Fіlіmona 1:7 - Ени Бааланты

⁷ Зерӓ биз пек севиндик хем ӱреклендик сенин севгин ичин, зерӓ сениннӓн, кардашым, хошланды айозларын ӱреклери.

Enі Baalantı

⁷ Zerä biz pek sevindik hem üreklendik senin sevgin için, zerä seninnän, kardaşım, hoşlandı ayozların ürekleri.

Fіlіmona 1:7 ပူးပေါင်းရင်းမြစ်များ

1 Korіnflіlerä 16:18

зерӓ оннар бени дӓ, сизи дӓ духча сериннеттилӓр. Онуштан бусой инсаннары паайа койун.

2 Korіnflіlerä 7:13

Бунуннан иилендик. Ииленмемиздӓн каарӓ, таа чок севиндик Титын севинӂинӓ, зерӓ сиз хепсиниз онун ӱреени сериннеттиниз.

2 Korіnflіlerä 7:4

Бӱӱк умудум вар сиздӓ, чок ӱӱнерим сизиннӓн хем чок хошланэрым. Бӱтӱн бизим зеетлеримиздӓ севинӂимин кенары йок.

1 Salonіklіlerä 1:3

Дайма анэрыз бизим Аллах Бобанын ӧнӱндӓ, несой инаннан ишлеерсиниз, несой севгийлӓн савашэрсыныз, да некадар дайанэрсыныз, умуду койарак бизим Сааби Иисус Христоза.

1 Salonіklіlerä 2:13

Онуштан биз херзаман шӱкӱр едериз Аллаха, ки кабледип Аллахын сӧзӱнӱ, ани ишиттиниз биздӓн, каблеттиниз диил ниӂӓ адам сӧзӱнӱ, ама ниӂӓ Аллахын сӧзӱнӱ, ниӂӓ дӓ хакына вар хем ангысы сиздӓ, инанӂыларда, ишлеер.

1 Salonіklіlerä 2:19

Зерӓ ким бизим умудумуз еки севинмемиз, ким о фенец, нейлӓн биз ӱӱнеӂез Саабимизин Иисус Христозун каршысында Онун гелмесиндӓ? Диил ми сиз?

1 Salonіklіlerä 3:9

Несой шӱкӱрлӱк вар ниӂӓ гетирелим Аллаха сизин ичин, бӱӱк севинмӓк ичин, ани каблеттик сиздӓн бизим Аллахын ӧнӱндӓ.

2 Tіmofeyä 1:16

Сааби Онисифорун евинӓ аӂыйаннык версин, зерӓ о чок сыра бени иилендирди хем утанмады беним синӂирлеримдӓн,

Fіlіmona 1:20

Хакына, кардашым, вер бана колайлык Саабидӓ сендӓн файдаланайым, хошландыр беним ӱрееми Христозда.

2 İoanın 1:4

Бӓн пек севиндим, ани булдум кимисини сенин ушакларындан аслылык йолунда гезерӓк, ниӂӓ Бобадан сымарламак каблеттик.