Fіlіplіlerä 2:25 - Ени Бааланты

²⁵ Ама есапладым, ки лӓӓзым сизӓ геери йоллайым кардашымы Епафродити, ангысы бенимнӓн барабар ишлеер хем савашэр, да ангысыны сиз йолладыныз, ки йардым етсин бана зорлукларымда.

Enі Baalantı

²⁵ Ama esapladım, ki lääzım sizä geeri yollayım kardaşımı Epafroditi, angısı benimnän barabar işleer hem savaşêr, da angısını siz yolladınız, ki yardım etsin bana zorluklarımda.

Fіlіplіlerä 2:25 ပူးပေါင်းရင်းမြစ်များ

İoan 13:16

Доору, доору сӧлеерим сизӓ, ани чырак диил таа бӱӱк кенди чорбаӂысындан, хем йолланмыш олан – йоллайандан.

İoan 17:18

Ниӂӓ йолладын Бени дӱннейӓ, ӧлӓ Бӓн дӓ йолладым оннары дӱннейӓ.

Romalılara 16:3

Селӓм Прискиллайа хем Акилайа, беним кафадарларыма Иисус Христозун ишиндӓ.

Romalılara 16:9

Селӓм Урбана, ани бизим кафадарымыз Христозун ишиндӓ, хем Стахисӓ, беним севгили кардашыма.

1 Korіnflіlerä 3:9

Зерӓ биз – Аллахын ишчилери, ама сиз – Аллахын тарласы, Аллахын йапысы.

2 Korіnflіlerä 2:13

хеп окадар духча усланамадым, зерӓ буламадым орада беним кардашымы, Титы. Онуштан, дейип «кал саалыӂаклан» оннара, гиттим Македонийайа.

Fіlіplіlerä 2:26

Зерӓ о пек ӧзлемиш сизи хепсинизи, да чок гӱчленди, чӱнкӱ онун хасталыы ичин ишиттиниз.

Fіlіplіlerä 4:18

Бендӓ хепси вар, боллукта йашээрым. Бӓн токум, каблеттим, нейи Епафродитин елиннӓн йолламышыныз. Бу – ниӂӓ гӧзӓл кокулу бир баашыш, бир курбан, ангысыны Аллах кабледер хем беенер.

Fіlіplіlerä 4:3

Сӓн дӓ, Сизиг, хакына кафадарым, йардым ет бу карылара, ани саваштылар Ии Хабери насаат етмӓӓ бенимнӓн, Клементлӓн хем каланнарлан, ани бенимнӓн ишлеерлӓр, ангыларын адлары йазылы йашамак кийадында.

Koloslulara 1:7

ниӂӓ ӱӱрендиниз Епафрастан, бизим севгили кафадарымыздан, ангысы Иисус Христозун инанч изметкеридир сизин хатырыныз ичин.

Koloslulara 4:11

хеп ӧлӓ Иисус, ангысына денер Иуст. Кесикли оланнардан йалныз буннар ишлеерлӓр бенимнӓн билӓ Аллахын Падишахлыы ичин. Оннар ӱрееми сериннеттилӓр.

1 Salonіklіlerä 3:2

да йолладык Тимофейи, бизим кардашы хем кафадары Аллах ичин, ки Христозун Ии Хаберини насаат етсин да каавилесин хем гиргиннетсин сизи инанда,

Fіlіmona 1:24

Марк, Аристарх, Димас, Лука, беним кафадарларым.

Çıfıtlara 3:1

Ӧлӓ ки, айоз кардашларым, сиз, ани бизимнӓн билӓ гӧкӓ чаарылдыныз, чевирин бакышынызы Апостола хем Баш попаза, Ангысыны шаатлык едериз инанда, Иисуса.