, сиз бетвалылар, дивеч атешӓ, ани хазырланмыш диавола хем онун ангиллеринӓ!

Luka 12:19

Сора дейеӂӓм ӂаныма: ӂаным, вар чок иилик топлу чок йыллар ичин; диннен, и, ич хем шеннен!“

Luka 16:19

Варды бир зенгин адам, ангысы гиинӓрди ергиван хем инӂӓ кетен рубайлан. Хергӱн йашарды шенниктӓ хем сефалыкта.

Luka 18:4

О узун вакыт истӓмеди доорулук йапмаа, ама сонда кенди-кендинӓ деди: „Аллахтан коркмээрым, инсандан утанмээрым.

Romalılara 16:18

Зерӓ бусой инсаннар измет етмеерлӓр Христоза, бизим Саабийӓ, ама кенди шкембелеринӓ. Татлы сӧзлӓрлӓн хем йалпак лафларлан алдадэрлар саф ӱреклилери.

Romalılara 6:21

Озаман не файданыз олду о ишлердӓн, ангылардан шинди утанэрсыныз? Бутӱрлӱ ишлерин биткиси – ӧлӱм.

1 Korіnflіlerä 3:3

чӱнкӱ сиз таа тендӓн кулланылмышсыныз. Еер сизин аранызда варса кысканчлык хем кавга, /хем айырыклык/, бу гӧстермеер ми, ани тендӓн кулланылмышсыныз хем йашээрсыныз калан инсаннар гиби?

1 Korіnflіlerä 5:2

Сиз дӓ бунуннан шишкинненерсиниз! Таа ии олаӂэйды, ки аалайасыныз. О, ким бу иши йапты, дӱшер уурадылсын араныздан, ӧлӓ диил ми?

1 Korіnflіlerä 5:6

Ӱӱнмениз диил ии. Билмеерсиниз ми, ани аз майа бӱтӱн хамуру кабардэр?

2 Korіnflіlerä 11:12

ки ӧн вермейим оннара, ким аарээр ӱӱнсӱн, ки ишлеер бизим гиби.

2 Korіnflіlerä 11:15

Диилдир бӱӱк иш, еер онун изметкерлери дӓ йапынарсайдылар, ани доорулуун изметкерлери булунэрлар. Оннарын биткиси олаӂэк оннарын йаптыкларына гӧрӓ.

Galatіyalılara 6:13

Зерӓ артык оннар да, ким кесиклик йаптылар, кендилери дӓ таманнамээрлар Айоз Закону, ама истеерлӓр сизӓ кесиклик йаптырмаа, ки ӱӱнӓбилсиннӓр сизин гӱӱделеринизлӓн.

Fіlіplіlerä 2:21

Зерӓ хепси аарээр кендинӓ файда, диил Иисус Христоза.

Koloslulara 3:2

Дӱшӱнӱн гӧктеки ишлӓр ичин, ама диил ердеки ишлӓр ичин.

2 Salonіklіlerä 1:9

Оннар ӂезаланаӂэк дивеч ӧлӱмнӓн, Саабинин ӱзӱндӓн хем Онун йалабыклы кудретлииндӓн йыракланылы,

2 Salonіklіlerä 2:12

ки даава кесилсин хепсинӓ, ким инанмээр аслылыы, ама майыл олэр йалана.

2 Salonіklіlerä 2:8

Озаман законсуз олан ачылаӂэк, ангысыны Сааби Иисус ӧлдӱреӂек Кенди аазындан солууннан да телеф едеӂек Кенди гелмесинин пейдаланмасында.

1 Tіmofeyä 6:5

Бошуна дартышмаклар бозук фикирли инсаннарда, ангылары кайбеттилӓр аслылыы, санарак ани Аллахын йолу казанч йолудур. /Бусой инсаннардан узаклаш./

2 Tіmofeyä 3:4

хайын, фикирсиз, шишкин, таа чок сефа севеннӓр, некадар Аллахы.

İakovun 4:16

Ама шинди ӱӱнерсиниз хем шишкинниклӓн лафедерсиниз. Бутӱрлӱ ӱӱнмеклӓр херзаман кӧтӱ.

2 Petrіnіn 2:1

Ама инсан арасында йаланӂы пророклар пейдаланды. Оннар сизин аранызда да пейдаланаӂэк, насаат едип йаланӂы ӱӱретмеклӓр. Оннар саклыдан сокаӂэклар араныза кайыплык гетирӓн бӧлӱнмеклӓр. Орайы кадар етишеӂеклӓр, ани Саабидӓн, Ангысы оннары сатын алды, атылаӂэклар. Бунуннан оннар кенди ӱстлеринӓ тез кайыплык гетиреӂеклӓр.

2 Petrіnіn 2:13

Оннар ӧдек кенди кӧтӱлӱклеринӓ гӧрӓ кабледеӂеклӓр, зерӓ северлӓр гӱндӱз сефалык сӱрмӓӓ. Оннар лекелеерлӓр хем утандырэрлар. Хошланэрлар алдатмактан, ачан сизиннӓн ийип-ичерлӓр.

2 Petrіnіn 2:3

Тамахлык бетеринӓ йалан лафларлан сизи сойаӂэклар. Даава оннар ичин чоктан хазыр хем уйукламээр О, Ким оннары йок едеӂек.

İudanın 1:10

Буннар са кӧтӱлеерлӓр, нейи аннамээрлар, хем о, не табеетчӓ билерлӓр акылсыз хайваннар гиби, бу оннары кайбедер.

İudanın 1:16

Бу мырылтыӂылар херзаман аалашэрлар да йашээрлар кенди беендиклеринӓ гӧрӓ. Аазлары шишкин лафлар сӧлеер. Кенди казанчлары ичин башкаларына йалтыкланэрлар.

İudanın 1:4

Зерӓ араныза сыйынды кими адамнар, ангылар евелдӓн ӂеза ичин сыраланмыш, аллахсызлар, ани Аллахын хайырыны чевирерлӓр тербеесизлӓӓ да атылэрлар бизим бириӂик Чорбаӂымыздан, Саабимиздӓн, Иисус Христоздан.

Apokalіpsіs 18:7

Некадар кендини мететти хем сефалык сӱрдӱ, окадар зеет хем кахыр она чевирин. Зерӓ о кенди-кендинӓ деер: „Падишахка гиби отурэрым, диилим дул хем хич кахыр чекмейеӂӓм!“

Apokalіpsіs 19:20

Ӂанавар хем йаланӂы пророк, ани йапарды мераклы нышаннар ӂанаварын ӧнӱндӓ, тутулдулар. Йаланӂы пророк бу нышаннарлан алдатты оннары, ким каблеттийди ӂанаварын дамгасыны хем ким баш иилдӓрди ӂанаварын идолуна. Икиси дӓ диридӓн атылдылар атеш гӧлӱнӓ, ани кӱкӱртлӓн йанэр.

Apokalіpsіs 21:8

Ама коркаклар, инансызлар, ииренч оланнар, ӧлдӱрӱӂӱлӓр, ороспулук еденнӓр, бӱӱӂӱлӓр, идоллара баш иилденнӓр хем хепси йаланӂылар, оннарын пайлары гӧлдӓ, ани атеш хем кӱкӱртлӓн йанэр. Бу – икинӂи ӧлӱм».

Apokalіpsіs 22:15

Дышанда кӧпеклӓр, бӱӱӂӱлӓр, ороспулук еденнӓр, ӧлдӱрӱӂӱлӓр, идоллара баш иилденнӓр, оннар, ким север йалан сӧлемӓӓ хем алдадэр.