Çıfıtlara 8:6 - Ени Бааланты

⁶ Ама шинди Христос еденди окадар таа ӱстӱн изметчилик, некадар таа ӱстӱн баалантынын араӂысы олду, зерӓ бу бааланты курулу таа ии адамакларлан.

Enі Baalantı

⁶ Ama şindi Hristos edendi okadar taa üstün izmetçilik, nekadar taa üstün baalantının aracısı oldu, zerä bu baalantı kurulu taa ii adamaklarlan.

Çıfıtlara 8:6 ပူးပေါင်းရင်းမြစ်များ

Luka 22:20

Хеп ӧлӓ, имектӓн сора, алды чӧлмӓӓ да деди: «Бу чӧлмек – ени бааланты, ани куведӓ гирер Беним канымнан, ани сизин ичин дӧкӱлер.

Romalılara 9:4

Оннар – израилли. Аллах оннары оол йапты, метинниини гӧстерди, баалантылар йапты, Айоз Закону верди, гӧстерди, нетӱрлӱ Она баш иилтмӓӓ, хем оннара адамаклар верди.

Efeslіlerä 2:12

Унутмайын, ани сиздӓ озаман Христос йокту, Израил ватандашлыындан кесилмиштиниз, йабанӂыйдыныз баалантылара, ани темелленмиш Аллахын адамакларына, умутсуз хем Аллахсыздыныз бу дӱннедӓ.

1 Tіmofeyä 2:5

Зерӓ бир Аллах хем бир Араӂы Аллахын хем инсанын арасында, адам Иисус Христос.

Tіta 1:2

хем темелли дивеч йашамак умуду ӱстӱндӓ, ангысыны Аллах, ани хич йалан сӧлӓмеер, адады баштан дивечликтӓн.

Çıfıtlara 12:24

Йаклаштыныз ени баалантынын Араӂысына, Иисуса, хем серпили кана, ани таа ии ишлери аннадэр, некадар Авелин каны.

Çıfıtlara 7:22

Бунуннан Иисус таа ии бир баалантынын гарантийасы олду.

2 Petrіnіn 1:4

ангыларыннан билӓ бизӓ чок бӱӱк хем паалы адамаклар баашланды, ки сиз бӧлеликлӓн куртуласыныз бозуклуктан, ани бу дӱннедӓ вар шефклик бетеринӓ, да бензӓр оласыныз Аллахын табеетинӓ.