Apokalіpsіs 7:15 - Ени Бааланты

¹⁵ Онуштан оннар булунэрлар Аллахын чорбаӂылык скемнесинин каршысында да измет едерлӓр Она геӂӓ-гӱндӱз Онун Айоз бинасында. Чорбаӂылык скемнесиндӓ Отуран чадырыны оннарын ӱстӱнӓ гереӂек.

Enі Baalantı

¹⁵ Onuştan onnar bulunêrlar Allahın çorbacılık skemnesinin karşısında da izmet ederlär Ona gecä-gündüz Onun Ayoz binasında. Çorbacılık skemnesindä Oturan çadırını onnarın üstünä gerecek.

Apokalіpsіs 7:15 ပူးပေါင်းရင်းမြစ်များ

İoan 1:14

Сӧз адам олду, бизим арамызда йашады, иивергийлӓн хем аслылыклан долу. Онун метинниини гӧрдӱк, ниӂӓ Бобадан бириӂик Оолун метинниини.

1 Korіnflіlerä 3:16

Билмеерсиниз ми, ани сиз Аллахын айоз бинасы, хем ани Аллахын Духу сиздӓ йашээр?

2 Korіnflіlerä 6:16

Не кайыллык олэр Аллахын айоз бинасынын хем идолларын арасында? Чӱнкӱ сиз дири Аллахын айоз бинасыйсыныз, ниӂӓ деди Аллах: «Бӓн йашайаӂам хем гезеӂӓм оннарын арасында. Оннарын Аллахы олаӂам, оннар да Беним инсаным олаӂэк».

Çıfıtlara 12:2

Уз Иисуса бакалым, Ангысы бизим инанын ӧнӂӱсӱ хем таманнайыӂысы. О, бакарак севинмелӓӓ, ани гелеӂек, дайанды ставрозда герили олсун. Буну хич утанмак саймады да Аллахын чорбаӂылык скемнесинин саа тарафына отурду.

Çıfıtlara 8:1

Сӧледиклеримизин ӧзӱ будур: биздӓ вар ӧлӓ бир Баш попаз, Ангысы гӧклердӓ отурду бӱӱк Аллахын чорбаӂылык скемнесинин саа тарафында.

Apokalіpsіs 11:19

Аллахын гӧктеки Айоз бинасы ачылды, да Онун Бааланты Сандыы Айоз бинасында гӧрӱндӱ. Чимчирик чакты, уултулар хем гӧк гӱрӱлтӱлери ишидилди, ер тепреди хем бӱӱк толу фуртунасы копту.

Apokalіpsіs 13:6

О аазыны ачты да башлады Аллахы кӧтӱлемӓӓ. Кӧтӱледи Онун адыны хем айоз чадырыны – гӧктӓ йашайаннары.

Apokalіpsіs 20:10

Диавол, ани оннары алдадарды, атеш хем кӱкӱрт гӧлӱнӓ атылды, нередӓ вар ӂанавар хем йаланӂы пророк, да геӂӓ-гӱндӱз дивечтӓн дивеӂӓ зеетленеӂеклӓр.

Apokalіpsіs 21:22

Айоз бина орада гӧрмедим, зерӓ Сааби Аллах, Чоккудретли, хем Кузу айоз бина орада.

Apokalіpsіs 22:3

Хем хич бишей бетвалы орада олмайаӂэк. Ама Аллахын хем Кузунун чорбаӂылык скемнеси орада олаӂэк, хем Онун чыраклары Она измет едеӂеклӓр.

Apokalіpsіs 22:5

Артык геӂӓ олмайаӂэк, хем шафк диил лӓӓзым оннара, не дӓ гӱн айдынныы, зерӓ Сааби Аллах айдыннадаӂэк оннары. Оннар дивечтӓн дивеӂӓ падишахлык едеӂеклӓр.

Apokalіpsіs 4:4

Чорбаӂылык скемнесинин долайында варды таа ирми дӧрт чорбаӂылык скемнеси. Бу скемнелердӓ ирми дӧрт аксакал отурарды, гиийимни бийаз рубаларлан. Хепсинин башында варды алтын фенец.

Apokalіpsіs 4:8

Бу дӧрт йаратыын хербириндӓ варды алтышар канат. Доз-долай, дышандан хем ичйандан, долуйдулар гӧзлӓн. Геӂӓ-гӱндӱз дурмамайӂа дейӓрдилӓр: «Айоз, айоз, айоз Чоккудретли Сааби Аллах, Ким варды, Ким вар хем Ким гелӓр».

Apokalіpsіs 4:9

Озаман, незаман йаратыклар метиннеерлӓр, икрамнээрлар хем шӱкӱр едерлӓр чорбаӂылык скемнесиндӓ Отураны, Ким дивеч йашээр,

Apokalіpsіs 7:9

Ондан сора бактым да гӧрдӱм бир бӱӱк сӱрӱ инсан, ангыларыны кимсей йокту насыл сайсын, хертӱрлӱ миллеттӓн, сенселедӓн, халктан хем дилдӓн, ангылары дурардылар чорбаӂылык скемнесинин хем Кузунун ӧнӱндӓ, бийаз рубаларлан гиийимни хем хурма даллары еллериндӓ.