Apokalіpsіs 6:8 - Ени Бааланты

⁸ Ачан бактым, тӓ, бир шарга бейгир. Онун ӱстӱндӓ атлы оланын ады ӧлӱм, да онун ардынӂа ӧлӱлӓр ери гелӓрди. Верилди оннара изин ерин дӧрдӱнӂӱ пайы ӱстӱнӓ, ӧлдӱрсӱннӓр кылычлан, аачлыклан, чумайлан хем ӂанаварларлан.

Enі Baalantı

⁸ Açan baktım, tä, bir şarga beygir. Onun üstündä atlı olanın adı ölüm, da onun ardınca ölülär eri gelärdi. Verildi onnara izin erin dördüncü payı üstünä, öldürsünnär kılıçlan, aaçlıklan, çumaylan hem canavarlarlan.

Apokalіpsіs 6:8 ပူးပေါင်းရင်းမြစ်များ

Matfey 11:23

Сӓн, Капернаум, гӧкӓ кадар мы ӱӱсекленеӂӓн? Диил, сӓн ӧлӱлӓр еринӓ дӱшеӂӓн. Зерӓ, еер бу кудретли ишлӓр, ани сендӓ йапылды, Содом касабасында йапылайды, о айакча дураӂэйды бӱӱнкӱ гӱнӓ кадар.

Matfey 24:7

Зерӓ миллет миллетӓ, падишахлык падишахлаа каршы калкаӂэк. Кими ерлердӓ олаӂэк аачлык, /салгыннар/ хем ер тепремелери.

1 Korіnflіlerä 15:55

Ӧлӱм, нередӓ сенин енсемӓн? Нередӓ сенин зихирли иинӓн?

Apokalіpsіs 1:18

Дири оланым, ӧлӱйдӱм, ама те, дири калаӂам дивеӂӓ кадар. Беним елимдӓ ӧлӱмӱн хем ӧлӱлӓр еринин анатарлары.

Apokalіpsіs 12:4

Онун куйруу, гӧктеки йылдызларын ӱчӱнӂӱ пайыны сӱрӱклейип, ерӓ дӱшӱрдӱ. Сора дракон дикилди карынын ӧнӱнӓ, ани лӓӓзымды дуудурсун, ки дуудурдуу заман ушааны йутсун.

Apokalіpsіs 9:15

Дӧрт ангил салверилди, ангылары хазырланмыштылар о саат, о гӱн, о ай хем о йыл ичин, ки ӧлдӱрсӱннӓр ӱчӱнӂӱ пайыны инсандан.

Apokalіpsіs 9:18

Инсандан ӱчӱнӂӱ пайы ӧлдӱ бу ӱч беладан – атештӓн, тӱтӱндӓн хем кӱкӱрттӓн, ани чыкарды оннарын аазларындан.