Fіlіplіlerä 2:1 - Ени Бааланты

¹ Христос сизи гиргиннедер, севгисиннӓн иилендирер, Айоз Духтан пай алэрсыныз, ӱреениздӓ севги хем аӂыйаннык вар.

Enі Baalantı

¹ Hristos sizi girginneder, sevgisinnän iilendirer, Ayoz Duhtan pay alêrsınız, üreenizdä sevgi hem acıyannık var.

Fіlіplіlerä 2:1 ပူးပေါင်းရင်းမြစ်များ

Luka 2:25

Иерусалимдӓ варды бир адам, ады Симеон. О бир доору хем кабаатсыз адамды, ангысы беклӓрди Израилин куртулмасыны. Онда Айоз Дух варды.

İoan 14:18

Бракмайаӂам сизи ӱӱсӱз, гелеӂӓм сизӓ.

İoan 14:27

Сизӓ услулук бракэрым, Беним услулууму сизӓ верерим. Вермеерим, ниӂӓ верер услулук бу дӱннӓ. Кахырланмайын хем коркмайын.

İoan 17:13

Ама шинди Бӓн Сана гелерим. Буннары сӧлеерим таа дӱннедӓ булунуркан, ки Беним севинмелиим оннарда таманнансын.

Yaptıklar 2:46

Хер гӱн хепси барабар топланардылар Айоз бинайа хем евлердӓ екмек пайедӓрдилӓр да севинмӓклӓн хем пак ӱреклӓн ийӓрдилӓр.

Yaptıklar 4:32

Хепси инанӂылар бир ӱрек хем бир ӂан гибийдилӓр. Бириси билӓ демӓрди, ки варлыы салт кендисинин. Хепси ишлерини бири-бириннӓн пайлашардылар.

Romalılara 5:5

Умут да утандырмээр, зерӓ Аллахын севгилии бизим ӱреклеримизӓ дӧкӱлдӱ Айоз Духлан, Ангысы бизӓ верилди.

Romalılara 8:26

Хеп ӧлӓ Дух та йардым едер бизӓ, бизим зайыфлыымызда. Зерӓ биз билмеериз, ниӂӓ лӓӓзым дуа етмӓӓ, ама Дух кендиси бизим ичин араӂылык едер ӧлӓ офламакларлан, ани лафлан хич аннадылмаз.

1 Korіnflіlerä 12:13

Хепсимиз ваатиз олдук бир Духлан, ки бир гӱӱдӓ олалым, олсун иудей, олсун урум, олсун чырак, олсун сербест, хепсимиз бир Духтан суланмышыз.

1 Korіnflіlerä 15:31

Кардашлар, бӓн хер гӱн ӧлерим. Буну деерим, чӱнкӱ ӱӱнерим сизин ичин Саабимиз Иисус Христозда.

1 Korіnflіlerä 3:16

Билмеерсиниз ми, ани сиз Аллахын айоз бинасы, хем ани Аллахын Духу сиздӓ йашээр?

2 Korіnflіlerä 2:14

Ама шӱкӱр Аллаха, Ким херзаман гездирер бизи Христозун енсемӓк парадында хем бизимнӓн херердӓ даадэр гӧзӓл кокуйу, не гелер Ону танымактан.

Galatіyalılara 4:6

Чӱнкӱ ооллук едендиниз, Аллах Кенди Оолунун Духуну ӱреенизӓ йоллады, ани баарэр «Авва!» – аннамасы «Боба!»

Galatіyalılara 5:22

Ама Айоз Духун мейвасы – севги, севинмӓк, услулук, сабурлук, аӂыйаннык, иилик, инанӂылык,

Efeslіlerä 4:4

Бир гӱӱдӓ вар хем бир Дух, ниӂӓ сиз чаарылдыныз бир умуда, ани гелер чаарылманыздан,

Fіlіplіlerä 1:8

Аллах бана шаат, ани бӓн ӧзлеерим хепсинизи Иисус Христозун севгисиннӓн.

Fіlіplіlerä 3:3

Зерӓ хакына кесикли – биз, ани духча измет едериз Аллаха, ӱӱнериз Иисус Христозлан хем умудумузу коймээрыз инсан ишлеринӓ.

Koloslulara 2:2

Истеерим, ани оннарын ӱреклери хошлансын хем севгийлӓн бирлешсиннӓр, ки таман билимин бӱтӱн зенгиниини еденсиннӓр да танысыннар Аллахын саклы курулмушуну, ани Христостур,

Koloslulara 3:12

Онуштан гиинин, ниӂӓ Аллахын сечилмишлери, айоз хем севгили, аӂыйанныы, иилии, йавашлыы, йалпаклыы, сабурлуу.

Çıfıtlara 6:18

ки бу ики диишилмейӓн ишлӓн, адамаклан хем еминнӓн, нейлӓн Аллах йок насыл алдатсын, бӱӱк кыйышмак еденелим. Биз Аллахта сакландык, ки тутунабилелим ӧнӱмӱзӓ койулу умуттан.

1 Petrіnіn 1:2

Сечилдиниз Аллах Бобанын ӧнӂӓ билмесинӓ гӧрӓ, Аллахын Духуннан айоз халк оларак, ки сеслейӓсиниз Иисус Христозу, хем Онун каны серпилсин ӱстӱнӱзӓ. Сизӓ ииверги хем услулук зееделенсин.

1 İoanın 3:24

Ким таманнээр Аллахын сымарламакларыны, о Аллахта, Аллах да онда калэр. Да бунуннан билериз, ани Аллах биздӓ йашээр – Айоз Духлан, Ангысыны О бизӓ верди.

1 İoanın 4:12

Аллахы бир сыра билӓ кимсей гӧрмеди. Еер севӓрсейдик бири-биримизи, Аллах биздӓ калэр, хем Онун севгиси долулуктан биздӓ олэр.

1 İoanın 4:16

Биз аннадык хем инандык севгийи, ангысы Аллахта вар бизим ичин. Аллах – севги, да ким йашээр севгидӓ, о калэр Аллахта, Аллах да онда.